Мектептеги окуу классы. Архив

Министрлик: окуучулар мектепке октябрда барар-барбасы арсар

1280
(жаңыланган 18:34 21.09.2020)
Буга чейин билим берүү жана илим министри Каныбек Исаков президент Сооронбай Жээнбековго октябрдан тарта окуучуларды мектепке тартууну сунуштаган.

БИШКЕК, 21-сен. — Sputnik. Мектептер реалдуу режимде окууга качан өтө турганы азырынча белгисиз, бардыгы өлкөдөгү эпидемиологиялык кырдаалга жараша чечилет. Бул тууралуу Sputnik Кыргызстан агенттигине билим берүү жана илим министринин орун басары Надира Жусупбекова билдирди.

Буга чейин министр Каныбек Исаков президент Сооронбай Жээнбековго октябрдан тарта окуучуларды мектепке тартууну сунуштаган.

Жусупбекованын айтымында, Саламаттык сактоо министрлиги өлкөдөгү эпидемиологиялык кырдаал туруктуу деп айтып, уруксат бергенден кийин гана окуучулар мектепке бара башташат.

Онлайн окутуу билим алууга доо кетирип жатат. Мугалимдин маеги

"Азырынча белгисиз. Бардыгы эпидкырдаалдан көз каранды. Анткени балдардын, педагогдордун ден соолугу башкы орунда. Октябрдан баштап салттуу режимде окуй турган болсок кандай шарт-талаптарды аткарышыбыз керектиги боюнча азыркы тапта Саламаттык сактоо министрлигинин адистери менен иштеп жатабыз. Мисалы, кандай эрежелерди сактап, окуучу, педагогдорго оору жугуп калбаш үчүн эмне кылуу керек деген маселелер талкууланып жатат. Коронавирус боюнча статистикага таянып, ар бир аймактардагы мектептердин ишине талдоо жүрүүдө. Бул маселе жакынкы аралыкта чечилет деп ойлойбуз. Окуу баштала турган болсо, алдын ала айтылат", — деди министрдин орун басары.

Жусупбекова окуучулар реалдуу режимде окуй баштаса, мектеп формасы классикалык түрдө үстү ак (көйнөк), алды кара (шым, юбка) боло турганын, бирдей форма кийүү талабы алып салынганын кошумчалады.

Белгилей кетсек, өлкөдө коронавирус жуктургандардын саны күн сайын катталууда. 21-сентябрга карата жалпы ооругандардын саны 45 471ге жетти.

1280
Белгилер:
билим берүү, режим, окуу, министрлик, мектеп
Тема:
Коронавируска байланыштуу Кыргызстандагы кырдаал (2311)
Тема боюнча
Онлайн окуу: сабагын калтырган окуучулар тыкыр көзөмөлгө алынат
Отоларинголог кызмат убагында. Архивдик сүрөт

Бир гана коронавирустан эмес! Жыт сезбей калуунун себептери

17
Дарыгер эпидемиологиялык кырдаалга байланыштуу жыт билүү жоголуп, даам дагы сезилбей жатса тезинен медициналык жардам алууга чакырган.

БИШКЕК, 20-окт. — Sputnik. Коронавирус инфекциясын жуктурган учурда гана жыт билбей калат деген түшүнүк туура эмес экенин Sputnik радиосуна отоларинголог, медицина илимдеринин кандидаты Владимир Зайцев айтып берди.

Адистин билдиришинче, жыт билүүнүн жоголушу бир нече оорудан кабар бериши мүмкүн.

"Мурун көңдөйүнө суук тийгенде, мисалы, курч же өнөкөт ринитте, дем алуу жолунун былжыр чели менен көңдөйү сезгенген учурда жыт сезгичтердин кабыл алуусу алгач төмөндөп, андан кийин таптакыр жоголуп кетет", — деди адис.

Коронавирустун мээ менен нерв системасына тийгизген таасири ачыкталды

Отоларинголог учурдагы эпидемиологиялык кырдаалга байланыштуу жыт билүү жоголуп, даам дагы сезилбей жатса тезинен медициналык жардам алууга чакырган. Ошондой эле өз алдынча дарылануудан оолак болууну айткан.

17
Белгилер:
оору, мурун, коронавирус
Тема:
Дүйнөгө жайылган коронавирус
Тема боюнча
Кулактан дагы кармайт. Коронавирустун жаңы симптому белгилүү болду
Бейтап СOVID же КРВИге чалдыкканын кантип билет. Дарыгердин аныктамасы
Ооруканадагы палата. Архивдик сүрөт

Коронавирус менен ооруган бейтаптарды кабыл алган ооруканалар. Тизме

16
Учурда коронавирус жуктургандардын саны өсүүдө. Мындан улам бейтаптарды кабыл алуу үчүн кошумча орундар ачылганы маалым болду.

БИШКЕК, 20-окт. — Sputnik. Борбор калаада COVID-19га кабылган бейтаптарды 11 стационар кабыл алууда. Бул тууралуу Республикалык штабдан кабарлашты.

Ага ылайык, учурда коронавирус жуктургандардын саны өсүүдө. Мындан улам бейтаптарды кабыл алуу үчүн кошумча орундар ачылды.

COVID-19 менен ооругандарды кабыл алып жаткан ооруканалар:

  • Республикалык клиникалык жугуштуу илдеттер ооруканасы;
  • Кыргыз-түрк "Достук" ооруканасы;
  • №1 шаардык клиникалык оорукана;
  • Улуттук госпиталь;
  • Улуттук фтизиатрия борбору;
  • Эне жана баланы коргоо улуттук борбору;
  • Улуттук онкология жана гематология ооруканасы;
  • Улуттук хирургия борбору;
  • Улуттук кардиология жана терапия борбору;
  • Темир жол ооруканасы;
  • №2 клиникалык төрөт үйү.

Кайсы аймакта коронавирустан көп киши каза болду? Статистика

Аталган ооруканаларда жалпысынан 561 орун даярдалган. Бирок кайсы медициналык мекемеде канча бош орун бар экенин министрликтин картасына (map.covid.kg) кирип карап алуу зарыл.

16
Белгилер:
тизме, оорукана, коронавирус, Бишкек
Тема:
Коронавируска байланыштуу Кыргызстандагы кырдаал (2311)
Тема боюнча
Министрлик коронавирусту дарылаган стационарлардын картасын жарыялады
Коронавируста бөйрөк оорусу өлүм коркунучун эки эсеге жогорулатат
Өткөн суткада 482 киши коронавирус жуктуруп, 127 бейтап айыкты