Медициналык кызматкерлер иш учурунда. Архив

Ооругандар Баткенде көп. Коронавирус боюнча соңку маалымат

244
(жаңыланган 10:50 01.10.2020)
Жалпысынан Кыргызстан боюнча 46 841 кишиден коронавирус табылса, анын 42 983ү айыгып чыкты. Тилекке каршы, 1 065 киши өтүп кетти.

БИШКЕК, 1-окт. — Sputnik. Кыргызстанда акыркы суткада 104 киши коронавирус инфекциясынан сакайып чыкса, кайра дагы 172 адам жуктуруп алды. Бул тууралуу Республикалык штаб кабарлады.

Бир сутка ичинде COVID-19 илдетинен сакайып чыккандар, пневмонияны эсепке алганда:

  • Бишкек — 6;
  • Ош шаары — 19;
  • Чүй облусу — 3;
  • Ош облусу — 35;
  • Нарын облусу — 5;
  • Талас облусу — 5;
  • Ысык-Көл облусу — 9;
  • Жалал-Абад облусу — 13;
  • Баткен облусу — 9.

Оорукананын жетекчилери Тез жардамдын талаптарын аткарууга тийиш. Жаңы алгоритм

Ал эми жаңы жуктурган учурлар төмөнкү жактарда катталды:

  • Бишкек — 18;
  • Ош — 11;
  • Чүй облусу — 11;
  • Ош облусу — 21;
  • Талас облусу — 1;
  • Ысык-Көл облусу — 10;
  • Жалал-Абад облусу — 23;
  • Баткен облусу — 77.

Учурда ооруканада 871 бейтап, ал эми амбулатордук түрдө 1467 киши дарылануда.

Ошондой эле бир сутка ичинде 13 медик ооруну жеңсе, дагы 11и вирусту илештирип алган.
Жалпысынан республика боюнча COVID-19 диагнозу менен медицина кызматкерлери арасында 3266 учур катталса, 3021ү айыккан.

Кыргызстан боюнча 46 841 кишиден коронавирус табылса, анын 42 983ү айыгып чыкты. Тилекке каршы, 1 065 киши өтүп кетти.

244
Белгилер:
жуктуруу, айыгуу, бейтап, коронавирус, Кыргызстан
Тема:
Кыргызстандагы коронавирус жуктуруп алгандар (1461)
Тема боюнча
Бишкек: жугуштуу илдеттердин жаңы ооруканасы курулуп бүтө элек, корпус даяр эмес
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

39
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

39
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

65
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

65
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео