Ооруканадагы медицина кызматкерлери. Архив

Ооруканада 819 бейтап жатат. Коронавирус боюнча Кыргызстандагы соңку кырдаал

227
(жаңыланган 10:49 30.09.2020)
Учурда ооруканада коронавируска кабылган 819 бейтап жатат, ал эми 1455 адам үй шартында медиктердин көзөмөлүндө дарыланууда.

БИШКЕК, 30-сен. — Sputnik. Кыргызстанда бир сутканын ичинде 118 адам коронавирустан айыгып чыкса, ошол эле учурда 147 киши ооруну жуктуруп алганы аныкталды. Бул туурасында Республикалык штаб билдирди.

COVID-19 илдетинен сакайгандар:

  • Ош облусу – 51;
  • Бишкек – 8;
  • Баткен облусу – 24;
  • Ысык-Көл облусу – 14;
  • Ош шаары – 8;
  • Жалал-Абад облусу – 6;
  • Чүй облусу – 4;
  • Нарын облусу – 2;
  • Талас облусу – 1.

Ал эми оорунун жаңы учурлары Жалал-Абад менен Ош облустарында көбүрөөк катталган:

  • Жалал-Абад облусу – 41;
  • Ош облусу - 34;
  • Бишкек - 19;
  • Баткен облусу - 17;
  • Ош - 13;
  • Ысык-Көл облусу – 11;
  • Чүй облусу – 10;
  • Талас облусу - 2.

COVID жайылып баратат, бет кап тагынгыла! Штаб сактануу чараларын күчөттү

Ошондой эле 12 медицина кызматкери COVID-19 жуктуруп алганы аныкталды. Алардын үчөө Бишкек шаарында, үчөө Ош шаарында жана Жалал-Абад облусунда алтоо. Аны менен катар ооруканалардан алты, үй карантининен 10 медик айыгып чыгарылган.

Учурда ооруканада коронавируска кабылган 819 бейтап жатат, ал эми 1455 адам үй шартында медиктердин көзөмөлүндө дарыланууда.

Соңку бир күндүн аралыгында каза болгондор катталган жок, илдеттен көз жумгандардын жалпы саны 1064тү түзөт.

227
Белгилер:
Кыргызстан, айыгуу, жуктуруу, коронавирус
Тема:
Кыргызстандагы коронавирус жуктуруп алгандар (1461)
Тема боюнча
Пандемиянын курмандыгына айланган мугалимдер
Өлкөдө канча дем алдыруучу аппарат, кычкылтек концентратору бар экени айтылды
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

39
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

39
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

65
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

65
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео