Чолпон-Атада иштеген медик кызматкерлери. Архивдик сүрөт

Элди кыйбай иштегенбиз. Компенсациясын ала албай убара тарткан медиктер

947
(жаңыланган 16:10 01.10.2020)
Коронавирус менен күрөшүүдө кызыл зонада иштеп, оору жуктуруп алган медиктерге өкмөт 200 миң сом убадалаган. Бирок анысы толук аткарылбай, ак халатчандарды убарага да, убайымга да салууда.

Sputnik Кыргызстан агенттигине ооруну жумушунан жуктуруп алып, бирок компенсациясын ала албай жүргөн бир топ медик кайрылды. Алардын айтымында, документтерин эбак жиберген, бирок акчадан дайын жок. Кабарчы Таалайгүл Усенбаева оору менен алышкан медиктердин датын угуп, акчанын кечиктирилип жаткан себебин билди.

Ооруп жатканына карабай кызыл зонада иштеген пенсионер дарыгер

Доктуркан Рыскулова Түп районуна караштуу Талды-Суу айылында көп жылдан бери дарыгер. 67 жаштын чайын ичип отурган медик айылда оору күч алып турган учурда жөн карап отурбай, тикесинен тик туруп иштеген. Буга айылдаштары күбө. Айылда саналуу гана дарыгер бар экенин айтып, бири ооруп калып, бири эмгек өргүүсүнө кеткен учурда жердештерине медициналык жардамды жалгыз көрсөткөнүн белгиледи.

"Биздин айылда бул жаман оору 5-июлда эле башталды. Ошол убакта биздеги Үй-бүлөлүк дарыгерлер борборуна күнүнө 10го чукул киши кайрылып калган. Баарынын дене табы көтөрүлүп, башы ооруп, айтор, белгилери окшош. Бизде ал убакта бет каптан башка кыйраткан деле коргонуучу каражат жок болчу. Элди өзүм жалгыз эле кабыл алып жаттым, анткени бизде иштеген бир дарыгер эмгек өргүүгө чыгып, бирөө коронавирус шектелген бир бейтап менен байланышта болгондуктан обсервацияга түшүп калган. Башында сасык тумоо деп ойлодук. 15-июлдан тарта пневмониянын белгиси менен келгендер көбөйө баштады. Дароо райондук үй-бүлөлүк дарыгерлер борборуна чалып "бизге жеңил жана орто формадагы бейтаптар келип жатат, пневмония болгондорду үйдөн дарылап жатабыз" деп айттым. Эртеси Санэпидемстанциянын кишилери келип ФАПты курчоого алып, жаап салды", — деди дарыгер.

Андан көп өтпөй медик өзү ооруп калган.

"Айылга мобилдик бригада жөнөтүлүптүр. Анда Максат деген эпидемиолог бар эле. "Доктуркан эже, сиздин жардамыңыз керек" деди. Дене табым көтөрүлүп, алым кетип турсам дагы анальгин, димедрол сыяктуу дарыларды ичип бейтаптарды үйдөн кабыл ала баштадым. Ооруп келгендерди өзүмө каратпай, өпкөлөрүн текшерип эмне дары ичиш керек экенин жазып жөнөтүп жаттым. Пенсияга эбак кеткен медайым, дарыгерлерди жардамга чакырууга туура келди. Аларга "жок дегенде үйлөрүнө барып ийне сайып берип тургула" деп сурандым. Эч ким баш тарткан жок, жаш курактарына карабай иштеп жүрүштү. Өзүм илдет илешкенден кийин 10 күн башым ооруп кыйналдым. Күн менен түн бирдей өтүп калган. Дарыгер болгондуктан эле аман калдым окшойт. Анан бир жумадан кийин стационарлар ачылып, кичине жеңилдей түштүк. Кийин мени кызыл зонада иштеп бериңиз деп суранышты. Ал жакта да милдетимди аткардым. Менден коронавируска эки жолу анализ алышкан. Биринчиси таза деп, экинчисинде вирус бар экени аныкталган", — деди Рыскулова.

Заматта баары тозокко айланып кетерин эч ким күткөн эмес. Дарыгердин маеги

Дарыгер өкмөт медиктерге компенсация убадалаган соң бериши керек деп эсептейт.

"Ал акча жок деле күнүбүз өтөт. Бирок ошол мезгилде телевизордон улам айтып какшашкан. Айтылган соң аткарылышы керек. Биз компенсация алыш үчүн күнү-түнү иштеген жокпуз. Бир айылда чогуу жашаган элиң жалдырап келип жатса кантип жардам бербей туруп алмак элем. Айлам кеткенден ачык абада оору жайылбайт экен деп, эшиктин алдын стационар сыяктуу кылып бейтаптарды көрүп жаттым. Эмгек бааланышы керек деп ойлойм. Документтерибизди толуктап Саламаттык сактоо министрлигине сентябрдын башында кетиргенбиз. Ошол бойдон дайын жок. Медайымдар күн-түн дебей үй кыдырып ийне сайышты. Арасында мага окшоп оору жугузуп алгандар болду. Бирок ошого карабай иштешти. Айылдагы ооруп айыккан медиктердин бирине да компенсация бериле элек. Эгер ишенбей иликтөө жасайбыз десе, бүт айылдан сурашсын", — деди Рыскулова. 

Медик у койки пациента на одном из дневных стационаров в Бишкеке, где оказывают помощи населению на амбулаторном уровне.
© Фото / пресс-служба правительства / Алишер Алиев
Стационарда иштеген медик

Баш оорусу көп документ

Ооруну жумуш учурунда жуктуруп алган мындай медиктер өлкөдө миңдеп саналат. Өкмөт, Саламаттык сактоо министрлиги компенсациялардын кечиктирилип жатканын документтердин туура эмес толтурулушу менен түшүндүрүп келет.

Бишкек шаарындагы үй-бүлөлүк дарыгерлер борборлорунун бириндеги Бурул аттуу медайым айрым медиктер дал ушул документ азабынан компенсациядан баш тартып коюп жатканын кеп кылды.

Акысын албай калган медиктер. Сокулуктун акимине сөгүш жарыяланды

"Медиктердин айлыгы аз, жок дегенде дары-дармегибизге, витаминге тыгынчык болуп калсын деп компенсацияга арыз жазып жатышат. Анткени экинчи толкун божомолдонууда. Ал-күчтү бекемдеп өзүбүздү карабасак, айлык эч нерсеге жетпейт. Бирок компенсация алуу да оңой эмес экен. Баягы эле документ, бири колго жазгыла десе, бири компьютерге тергиле деп ар кайсыны айтат. Менин эле документтерим эки-үч жолу кайтарылды. Же башынан так түшүндүрүшпөйт. Сентябрдын башында баарын толуктап кайра жибердим. Каражаттан дайын жок", — деди медайым.

Ал кесиптештеринин баары коронавирусту массалык түрдө иш учурунда жуктуруп алышканын айтып, арасында көзү өткөндөр да болгонун кошумчалады.

"Биз өлкөгө өзгөчө абал режими киргенде да тынбай иштедик. Ооруну мобилдик бригада мүчөлөрүнөн жуктуруп, анан бири экинчисине илештирип жатып калдык. Кийин анализдерибиз "коронавирус" деп чыкты. Меники орточо оор абалда өттү. Үйгө чыкканда медик жок, ийне, капельницаны өзүмө өзүм эле сайып дарыландым. Аябай оор формада пневмония болгондор да катталды. Компенсацияга бизден 30дай медик арыз жазган. Бирөө да ала элек. Жетекчилик биринчи санэпидемкөзөмөл кызматкерлери алат, андан кийин силердин кезек деп жоошутуп отурат", — деди Бурул. 

Медицинский работник в автомобиле скорой помощи у здания Федерального клинического центра высоких медицинских технологий федерального медико-биологического агентства.
© Sputnik / Илья Питалев
Тез жардам кызматкери

Зарыгып күткөн компенсация медиктин колуна качан тиери белгисиз

Саламаттык сактоо министрлигине "компенсация арыз жазгандан кийин канча күндүн ичинде берилет" деген маселе менен кайрылдык. Бирок компенсацияны караган комиссиянын катчысы Индира Жумабаева ооруканада болгондуктан жооп бере албай турганын айтты. Ал эми комиссия жетекчиси, саламаттык сактоо министринин орун басары Мадамин Каратаев Баткенде иш сапары менен жүргөнүн айтып, министрликтин маалымат кызматына гана кайрылууну өтүндү.

Тилекке каршы, бул суроого министрликтин маалымат кызматы да так жооп бере алган жок. Алар бардыгы комиссиядан көз каранды экенин белгиледи.

Айтор, арыз жиберген медиктердин компенсациясы канча убакытта каралып чыгары белгисиз. Кокус документ туура эмес болуп калса, аны ак халатчандар кайра толтуруп, толуктап, дагы ошончо убакыт күтүшү керек болуп калат.

Министрликтин маалыматы боюнча, бүгүнкү күндө 1 500 документ келип түшкөн. Анын 860ы экспертизадан өтүп, комиссиянын кароосуна жиберилген. Калганы учурда текшерилип жатат.

30-сентябрга карата саламаттык сактоо тармагынын 144 кызматкери 200 миң сомдон компенсация алышкан. Мындан тышкары, коронавирустан көз жумган 21 медиктин жакындарына бир миллион сомдон берилген.

Боронов: дарыгерлерди экинчи толкунга чейин эс алдырып алышыбыз керек

Азыркы тапта комиссия 102 медикке 200 миң сомдон кошумча акча берүү маселесин карап жатканы айтылды. Ошондой эле илдеттен каза болгон үч медиктин жакындарына да жакын арада 1 миллион сомдон компенсация төлөнө турганы маалым болду.

Белгилей кетсек, башында министрликке компенсация төлөмдөрү үчүн 50 миллион сом бөлүнгөн. Саламаттык сактоо министрлигинин маалыматы боюнча, өкмөттүн буйругу менен компенсация төлөмдөрү үчүн дагы 178 миллион сом берилмекчи. Ал каражат жакын арада таратыла баштайт.

Эске салсак, азыркы тапта компенсация өкмөттүн атайын буйругунун негизинде берилип жатат. Бирок пандемия башталганда депутаттар "Медиктердин статусу жөнүндөгү мыйзамга" өзгөртүүлөрдү киргизген. Саламаттык сактоо министрлигинин юридика бөлүмүнүн башчысы Азамат Жумакеев белгилегендей, эгер медициналык кызматкерлер ӨК же ӨА режим убагында өз саламаттыгын чоң тобокелге салуу менен кесиптик милдетин аткарса, аларга компенсация кошумча каралат. Аларды министрлер кабинети аныктайт, бирок өлчөмү ээлеген кызматына жараша төрт окладдан кем болбоого тийиш. Санитардык-карантиндик зонада иштеген медиктерге оор иш, ошондой эле зыяндуу жана кооптуу эмгек шарттары режими коюлат. Алар үчүн ээлеген кызматына жараша он окладдан кем эмес өлчөмдө компенсация каралат. Алардын өлчөмүн да өкмөт аныктайт.

Боронов: дарыгерлерди экинчи толкунга чейин эс алдырып алышыбыз керек

Эгер медициналык кызматкер ӨА жана ӨК режиминде өз милдетин аткаруу убагында кабылган илдеттен көз жумса, анда анын үй-бүлөсүнө маркумдун жыйырма жылдык орточо маянасынан аз эмес өлчөмдө бир жолку жөлөк пул төлөнөт.

Өзгөртүү киргизилген мыйзам макулдашуудан өткөндөн кийин медиктерге кошумча акы ошонун негизинде төлөнө баштайт. Ал эми ага чейин оору жуктуруп алгандыгы далилденген медиктерге 200 миң сом компенсация төлөнүп бериле берет.

Учурда аталган документ Финансы министрлиги менен макулдашылып жатат.

947
Белгилер:
күрөш, коронавирус, оору, компенсация, медик
Тема:
Коронавируска байланыштуу Кыргызстандагы кырдаал (2429)
Тема боюнча
Ыктыярчы Адинай Мырзабекованын үй-бүлөсүнө 1 миллион сом төлөнүп берилди
Экс-премьер-министр Кубатбек Боронов. Архив

Кубатбек Боронов коронавируска кабылып, жандандыруу бөлүмүнө түштү

200
(жаңыланган 12:39 03.12.2020)
Маалыматка караганда, ал Республикалык жугуштуу илдеттер ооруканасында дарыланууда. Бейтап коронавируска кабылып, илдети өрчүп кетип невмонияга айланганы айтылып жатат.

БИШКЕК, 3-дек. — Sputnik. Экс-премьер-министр Кубатбек Боронов коронавирус илдетине чалдыгып, жандандыруу бөлүмүнө түштү. Бул тууралуу ишенимдүү маалымат булагы билдирди.

Ага караганда, ал Республикалык жугуштуу илдеттер ооруканасында дарыланууда. Коронавирус илдети өрчүп кетип, пневмонияга айланганы айтылып жатат.

Ошондой эле ал жандандыруу бөлүмүндө, бирок абалы канааттандырарлык экени кошумчаланды.

200
Белгилер:
ден соолук, оорукана, пневмония, коронавирус, Кубатбек Боронов
Тема:
Кыргызстандагы коронавирус жуктуруп алгандар
Тема боюнча
Коронавирус дагы 420 кишиден табылып, 400 бейтап айыкты
Компьютерде иштеп аткан киши. Архивдик сүрөт

Онколог, авиатор, сынчы... Ажо болом дегендер кайдан билим алган. Тизме

59
(жаңыланган 13:13 03.12.2020)
Мамлекет башчы болом деген адам элди бардык жагынан кызыктырат. Ата-теги, үй-бүлөсү, эмне иш кылары, кимдер менен дос экени, айтор көп нерсени билгибиз келет.

Бул кадыресе көрүнүш, анткени ар бир киши өз тагдырын, келечегин кимдин колуна тапшырарын билиши керек. Бүгүн президенттикке талапкерлердин кайсы окуу жайда окуп, кандай кесипке ээ экенине кызыгып көрдүк.

Учурда талапкерлердин тизмесинде 45 киши бар. Арасынан бирөөнүн жогорку билими жок экен. Айрымдары жергиликтүү гана окуу жайларды бүтүргөн болсо, билимин чет элдик университеттерде бекемдегендер дагы бар.

Талапкерлер тууралуу маалымат Борбордук шайлоо комиссиясынын сайтынан жана ачык булактардан алынды.

Адахан Мадумаров

Адахан Мадумаров Тверь мамлекеттик университетин (Россия) тарыхчы, Жусуп Баласагын атындагы Кыргыз улуттук университетин (КУУ) юрист адистиги боюнча аяктаган.

Арстанбек Абдылдаев

Арстанбек Абдылдаев БШКнын сайтында ал Евразиялык университетти аяктаганы айтылат, бирок башка булактарда 1996-2002-жылдар аралыгында Кыргыз мамлекеттик университетинде (КМУ) экономист адистиги боюнча билим алганы жазылган.

Назарбек Нышанов

Назарбек Нышанов 1984-жылы Кыргыз мамлекеттик медициналык институтун хирург адистиги боюнча бүтүрүп, 1991-жылы Украинанын Запорожье шаарында хирург-онколог дипломуна ээ болгон.

Кубан Чороев

Кубан Чороев Жусуп Баласагын атындагы КУУда экономика жана ишканаларды башкаруу адистигине, андан соң КР президентине караштуу Мамлекеттик башкаруу академиясынын мамлекеттик башкаруу жана жергиликтүү өз алдынча башкаруу адистигине ээ болгон.

Канатбек Исаев

Канатбек Исаев 1996-жылы КМУнун эсеп-коммерциялык факультетин товар таануучу адистиги боюнча аяктаган.

Абдыкаар Сыдыков

Ишембай Абдраимов атындагы Жарандык авиация академиясын аяктаган.

Рашид Тагаев

КМУну экономикалык география, Жусуп Баласагын атындагы КУУну юриспруденция адистиги боюнча аяктаган. СССР ИИМинин жогорку окуу жайында окуган.

Жеңишбек Байгуттиев

1990-жылы КМУну аяктап, тополог адистигине ээ болгон.

Клара Сооронкулова

1992-жылы Жусуп Баласагын атындагы КУУнун юридикалык факультетин аяктап, укук таануучу адистигин өздөштүргөн.

Аймен Касенов

1989-1992-жылдары Бишкектеги Суворов аскер училищесинин курсанты болгон. 1996-жылы Жусуп Баласагын атындагы КУУнун экономика факультетин аяктаган. Андан соң КРСУда жарандык укук боюнча билим алган. Учурда Чехиянын Прага шаарындагы Нью-Йорк университетинин бизнести башкаруу магистри багыты боюнча студент.

Азамат Эсенбеков

Үч окуу жайда билим алган. Алгачкысы Жусуп Баласагын атындагы КУУда каржы жана насыя адистиги боюнча, андан соң РФ Тышкы иштер министрлигинин Дипломатиялык академиясында дүйнөлүк экономика адистигине ээ болгон. Кийин КР президентине караштуу Мамлекеттик башкаруу академиясын мамлекеттик жана муниципалдык башкаруу адистиги боюнча бүтүргөн.

Элеонора Турдубекова

1995-жылы Касым Тыныстанов атындагы Ысык-Көл мамлекеттик университетин физика, информатика жана эсептөөчү машиналар боюнча мугалим адистиги боюнча аяктаган. 2000-жылы Жургенов атындагы Казак улуттук өнөр академиясында искусство таануучу (театр сынчысы) дипломуна ээ болгон.

Урустам Кабылбеков

Бишкектеги №10 техникалык окуу жайын, кийин КМУну каржы жана насыя адистиги боюнча аяктаган.

Ильгиз Товкеев

Жусуп Баласагын атындагы Кыргыз улуттук университетинде билим алган.

Жамбылбек Камчиев

Ош гуманитардык педагогикалык институтун аяктаган.

Мыктыбек Арстанбек

1995-жылы Фрунзедеги Автожол техникумун бүтүргөн. 1992-жылы Политехникалык институттун инженер-курулуш факультетин, 2009-жылы КРдин Тышкы иштер министрлигини алдындагы Дипломатиялык академиясынын политология бөлүмүн аяктаган.

Бактыбек Калмаматов

2006-жылы Ош мамлекеттик юридикалык институтун аяктаган.

Токтайым Үмөталиева

Кыргыз мамлекеттик университетинин физика факультетин аяктаган.

Арсланбек Малиев

Арсланбек Малиев Украинадагы Тышкы экономикалык байланыштар жана маалымат илим-изилдөө институтун бүтүргөн.

Медер Болгомбаев

1999-жылы Кыргызстан эл аралык университетин эл аралык укук адистиги боюнча аяктаган.

Бакыт Романов

Кыргыз мамлекеттик курулуш, транспорт жана архитектура университетин аяктаган.

Имамидин Ташов

2006-жылы Жусуп Баласагын атындагы КУУну финансы жана кредит — банк иши адистиги боюнча бүтүргөн.

Турсунбай Бакир уулу

1984-жылы КУУну тарых мугалими, 1990-жылы Киевдеги Шевченко атындагы мамлекеттик университетин философия адистиги боюнча бүтүргөн.

Курсан Асанов

Курсан Асанов 1998-жылы Ош мамлекеттик университетин педагогика адистиги боюнча аяктаган. 2004-жылы ИИМдин академиясын бүтүргөн.

Ербол Токтогулов

Эргеш Алиев атындагы Ички иштер министрлигинин академиясын аяктаган.

Темирлан Ормуков

БШКнын сайтындагы маалымат боюнча Жогорку окуу жайын аяктаган эмес.

Каныбек Иманалиев

Каныбек Иманалиев 1993-жылы КМУнун журналистика факультетин, 1998-жылы РФтин президентинин алдындагы Россиялык мамлекеттик кызмат академиясын саясат таануу адистиги боюнча бүтүргөн.

Акжолтой Тукунов

2004-жылы Бишкек финансы-экономикалык техникумунан салыкчы кесибине ээ болсо, кийин Касым Тыныстанов атындагы Ысык-Көл мамлекеттик университетин финансы жана кредит адистиги боюнча бүтүргөн.

Равшан Жээнбеков

1992-жылы КМУнун юридика факультетин, 1996-жылы Россия Федерациясынын Дипломатиялык академиясын аяктаган. 2008-жылы АКШдагы Массачусетс технологиялык институтунун алдындагы Слоундун менеджмент мектебинде "кызматтык башкаруу боюнча магистр" даражасын алган.

Айбек Эркетаев

Токмок агроөнөр жай колледжин, Кыргыз мамлекеттик курулуш, транспорт жана архитектура университетин аяктаган.

Санжарбек Энназаров

Жусуп Баласагын атындагы КУУнун юридикалык институтун аяктаган.

Жаныбек Сүйүналиев

БШКнын сайтындагы маалыматка караганда, ал Фрунзедеги политехникалык институтту аяктаган.

Кубанычбек Исабеков

1978-жылы Львов аскердик-саясий окуу жайын (Украина), 1993-жылы Жусуп Баласагын атындагы КУУну (юрист адистиги), 2007-жылы КР Тышкы иштер министрлигинин Дипломатиялык академиясын аяктаган.

Базарбай Темишов

Ош мамлекеттик педагогикалык институтун, андан соң КМУнун экономика факультетин аяктаган.

Бакытбек Жумагулов

Жусуп Баласагын атындагы КУУнун философия жана мамлекеттик кызмат факультетин, КР президентине караштуу Мамлекеттик башкаруу академиясын аяктаган.

