Премьер-министр 2-6-класстар кандай тартипте окуй турганын айтты
(жаңыланган 16:40 01.10.2020)
Өкмөт башчы мектептерде ар кандай иш-чараларды өткөрүүгө тыюу салынганын, ата-энелер менен башка адамдар имаратка киргизилбей турганын кошумчалады.БИШКЕК, 1-окт. — Sputnik. Премьер-министр Кубатбек Боронов 2-класстан 6-класска чейинки окуучулар кандай тартипте билим ала турганын брифинг учурунда учкай түшүндүрүп берди.
Эске салсак, 6-октябрдан тарта 2-класстан 6-класска чейинки окуучулар жалпы билим берүү мекемелеринде салттуу түрдө окуй баштайт. Бул боюнча өкмөт чечим чыгарган.
2-6-класстардын окуу тартиби:
- Мектепте окуу тартиби окуучулардын санына жараша уюштурулат. Мисалы, 200гө чейин окуучу болсо, алар бекитилген расписание боюнча билим алат;
- Балдардын саны 200дөн 500гө чейин болсо, кадимки смендик окуу процесси уюштурулат;
- 500 жана 500дөн жогору болсо, аралыгы эки сааттан кем эмес интервал менен смендик окуу процесси жүргүзүлөт.
"Сабактарды өткөрүүдө да өзгөчөлүктөр болот. Алсак, климаттык шарттарды эске алуу менен "Турмуш тиричилик коопсуздугу", "Мекен таануу", "Адеп", "Дене тарбия" сабактары таза абада уюштурулат. Эгерде окуучунун саны 500дөн жогору болуп, шарттары жок болсо, анда табигый-так илимдер багытындагы предметтерди реалдуу режимде, гуманитардык багыттагы предметтерди дистанттык формада өткөрүү каралды", — деди Боронов.
Өкмөт башчы мектептерде ар кандай иш-чараларды өткөрүүгө тыюу салынганын, ата-энелер менен башка адамдар имаратка киргизилбей турганын кошумчалады.
Россиянын 11 аскер адамы КР президентинин энчилүү кол сааты менен сыйланды
(жаңыланган 23:29 19.04.2021)
Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.БИШКЕК, 19-апр.— Sputnik. Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды. Бул тууралуу өлкө башчынын маалымат кызматы кабарлады.
©
Пресс-служба президента КР
Россиянын 11 аскер адамы Кыргызстандын президенти Садыр Жапаровдун энчилүү кол сааты менен сыйланды
Россия Федерациясынын Коргоо министрлигинин № 20022 аскер бөлүмүнүн кызматкерлери "Коопсуздук — 2021" аскердик машыгууларына катышкан.
Саат тапшыруу аземи "Кант" авиабазасында болуп, анда Кыргызстандын Коргоо министрлигинин жетекчилиги жана Коопсуздук кеңешинин катчылыгынын кызматкерлери болгон.
Машыгууга эки миңге жакын адам катышып, 100гө жакын автомобиль, сооттолгон жана атайын техника, 20га чейинки артиллериялык система, ошондой эле 10дой авиациялык техника тартылган.
Белгилер:
Ошто балдардын жугуштуу илдеттер ооруканасынын жаңы имараты эшигин ачты. Сүрөт
(жаңыланган 21:43 19.04.2021)
100 орунга ылайыкташкан жаңы оорукананын курулушу бир жыл ичинде бүткөн. Ал эми эски имараты толугу менен оңдолгон.БИШКЕК, 19-апр.— Sputnik. Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди. Бул тууралуу мэриянын маалымат кызматы кабарлады.
Ага ылайык, жаңы оорукананын ачылыш аземине саламаттык сактоо жана социалдык өнүктүрүү министри Алымкадыр Бейшеналиев, Ош шаарынын вице-мэри Эмиль Шадыханов катышкан. Иш-чарада министр дарыгерлердин айлык акылары көтөрүлө тургандыгын белгилеген.
Ош шаарында балдардын жугуштуу илдеттер ооруканасынын жаңы имараты курулуп бүтүп, ишке берилди© Фото / пресс-служба мэрии города Ош
Ага ылайык, жаңы оорукананын ачылыш аземине саламаттык сактоо жана социалдык өнүктүрүү министри Алымкадыр Бейшеналиев, Ош шаарынын вице-мэри Эмиль Шадыханов катышкан.© Фото / пресс-служба мэрии города Ош
Иш-чарада министр дарыгерлердин айлык акылары көтөрүлө тургандыгын белгилеген.© Фото / пресс-служба мэрии города Ош
Ал эми вице-мэр Эмиль Шадыханов былтыркы жылдагы каталыктарды кетирбеш үчүн шаар мэриясы болгон күч аракетин жумшап, жугуштуу илдет боюнча түшүндүрүү жана алдын алуу иш-чараларын көрүп жаткандыгын кошумчалаган.© Фото / пресс-служба мэрии города Ош
©
Фото / пресс-служба мэрии города Ош
Ал эми вице-мэр Эмиль Шадыханов былтыркы жылдагы каталыктарды кетирбеш үчүн шаар мэриясы болгон күч аракетин жумшап, жугуштуу илдет боюнча түшүндүрүү жана алдын алуу иш-чараларын көрүп жаткандыгын кошумчалаган.
100 орунга ылайыкташкан оорукананын курулушу бир жыл ичинде бүткөнү айтылды. Ал эми медициналык мекеменин эски имараты толугу менен капиталдык оңдоп-түзөөдөн өткөнү маалым болду.
Белгилер: