Баткен облусунда коронавирустан улам санитардык эрежелерди аткарбаган 24 ишканага бир күндө айып пул салынып, 88ине эскертүү берилди

Баткенде санитардык талаптарды аткарбагандарга айып салынды. Арасында 9 мамкызматкер бар

109
(жаңыланган 13:06 23.09.2020)
Санитардык талаптарды сактабаган ишканаларга, анын ичинде бет кап кийбеген мамлекеттик тогуз кызматкерге мыйзам боюнча 1000 сомдон айып пул салынды.

БИШКЕК, 23-сен. — Sputnik. Баткен облусунда коронавирустан улам санитардык эрежелерди аткарбаган 24 ишканага бир күндө айып пул салынып, 88ине эскертүү берилди. Бул тууралуу өкмөттүн облустагы ыйгарым укуктуу өкүлүнүн маалымат кызматы кабарлады.

  • Во время рейда по выявлению нарушений санитарных норм в Баткенской области
    Баткен облусунда коронавирустан улам санитардык эрежелерди аткарбаган 24 ишканага бир күндө айып пул салынып, 88ине эскертүү берилди
    © Фото / пресс-служба полпредства Баткенской области
  • Во время рейда по выявлению нарушений санитарных норм в Баткенской области
    Баткенде эпидемиологиялык абал кооптуу болуп жаткандыктан, санитардык норманы сактоо боюнча талаптар күчөтүлүп жатат.
    © Фото / пресс-служба полпредства Баткенской области
1 / 2
© Фото / пресс-служба полпредства Баткенской области
Баткен облусунда коронавирустан улам санитардык эрежелерди аткарбаган 24 ишканага бир күндө айып пул салынып, 88ине эскертүү берилди

Ага ылайык, Баткенде эпидемиологиялык абал кооптуу болуп жаткандыктан, санитардык норманы сактоо боюнча талаптар күчөтүлүп жатат.

Кечээ, 22-сентябрда, облустун бардык аймактарында тийиштүү органдардын өкүлдөрүнөн турган атайын комиссия рейд жүргүзүп, 135 объектини текшерген.

"Жергиликтүү бийлик жана Санитардык-эпидемиологиялык көзөмөл борбору 15 протокол түзүп, 29 миң өлчөмүндө айып пул салды. Ал эми ички иштер органдары тарабынан 9 протокол түзүлүп, 27 миң сом өлчөмүндө айыпка жыкты. Ошондой эле санитардык норманы сактабаган 88 ишканага эскертүү берилди. Тилекке каршы, анын ичинде эки жеке менчик бала бакча бар", — деп айтылат маалыматта.

Жалал-Абадда тойкана ээлерине салынчу айып 60 миң сомго чейин жогорулады

Рейд учурунда калкка кызмат көрсөтүүчү соода түйүндөр, тамактануучу жайлар гана эмес, мамлекеттик мекеме-ишканалар да текшерилгени белгиленди. Натыйжада санитардык талаптарды сактабаган ишканаларга, анын ичинде бет кап кийбеген мамлекеттик кызматкерге тогуз мыйзам боюнча 1000 сомдон айып пул салынды.

Мындай рейддер облуста күн сайын уланары кошумчаланды.

Белгилей кетсек, соңку учурда Баткенде коронавируска чалдыккандардын саны азайбай жатат. Акыркы суткадагы маалыматтарда Кыргызстан боюнча аталган облуста көп (29 адам) чыкты, тагыраагы бир күндө 29 адамдын COVID-19 жуктуруп алганы айтылды.

109
Белгилер:
ишкана, айып пул, рейд, коронавирус, Баткен облусу
Тема:
Коронавируска байланыштуу Кыргызстандагы кырдаал (2337)
Тема боюнча
Бишкектин үч жериндеги стационарда орундар, дары-дармектер камдалды. Сүрөт
Мурдагы вице-премьер, Эмгек жана социалдык өнүктүрүү министрлигине сунушталып жаткан Аида Исмаилова. Архив

Исмаилова: өлкөдө коронавирустун экинчи толкуну башталды

93
(жаңыланган 12:32 28.10.2020)
Жыйында депутат Турускулов "бүгүнкү күндө Кыргызстанда коронавирустун экинчи толкуну башталдыбы, ага даярдык кандай?" деген суроону узаткан.

БИШКЕК, 28-окт. — Sputnik. Кыргызстанда коронавирустун экинчи толкуну башталды. Бул тууралуу мурдагы вице-премьер, Эмгек жана социалдык өнүктүрүү министрлигине сунушталып жаткан Аида Исмаилова Жогорку Кеңештин жыйынында айтты.

Анда депутат Жыргалбек Турускулов Исмаиловага: "Бүгүнкү күндө Кыргызстанда коронавирустун экинчи толкуну башталдыбы, даярдык кандай?" - деген суроону узаткан.

"Өкмөт азыркы убакта экинчи толкунга даяр, негиздеме түзүлгөн. Эми негиздеме боюнча иштеш керек. Кээ бир нерселер каражатка такалып жатат. Бирок өкмөт бул боюнча иш жүргүзүүдө. Даярдык жакшы", — деди Исмаилова.

Бирок Турускулов анын жообуна ынанбай, даярдык жок экенин айткан.

Исмаилова депутаттын "Республикалык штабды ким башкарып жатат?" деген суроосуна да тайсалдап так жооп бере алган жок.

"Республикалык штабды премьер-министр жетектечү. Ал жок болгон учурда биринчи вице-премьер, вице-премьерлер башкарчу. Бардык министрлер штабдын курамына кирет", — деди ал.

Бир суткада 538 киши коронавирус жуктуруп, 414 бейтап дартты жеңди

Исмаилова той-аштар экономикага такалган маселе болгондуктан токтотулбай жатканын айтып, бул боюнча биринчи вице-премьер Артём Новиков менен сүйлөшүү жүрүп жатканын билдирди.

93
Белгилер:
даярдык, толкун, коронавирус, Жыргалбек Турускулов, Аида Исмаилова
Тема:
Коронавируска байланыштуу Кыргызстандагы кырдаал (2337)
Тема боюнча
Аида Исмаилова эмгек жана социалдык өнүктүрүү министри кызматына сунушталууда
ИИМдин Жол кыймылы коопсуздугун камсыздоо башкы башкармалыгынын жетекчисинин орун басары Нур Сатыбалдиев. Архив

ЖКККББнын жетекчи орун басары коррупцияга шектелип кармалды

413
(жаңыланган 12:03 28.10.2020)
Шектүү УКМКнын тергөө абагына киргизилип, Кылмыш-жаза кодексинин пара алуу беренеси боюнча сотко чейинки өндүрүш иши башталды.

БИШКЕК, 28-окт. – Sputnik. ИИМдин Жол кыймылы коопсуздугун камсыздоо башкы башкармалыгынын жетекчисинин орун басары С.Н.Р. кармалды. Бул тууралуу УКМКдан кабарлашты.

Маалыматка караганда, ЖККББнын жетекчилик кызматтагы адамдары сый акы алганы боюнча коррупциялык схема аныкталган.

УКМК кримтөбөл Камчы Көлбаев бошотулат деген кептерге жооп кайтарды

Ведомстводо мындай инициалдарга туура келген бир эле орун басар бар. Ал - Сатыбалдиев Нур Рысканович. Сатыбалдиев бир жыл мурун Бишкекте түзүлгөн Кайгуул күзөт милициясына адамдарды жумушка алууда акча алып турган деп шектелип жатат.

Мындан сырткары, ал иштеп жаткан милиционерлерди кызматынан көтөрүү үчүн пара алып турганы кабарланды.

Шектүү УКМКнын тергөө абагына киргизилип, Кылмыш-жаза кодексинин 325-беренеси ("Пара алуу") боюнча сотко чейинки өндүрүш башталды.

413
Белгилер:
пара, ЖКККББ, Бишкек, Кыргызстан
Тема боюнча
Ташиев: чек арадагы контрабанданы токтотуп, коррупционерлерди он эселеп төлөтөбүз
УКМК ЖЭБ кызматкерлеринин пара алган мыйзамсыз схемасын аныктады
Камактагы адам. Архив

12 млн. доллар зыян келген! Сот өкүлчүлүктөрү борборунун директору кармалды

61
(жаңыланган 13:33 28.10.2020)
Мекеме башчысы кызмат абалынан кыянаттык менен пайдаланган деп айыпталып жатат. Учурда кылмышка тиешеси бар башка жогорку кызматтагы адамдарды аныктоо боюнча иштер жүргүзүлүүдө.

БИШКЕК, 28-окт. — Sputnik. Экономикалык кылмыштарга каршы күрөшүү кызматы өкмөттүн сот өкүлчүлүктөрү борборунун Ш.Т. аттуу директорун кармады. Бул тууралуу Финполдун маалымат кызматы кабарлады.

Мекеме башчысы кызмат абалынан кыянаттык менен пайдаланган деп айыпталып жатат.

"Тергөөнүн жүрүшүндө кыргыз өкмөтүнүн сот өкүлчүлүктөрү борбору менен Финансы министрлигинин жооптуу кызматкерлеринин мыйзамсыз иш-аракеттеринин натыйжасында мамлекеттик бюджетке өзгөчө ири өлчөмдө — 12 миллион доллардан (1 миллиард сомго жакын) ашык зыян келтирилгендиги аныкталды", — деп айтылат маалыматта.

Кымырылган 9 млрд. сом: Салык кызматы Финполдун кинеси негизсиз экенин айтты

Учурда иш тергелип жатат. Кылмышка тиешеси бар делген дагы башка жогорку кызматтагы адамдарды аныктоо боюнча ыкчам тергөө иштери жүргүзүлүүдө.

61
Белгилер:
директор, кармоо, өкмөт, Экономикалык кылмыштылуукка каршы мамлекеттик кызматы
Тема боюнча
Сыймык Жапыкеев: Финпол ишкерлер менен ачык диалогго даяр