Бакыт Керимбеков

1986-жылы Кыргыз мамлекеттик медициналык институтун невропатология адистиги боюнча бүтүргөн.

Эльдар Абакиров

Аль-Фараби Казак улуттук университетинен жогорку билим алып, илимий даражага ээ болгон. Алгач бул окуу жайды (2002-жылы) нейротармактар жана маалыматты коргоо адистиги боюнча актаган. Ошол эле адистик боюнча 2004-жылы магистратура бөлүмүн бүтүргөн. Ал эми 2006-жылы аспирант даражасын алган. Мындан тышкары, Каракол шаарындагы КМЮАда экономика жана укук факультетинде сырттан окуган.

Улукбек Кочкоров

Улукбек Кочкоров 1995-жылы КМУнун финансы жана кредит бөлүмүн аяктаган. 2001-жылы Россия федералдык коопсуздук академиясында билимин жогорулаткан. 2003-жылы кайрадан КМУда укук таануу адистиги боюнча окуган.

Кубанычбек Токтосунов

Карагандадагы СССР Ички иштер министрлигинин жогорку мектебинин укук таануу адистигин, Тышкы иштер министрлигинин Дипломатиялык академиясынын эл аралык мамилелер адистигин алган.

Адилет Маматов

Богазичи университетин (Түркия), РФ өкмөтүнө караштуу Финансы университетин аяктаган.

Бабыржан Тольбаев

1997-жылы Ош мамлекеттик университетинде чет тилди которуунун теориясы жана практикасы адистигин өздөштүрүп, ошол эле окуу жайды 2000-жылы юриспруденция адистиги боюнча сырттан окуган. Мындан тышкары, АКШда банк, бизнес жана башкаруу жаатында курстардан өткөн.

Абдил Сегизбаев

Абдил Сегизбаев 1996-жылы Бишкек шаарындагы Скрябин атындагы Кыргыз айыл чарба институтунан окумуштуу-агроном кесибин алып чыккан. Кийин КР президентине караштуу Мамлекеттик башкаруу академиясын менеджмент багыты боюнча аяктаган.

Мирлан Калыбеков

Жусуп Баласагын атындагы КУУнун юридикалык факультетин аяктаган.

Саматбек Ибраев

1989-жылы Фрунзедеги политехникалык институтунан инженер-куруучу адистигин аяктаган. Ал эми 2018-жылы Жусуп Баласагын атындагы КУУнун юридика факультетин бүтүргөн.

Садыр Жапаров

Садыр Жапаров мектептен кийин Дене тарбия жана спорт институтун акятаган. 2006-жылы Ельцин атындагы Кыргыз-Россия Славян университетин юриспруденция адистиги боюнча бүтүргөн.

59
Белгилер:
адистик, билим, талапкер, президенттик шайлоо, Кыргызстан
Тема:
Кыргызстандагы президенттик шайлоо – 2021
Тема боюнча
Кимиси качан 61 жашка чыгат. Президенттикти мелжегендер тууралуу фактылар
БШК: эки талапкер кол топтоо баракчасын тапшырып, бир нечеси күрөө төлөдү

Финпол 250 миң сом пара берген адамды кармады. Кабинеттен тартылган видео

0
(жаңыланган 13:04 03.12.2020)
Экономикалык кылмыштарга каршы күрөшүү кызматы Ысык-Көл облусунда кызмат адамына 250 миң сом өлчөмүндө пара берип жаткан адамды кармады.

Финполдун маалымат кызматынын билдиришинче, 1-декабрда Т.А. аттуу жаран кылмыш иши боюнча маселени өзүнүн пайдасына чечүүгө аракет кылып, кызмат адамына ири өлчөмдөгү пара берип жаткан жеринен колго түшүрүлгөн.

Ошол эле учурда кайсы кызматкерге бергени айтылган эмес.

Сотко чейинки өндүрүштүн материалдары Жазык кодексинин 328-беренеси ("Пара берүү") менен Кылмыш жана жоруктардын бирдиктүү реестрине катталган.

Ал эми кармалган адам Каракол шаардык ички иштер бөлүмүнүн убактылуу кармоочу жайына киргизилип, тергөө жүрүп жатат.

0
Белгилер:
тергөө, кармоо, пара берүү, финансы полициясы
Тема боюнча
"Кадастрдын" директору Абдумуктар Маматов коррупцияга шектелип кармалды. Сүрөт
Бука сатып берем деген. Ошто элди 1,5 млн. сомго алдап кеткен адам кармалды