Мурдагы президент Алмазбек Атамбаевдин кеңешчиси, президенттин аппарат жетекчисинин экс-орун басары Икрамжан Илмиянов. Архивдик сүрөт

Жатак абагындагы Икрамжан Илмиянов ооруканага түштү

412
(жаңыланган 17:36 21.09.2020)
Илмиянов Молдовановка айылындагы №26 жатак абагында болчу, 16-сентябрда кардиология бөлүмүнө жаткырылганы айтылды.

БИШКЕК, 21-сен. — Sputnik. Мурдагы президент Алмазбек Атамбаевдин кеңешчиси, президенттин аппарат жетекчисинин экс-орун басары Икрамжан Илмиянов ооруканага түштү. Бул тууралуу Жаза аткаруу мамлекеттик кызматы билдирди.

Маалыматта Илмиянов 16-сентябрь күнү Улуттук госпиталдын кардиология бөлүмүнө жаткырылганы айтылат. Анын гипертониялык оорусу бар экени кабарланды.

Алмазбек Атамбаев пневмониядан айыгып кайра абакка которулду

Икрамжан Илмиянов чет элдик компаниянын ишин токтотуп берүү үчүн 150 миң доллар пара алган деп айыпталган. Аны былтыр Октябрь райондук соту мал-мүлкүн конфискациялоо менен жети жылга эркинен ажыраткан.

Ушул жылдын 19-июнунда Бишкек шаардык соту райондук соттун чечимин өзгөртүп, жазасын беш жыл алты айга чейин кыскарткан. Ошондой эле Илмиянов 10 миллион 397 миң 235 сом өлчөмүндө салынган айып пулдан кутулган.

Мындан сырткары, ага мунапыс берилип, жаза өтөө мөөнөтү 8 ай 20 күнгө кыскартылган. Натыйжада Молдовановка айылындагы № 26 жатак абагына которуу чечими кабыл алынган.

412
Белгилер:
оорукана, Икрамжан Илмиянов, оору, абак
Тема:
Икрамжан Илмияновго карата козголгон кылмыш иши (19)
Тема боюнча
Икрамжан Илмияновдун соттогу акыркы сөзү. Судьядан эмне сурады
Улуттук музейдин иши: Сапар Исаковду сот 18 жылга кести
Бишкек — Ош автотрассасы. Архив

Шаршембиге карата аба ырайы

22
22-сентябрда күндүз жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-сен. — Sputnik. Шаршембиде республиканын кээ бир аймактарында өткүн өтүп, күн күркүрөйт. Бул тууралуу Кыргызгидромет билдирди.

Абанын температурасы Чүй облусунда +22…+27, Талас өрөөнүндө +20…+25, Ош, Жалал-Абад, Баткен облустарында +25…+30, Ысык-Көл, Нарын аймактарында +20…+25 градус жылыйт.

Күндүн табы Бишкекте +24…+26, Ош шаарында +28…+30 градусту көрсөтөт.

22
Белгилер:
аба ырайы, сентябрь, Кыргызстан
Тема боюнча
Жаан-чачындуу күндөр башталабы? Бир жумага карата аба ырайы
Түндүк электрдин кызматкери оңдоо иштер учурунда. Архив

Эртең Бишкектин 29 көчөсүндө жарык өчөт. График

61
Электр жарыгы шаардын борбордук бөлүгүнөн тышкары жаңы конуштарда дагы өчүрүлөт. Буга пландык оңдоолор себеп болууда.

БИШКЕК, 21-сен. — Sputnik. Эртең, 22-сентябрда, Бишкектин 29 көчөсүндө жарык өчөт. Бул тууралуу "Түндүк электр" ишканасы кабарлады.

Жарык берүү үзгүлтүккө учурай турган аймактар:

  • 9:00-13:00 — Ак-Босого конушунда;
  • 9:00-18:00 — Манас проспектисинин бир бөлүгүндө, Абдумомунов, Фурманов, Севастопольский, Шота Руставели, Целинное, Сухомлинов, Московский көчөлөрүнүн бир бөлүгүндө;
  • 9:30-14:00 — Широкий, Томск, Зайсанский, Львов көчөлөрүнүн бир бөлүгүндө, Тушинский туюк көчөсүндө;
  • 9:30-19:00 — Саратовский, Пархоменко, Фрунзе, Комсомольский, Буденный, Салиева, Шайыр, Тульский, Сводобный, 8-Март, Элебесов, Семипалатинский, Арычный, Токтоналиев көчөлөрүнүн бөлүктөрүндө, Манас проспектисинде жана Грозненский туюк көчөсүндө.
61
Белгилер:
Бишкек, жарык өчүрүү, көчө, 'Түндүк Электр' ишканасы
Тема боюнча
Жаан-чачындуу күндөр башталабы? Бир жумага карата аба ырайы
Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен

Садыр Жапаров Өзбекстан парламентинин төрайымы менен жолукту

0
(жаңыланган 22:27 21.09.2021)
Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашышты.

БИШКЕК, 21-сен. — Sputnik. Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен жолукту. Бул туурасында мамлекет башчынын маалымат кызматы билдирди.

  • Президент Садыр Жапаров встретился с председателем Сената Олий Мажлиса Узбекистана, прибывшей в страну с официальным визитом. 21 сентября 2021 года
    Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен жолукту
    © Пресс-служба президента КР / Султан Досалиев
  • Президент КР встретился с председателем Сената Олий Мажлиса Узбекистана Танзилой Нарбаевой, прибывшей в страну с официальным визитом. 21 сентября 2021 года
    Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашышты
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен жолукту

Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашышты.

Мамлекет башчы Өзбекстандын парламентине парламент аралык жана регионалдык кызматташтыкты өнүктүрүүгө, ошондой эле үстүбүздөгү жылдын мартында президент Шавкат Мирзиёев менен сүйлөшүүлөрдүн жүрүшүндө жетишилген макулдашууларды ишке ашырууга ар тараптуу көмөгү үчүн ыраазычылык билдирген.

"Олий Мажлис сенатынын төрайымы Кыргызстанда Садыр Жапаровдун бардык тармактарда жүргүзүп жаткан реформаларынын натыйжасында болгон жакшы өзгөрүүлөрдү белгиледи. Ошондой эле Өзбекстандын президенти Шавкат Мирзиёевдин жалпы кыргыз элине чын дилден бакубатчылык тилеген каалоосун жеткирди. Өзбекстандын парламенти Жапаровдун Ташкентке болгон мамлекеттик сапарынын жүрүшүндө жетишилген макулдашуулардын ишке ашуусуна ар тараптуу көмөк көрсөтөрүнө ишендирди", — деп айтылат маалыматта.

Жолугушуу соңунда Жапаров кесиптеши Мирзиёевге жылуу салам айтууну өтүнүп, ошондой эле боордош өзбек элине тынчтык, бакубатчылык жана мындан аркы гүлдөп өнүгүүнү каалаган.

0
Белгилер:
Өзбекстан, Садыр Жапаров, жолугушуу, Танзила Нарбаева
Тема боюнча
Жапаров ЮНЕСКО өкүлү менен КРдин атынан мурастар тизмесине кирчү жайларды сүйлөштү
Жапаров суучул Шуликонун рекордун каттатуу үчүн 500 миң сом бөлдү