Мектептеги сабак учурунда. Архив

Балага мектепте басмырлоо болуп жатканын кантип билсе болот. Адистин кеңеши

200
(жаңыланган 08:48 28.09.2020)
Адистин пикиринде, окуучунун мектептеги жашоосу тууралуу толугу менен билүү үчүн ата-эне менен баланын ортосунда ишеним болушу керек.

БИШКЕК, 28-сен. — Sputnik. Мектепте балага басмырлоо болуп жатканын бир нече белгиден улам билсе болот. Алар тууралуу РИА Новости агенттигине клиникалык жана кризистик психолог Мария Зеленова айтып берди.

Адистин пикиринде, окуучунун мектептеги жашоосу тууралуу толугу менен билүү үчүн ата-эне менен баланын ортосунда ишеним болушу керек.

"Айрым ата-энелерге баланын курсагы ток, кийими бүтүн, күндөгүдөй жакшы баалар болсо жетиштүү. Бирок кызынын же уулунун жашоосунда андан башка дагы нерселер болушу мүмкүн экенин элес алышпайт. Мисалы, классташтары, мугалимдери менен мамилеси, достору арасындагы кадыр-баркы сыяктуу маселелер көп", — дейт Зеленова.

Психологдун пикиринде, эгер бала ачыгын айтпаса, жүрүм-турумун байкоо керек. Мисалы, чоңоюп калган балдар мектептен качып калат. Эртең менен тургусу келбейт, мурда ойноп, сейилдеп жүргөн досторуна жолобойт. Алар тууралуу кеп кылуудан качат.

Баланы китепке кантип кызыктыруу керек. Култаеванын балдар адабияты тууралуу маеги

Ал эми кенже класстын балдары мектепте басмырлоо көрсө, сабакка барарда капысынан эле башы же ичи "ооруп" калат.

Мындай жол менен алар өзүнө жагымсыз жерден качат. Андыктан жогорудагыдай белгилерди байкаган ата-эне тез арада абалды колго алып, баласы менен ачык сүйлөшүшү керек.

200
Белгилер:
мектеп, психология, окуу
Тема боюнча
Өспүрүмдү соттогондо энелик сезим селт эттирет. Судья Кадыркулованын маеги
Кыргызстандын вице-премьер-министри Эльвира Сурабалдиева. Архив

Атасынын душмандары сабап кеткен. Эльвира Сурабалдиева тууралуу 8 факты

22
(жаңыланган 18:08 28.10.2020)
Саясатка келгенине салыштырмалуу аз эле убакыт болгонуна карабай Эльвира Сурабалдиева эл арасында белгилүү, өз орду бар.

Бүгүндөн тарта мурдагы депутат Эльвира Сурабалдиева Кыргызстандын вице-премьер-министри кызматына киришти.

Sputnik Кыргызстан эл арасында тайманбай бетке айткычтыгы менен оозго алынган жаңы вице-премьер тууралуу кызыктуу фактыларды даярдады. Маалыматтар ачык булактардан жана Сурабалдиеванын буга чейин ЖМКларга берген маектеринен алынды.

Чүйдүн кызы

Эльвира Сурабалдиева 1978-жылы 23-ноябрда Фрунзе шаарында туулган. Атасы Жыргалбек Сурабалдиев Сокулук районунан чыккан белгилүү ишкер болгон. Кийин Жогорку Кеңешке депутат болуп шайланган. Апасы Ысык-Көлдүн Ак-Суу районунун кызы.

Депутат ЖК Эльвира Сурабалдиева в школьные годы
© Фото / из личного архива Эльвиры Сурабалдиевой
Депутат ЖК Эльвира Сурабалдиева

Билими жана эмгек жолунун башталышы

2000-жылы Жусуп Баласагын атындагы Кыргыз улуттук университетин "эл аралык байланыштар" адистиги боюнча аяктаган. Кийин билимин Улуу Британиянын Бристоль университетинде ушул эле адистик боюнча уланткан. 2003-жылы Кыргызстан ишкерлер союзунун аткаруучу директору, 2004-2006-жылдары Социалдык фонддун тышкы байланыштар жана маалыматтар бөлүмүндө катардагы адистен бөлүм башчылыкка чейин көтөрүлгөн.

"Биринчи айым болуу баарына буюрбайт". Садыр Жапаровдун жубайы тууралуу 7 факты

Атасынын душмандарынан таяк жеген

2005-жылдын 24-мартындагы башаламандык учурунда Сурабалдиевдердин үйүнө белгисиз адамдар кирип келип, үй кожоюнун издешкен. Бирок кызынын жалгыз экенин көрүп, катуу сабап, үйдө сакталып турган акча жана зер буюмдарды алып кетишкен. Баса, алар ур-тепкиден дээрлик эсин жоготуп койгон кызды эшиктин алдына алып чыгышкан. Бирок көчөдө ызы-чуу салып келе жаткан митингчилердин үнүн укканда кетип калышкан.

Атасынын өлүмү

Ошондон көп өтпөй, тагыраагы, 10-июнь күнү атасы Жыргалбек Сурабалдиев киши колдуу болгон. Саясатчыны Бишкектин борборундагы кеңселердин биринин алдынан белгисиз адамдар атып кеткен. Жогорку сот анын өлүмүнө күнөөлүү деп мурдагы президент Алмазбек Атамбаевдин кайсы бир учурдагы жан сакчысы Эркин Мамбеталиевди тапкан, бирок ал кийин акталып кеткен. Эльвира Сурабалдиева өзү атасынын өлүмүнө Бакиевдерди күнөөлөп келет.

Гендиректор рынка Кудайберген Эльвира Сурабалдиева с отцом
фото предоставлено Эльвирой Сурабалдиевой
Письмо себе в прошлое: Эльвира Сурабалдиева

Исхак Раззаковдун атактуу жана азаптуу өмүрү. Залкар ишмер тууралуу 20 факты

Атадан калган бизнеси үчүн күрөш

Сурабалдиеванын буга чейинки маектеринде атасынан калган ири бизнеси, тагыраагы, "Кудайберген" автотетиктер базарын бир эмес, бир нече киши тартып алууга аракет кылганын айтып берген. Алардын эң күчтүүсү ошол кездеги президент Курманбек Бакиевдин уулу Максим Бакиев болгон. Ал базарды 1 миллион сомго сатууну талап кылган. Бирок ой-тилеги ишке ашпай калган. Ишкерликке кол салгысы келгендер "унаа бизнесине сендей жаш кыздын тиши өтпөйт" деп жүйө келтиришкен. Анткен менен Сурабалдиева бизнесин колдон чыгарбай, базарды тогуз жыл, Жогорку Кеңешке депутат болуп келгенге чейин башкарган.

Адилеттүүлүк издеп эки президентке кирген

Биринчи жолу атасынын өлүмүнөн кийин дароо базарында текшерүү иштери башталып, анда иштегендерге кысым көрсөтүлгөндө, Курманбек Бакиевдин кабыл алуусунда болгон.

"Ойлоп көрсөм ошол кездеги кайгы-муңум бардык коркунучту айдап кетиптир. Бакиевге атамдын кыркы боло электе басып алып текшерүүлөр болуп жатканын айткам. Ал менин көзүмчө тиешелүү органдарга чалып, мыйзамсыз текшерүү жүргүзүп жаткан адамды тапкан. Ошол замат базарда бир дагы текшерүүчү калбай чыгып кетиптир", — деген Сурабалдиева маектеринин биринде.

Экинчи ирет "туугандарынын бизнесин жалган-жалаа менен текшерүүлөр токтобой койгондо" мурдагы президент Сооронбай Жээнбековго барган.

"Ага кайрылганымдын себеби текшерүүчүлөр президенттин атын атап келишкен. Аны Жээнбековдун өзүнө айтсам шок болуп калган", — деген вице-премьер дагы бир маегинде.

Парламенттик башкарууну колдойт

Сурабалдиева мамлекет толугу менен парламенттик башкарууга өтүүсүн колдойт. Ошол себептүү маектеринин биринде "Сооронбай Жээнбеков Кыргызстанга акыркы президент болсо" деген тилеги бар экенин айткан.

 Депутат Жогорку Кенеша от фракции СДПК Эльвира Сурабалдиева на заседании
Депутат ЖК Эльвира Сурабалдиева

Оштун жаңы жетекчиси Жарасул Абдураимов тууралуу 6 факты

Жолдошу менен ажырашкан

Өзүнүн айтымында, жолдошу менен саясатка келгенге чейин ажырашкан. Ошондон кийин үй-бүлө куруу маселеси экинчи планга жылып кеткенин жашырбайт. Бирок "жаздагы карантин учурунда адамга аны түшүнүп, сырдаша турган жан шерик керек экенин" түшүнгөнүн айтат.

22
Белгилер:
депутат, бизнес, өлүм, ата, факты, Эльвира Сурабалдиева
Тема боюнча
Эльвира Сурабалдиева вице-премьерлик кызматка киришти
Абакта "авторитет" болгон. Бишкек мэрлигине кайра келген Түлеев жөнүндө 7 факты
Лид-аниматор Самара Мастанова

Мастанова: он мүнөттүк мультфильмди төрт күндө жасап бүтөбүз

7
(жаңыланган 17:43 28.10.2020)
Лид-аниматор Самара Мастанова Кыргызстанда кандай анимациялык эмгектер жасалып жатканын айтып берди.

Мастанова: он мүнөттүк мультфильмди төрт күндө жасап бүтөбүз

Лид-аниматор сценаристтер жана сүрөтчү-мультипликатор менен иштейт. Алсак, окуяга канча каарман, кандай фон, образдар керектигин дал ушул адис айтып турат. Бул тууралуу Самара Мастанова Sputnik Кыргызстан радиосунун эфиринде маек куруп жатып билдирди.

Балдар видеороликтери менен укмуштай акча тапчубуз. Дасыккан ютубердин баяны

Анын айтымында, бир команда кыска метраждуу он мүнөттүк мультфильмди төрт күндө жасап бүтөт.

"Мен Кыргыз-түрк "Манас" университетин аяктап жатканда дипломдук ишимде анимация жасадым. Албетте, бизде бул тармакка басым жасалып окутулбайт. Бирок интернетте видео сабактардын жардамы менен анимациялык тасма жаратса болот. Ошону менен бирге аталган окуу жайда Кыргызстандын алдыңкы аниматорлорунун бири Каныбек Өмүрбековдун кошумча курстарына катышуу мүмкүнчүлүгү бар. Азыр мен — иштеп жаткан студияда лид-аниматормун. Менин функциям тапшырык келсе бөлүштүрүп, жумуштун аткарылышын көзөмөлдөп, бүткөн анимациянын композициясы, пландарын карап, каталарын текшерүү. Алсак, бизде 8-9 кишиден турган 2D жана 3D жасаган командалардын бирден лид-аниматору болот. Азыркы учурда биздин эмгектер "Ютубдагы" каналга чыгып жатат. Бул өспүрүмдөргө арналган контент десек болот. Анда адамдардын жашоосундагы ийгилиги же жеңилүүсү, сүйүү же көңүл калуу жана кайгылуу, же тескерисинче, күлкүлүү окуялары чагылдырылат. Анимациялардын үнү кыргызча, түркчө, казакча, орусча, немец жана англис тилинде коштолуп чыгып жатат", — деди Мастанова.

Ал 2D жана 3D анимацияларды Moho pro, Blender программаларынын жардамы менен жасап жатышканын кошумчалады.

7
Белгилер:
анимация, тасма, мультфильм
Тема боюнча
Мультфильм каарманына айланган ар улуттун кыздары. Суктанткан сүрөттөр