Ит. Архив

Ошто жыл башынан бери алты жаныбардан кутурма табылган

62
(жаңыланган 10:45 29.09.2020)
Жыл сайын үй жаныбарлары кутурма илдетине каршы бир ирет эмдөөдөн өткөрүлөт. Бул ооруну үй жандыктарына караганда жапайы жаныбарлар көбүрөөк алып жүрүшөт.

БИШКЕК, 29-сен. — Sputnik. Ош облусунда жыл башынан бери алты жаныбардан кутурма табылып, алар жок кылынды. Бул тууралуу облустук ветеринардык инспекциянын башчысы Орозбек Ибраев билдирди.

Анын айтымында, жыл сайын үй жаныбарлары кутурма илдетине каршы бир ирет эмдөөдөн өткөрүлөт. Бул ооруну үй жандыктарына караганда жапайы жаныбарлар көбүрөөк алып жүрүшөт.

Ибраев билдиргендей, жыл башынан бери Алай районунан бир карышкырдан, бир уйдан, Кара-Суу районунда иттен, жылкыдан, мышыктан, Кара-Кулжа районунан бир уйдан кутурма оорусу аныкталган. Дартка чалдыккан жаныбарлардын баары тең өрттөлүп көмүлүп, оору чыккан аймактарга 60 күн карантин киргизилген.

"Жапайы жаныбарлар короодогу койлорго кол салганда койлорду текшеребиз. Оорунун элементтери аныкталса, кол салган жапайы жаныбарды мергенчилерге аттырып, башын лабораторияда текшерүүдөн өткөрөбүз. Ага чейин эле байкалган белгилери болсо өрттөп, карантин киргизип чектөө коёбуз. Негизи кутурма оорусун жуктурган жаныбар 10 күндө өзү өлүп калат. Малчылар жайлоого чыккан учурларда этият болушу керек", — деди Ибраев.

Кутурма оорусу адамга да жугат. Адистердин айтымында, ал айыкпас дарт, убагында эмдөө жүргүзүү менен кишини аман алып калууга болот. Кооптуу оорунун дагы башка жагдайлары тууралуу билгиңиз келсе, Sputnik Кыргызстан маалымат агенттигине жарыяланган маекти сунуштайбыз.

62
Белгилер:
текшерүү, оору, эмдөө, мал, кутурма, Ош
Тема боюнча
Дене ууланат. Малдан адамга жуккан күйдүргүдөн кантип сактануу керек
Ош шаарында бүгүн 43 мечитте, анын ичинде Сулайман-Тоо борбордук мечитинде майрамдык айт намаз окулду

Ош шаарында 43 мечитте майрамдык айт намаз окулду. Сүрөттөр

24
Калаа башчысы Сарыбашов ооз ачыруу иш-чаралары түрдүү улуттар ортосундагы пикир алышууну, ынак мамилени чыңдаган аянтча болгонун айтты.

БИШКЕК, 13-май — Sputnik. Ош шаарында бүгүн 43 мечитте, анын ичинде Сулайман-Тоо борбордук мечитинде майрамдык айт намаз окулду. Бул тууралуу мэриянын маалымат кызматы кабарлады.

  • Мусульмане совершают праздничный айт намаз в центральной мечети города Ош по случаю окончания священного месяца Рамазан
    Ош шаарында бүгүн 43 мечитте, анын ичинде Сулайман-Тоо борбордук мечитинде майрамдык айт намаз окулду
    © Фото / пресс-служба мэрии города Ош
  • Мэр города Ош Таалайбек Сарыбашов участвует в праздничном айт намазе в центральной мечети Оша по случаю окончания священного месяца Рамазан
    Иш-чарага Таалайбек Сарыбашов, өкмөттүн Ош облусундагы өкүлүнүн орун басары Ахмаджан Махаммадов, дин кызматкерлери, аксакалдар жана жашоочулар катышкан
    © Фото / пресс-служба мэрии города Ош
  • Мэр города Ош Таалайбек Сарыбашов участвует в праздничном айт намазе в центральной мечети Оша по случаю окончания священного месяца Рамазан
    Калаа башчысы бардык жарандарды Орозо айт майрамы менен куттуктап, ар бир үй-бүлөгө жакшылыктарды жана ийгиликтерде каалаган
    © Фото / пресс-служба мэрии города Ош
  • Мусульмане совершают праздничный айт намаз в центральной мечети города Ош по случаю окончания священного месяца Рамазан
    Мэр ооз ачыруу иш-чаралары түрдүү улуттардын өз ара пикир алышуу аянтчасына айланып, шаардагы диний абалдын туруктуулугу сакталып, этностор аралык мамилелердин мындан ары да чыңдалышына өбөлгө түзгөнүн кошумчалаган
    © Фото / пресс-служба мэрии города Ош
  • Мусульмане совершают праздничный айт намаз в центральной мечети города Ош по случаю окончания священного месяца Рамазан
    Мэриянын маалымат кызматынан 43 мечитте майрамдык айт намаз окулгандыгын билдиришти.
    © Фото / пресс-служба мэрии города Ош
1 / 5
© Фото / пресс-служба мэрии города Ош
Ош шаарында бүгүн 43 мечитте, анын ичинде Сулайман-Тоо борбордук мечитинде майрамдык айт намаз окулду

Иш-чарага Таалайбек Сарыбашов, өкмөттүн Ош облусундагы өкүлүнүн орун басары Ахмаджан Махаммадов, дин кызматкерлери, аксакалдар жана жашоочулар катышкан.

Калаа башчысы бардык жарандарды Орозо айт майрамы менен куттуктап, ар бир үй-бүлөгө жакшылыктарды жана ийгиликтерде каалаган.

"Бул ай араздашкандар элдешкен, оорулуулардан, жетим-жесирлерден жана момун мусулмандардан кабар алынган мезгил. Бүгүн да битир-садагалар жана кайрымдуулук иштери уюштурулуп жатат. Бир ай ичинде ооз ачыруунун алкагында бири-бирибизге жакшы каалоо-тилектер айтылды", — деген Сарыбашов.

Мэр ооз ачыруу иш-чаралары түрдүү улуттардын өз ара пикир алышуу аянтчасына айланып, шаардагы диний абалдын туруктуулугу сакталып, этностор аралык мамилелердин мындан ары да чыңдалышына өбөлгө түзгөнүн кошумчалаган.

Мындан сырткары, ал санитардык-эпидемиологиялык кырдаалга түшүнүү менен мамиле жасап, эрежелерди так сактап жаткан элге ыраазычылыгын айткан.

Мэриянын маалымат кызматынан 43 мечитте майрамдык айт намаз окулгандыгын билдиришти.

24
Белгилер:
орозо, Ош мэриясы, Айт намаз, Таалайбек Сарыбашев, Ош
Тема:
Орозо-2021
Тема боюнча
Жараткандан жакшылык сурап таң заарда чогулган эл. Айт намаздагы 15 ирмем
Ыраазылык жана кызматташуу. Жапаров Токаев менен телефон аркылуу сүйлөштү
Рахмон куттуктоосунда Жапаровго ден соолук, кыргыз элине тынчтык тиледи
Тамчы аэропортунда учактан түшүп жаткан жүргүнчүлөр. Архив

Дүйшөмбүдө Алматыдан Ысык-Көлгө күн сайын уча турган авиакаттам ачылат

82
Жаңы ачылган авиакаттамдар санитардык-эпидемиологиялык талаптарды дыкат сактоо менен жүргүзүлөрү айтылды.

БИШКЕК, 13-май — Sputnik. Казакстан Ысык-Көлгө жаңы авиакаттам ача турганын Sputnik Казакстан агенттиги кабарлады.

Ростов-на-Дону шаарынан Ошко авиакаттам ачылышы
© Фото / пресс-служба ОАО "Международный аэропорт "Манас"
Маалыматка ылайык, 15-майдан тарта Алматы — Тамчы — Алматы багыты ишке киргизилип, жумасына жети жолу, башкача айтканда, күн сайын бирден учак каттап турат.

Коңшу өлкөнүн Өзбекстан, Черногория, Нидерландия менен да жаңы каттамдарды ачып, андан сырткары Бириккен Араб Эмираты багытын мурдагыдан активдештире турганы кабарланды.

Авиакаттамдар санитардык-эпидемиологиялык талаптарды дыкат сактоо менен жүргүзүлөрүн баса белгилешкен.

82
Белгилер:
Алматы, Ысык-Көл, авиакаттам, Казакстан, Кыргызстан
Тема боюнча
Министрликте Бишкек — Тегеран авиакаттамын жандантуу талкууланды
Бишкектен кайсы авиакаттамдар токтотулуп, канчасы калды. Тизме
Президент Кыргызской Республики Садыр Жапаров и президент Республики Узбекистан Шавкат Мирзиёев во время церемонии официальной встречи в резиденции Куксарой города Ташкент. 11 марта 2021 года

Кыргызстан жана Өзбекстан башчылары чек ара тилкелерин мыйзамдаштырууну талкуулады

0
(жаңыланган 15:36 13.05.2021)
Эки тараптуу жана регионалдык кызматташтык маселелери менен катар Баткен облусундагы мамлекеттик чек аранын кыргыз-тажик тилкесиндеги акыркы окуялар да талкууланган.

БИШКЕК, 13-май — Sputnik. Президент Садыр Жапаров бүгүн Өзбекстан лидери Шавкат Мирзиёев менен телефон аркылуу кыргыз-өзбек чек арасындагы калган тилкелерди мыйзамдаштыруу маселелерин, суу-энергетика жана инвестиция жаатында кызматташуу келечегин талкуулады. Бул туурасында мамлекет башчынын маалымат кызматынан кабарлашты.

"Эки тараптуу жана регионалдык кызматташтыктын башка маселелери менен катар Баткен облусундагы мамлекеттик чек аранын кыргыз-тажик тилкесиндеги акыркы окуялар талкууланды. Баарлашуунун жүрүшүндө мамлекет башчылары кыргыз-өзбек чек арасындагы калган тилкелерди мыйзамдаштыруу маселелерин, суу-энергетика жана инвестиция жаатында кызматташуу келечегин талкуулады", — деп айтылат маалыматта.

Жапаров Мирзиёевге кыргыз-тажик чек арасындагы чыккан жаңжал жана аталган өлкөнүн куралдуу кол салуусунан улам ошол кездеги курчуп турган кырдаалга жеке өзү көңүл буруп, Кыргызстан элине көрсөткөн колдоосу үчүн ыраазычылыгын билдирген.

"Эки өлкө башчылары Орозо айтка байланыштуу жылуу куттуктоолорун айтышып, бири-бирине чың ден соолук, мамлекеттик ишмердиктерине ийгиликтерди, эки өлкөнүн элдерине бакубатчылык жана өнүгүү каалашты", — деп билдиришти маалымат кызматынан.

Эске салсак, кыргыз-өзбек мамлекеттик чек арасын делимитациялоо жана демаркациялоо боюнча УКМКнын төрагасы Камчыбек Ташиев башында турган өкмөттүк делегация 23-мартта Өзбекстанга учуп кетип, 24-25-мартта жыйын болгон. Андагы эки тараптуу сүйлөшүүлөрдөн кийин Ташиев Кемпир-Абад (Анжиян) суу сактагычынын плотинасы өзбек тарапка өтөт деп чечим кабыл алынганын айткан.

Мындан улам коомчулукта нааразы болгондор чыгып, социалдык тармактарда Кемпир-Абад маселеси боюнча талкуулар башталган. Кыргызстандыктардын көбү өлкө суу ресурстарынан ажырайт деген тынчсыздануусун билдирген.

Суу сактагычка караштуу жердин Өзбекстанга берилишине каршы Өзгөн районунун жашоочулары да нааразычылык акциясына чыгып, суу жээгине боз үйлөрдү тигип алышкан. Анда элдин талабын угуу үчүн өкмөттүн Ош облусундагы өкүлүнүн орун басары Бактыбек Алайчиев барган. Бирок чогулгандар анын жообуна канааттанбай, Мамлекеттик чек араны делимитация жана демаркациялоо боюнча өкмөттүк комиссиянын жетекчиси, УКМК төрагасы Камчыбек Ташиевдин келишин талап кылышкан эле.

25-апрелде алар менен Өзгөн районунун Куршаб айыл өкмөтүндөгү стадиондо Ташиев жолугушуу өткөрүп, мындай реакциядан кийин ал өзбек тарапка мурда сүйлөшүлгөндөй болбостугун айткан.

Президент Жапаров бул боюнча маселеге кайрылып, УКМК төрагасы Ташиев протоколго кол коюп келгени менен эле чек ара маселеси чечилип калбастыгын айткан.

"Чек ара маселеси бир жактуу эле "бизге чечилиши керек" деп тура бергенде эмес, сүйлөшүүлөр менен чечилет. Жергиликтүү калк, албетте, каршы чыгууда. Алар "өз жерибизди бербейбиз, туура эмес болуп калды" деп жаткандан кийин элдин да пикирин угушубуз керек. Мындан ары калк менен макулдашып, эсептешебиз", — деген Жапаров.

Баткендеги кыргыз-тажик чек арасындагы айылдарга Тажикстандын куралдуу кол салуусунан кийин аталган сүйлөшүүлөр токтоп калган.

Эгерде чек ара тилкесинде кайсы жерлер боюнча сөз болуп жатканы белгисиз болсо, бул видеону көрсөңүз болот.

0
Белгилер:
делимитация, чек ара, Шавкат Мирзиеев, Садыр Жапаров, Өзбекстан, Кыргызстан
Тема боюнча
550 млн. долларлык 60 долбоор. Кыргыз-өзбек министрлеринин жолугушуусу
Путин менен Мирзиёев кыргыз-тажик чек арасындагы абалды талкуулашты