Окуучу сабак учурунда. Архив

Калем менен көбүрөөк жазган балдар акылдуу болот. Адис себебин айтты

212
(жаңыланган 09:07 03.10.2020)
Илимпоздор дүйнө канчалык сапариптешсе дагы, адам баласы калем менен жазууну унутпашы керектигин айтышат.

БИШКЕК, 3-окт. — Sputnik. Көбүнчө колго жазган балдардын өзү теңдүүлөргө караганда акылы тунугураак болот. Бул тууралуу норвегиялык окумуштуу Одри Ван дер Меердин изилдөөсүнө таянып Medical Xpress жазды.

"Учурда дүйнө сапариптешип бара жатат. Бирок бала окуучу кезинде калем сап кармап, колго жазууну жакшылап өздөштүрүшү зарыл. Анткени кайсы бир маалыматты көчүрүп же түшүнгөнүн дептерге жазуу жаңы материалды өздөштүрүп, өмүр бою эсине тутуп калууга жакшы жардам берет", — дейт адис.

Муну билүү үчүн илимпоздор 2017-2020-жылдар аралыгында бир нече окуучу жана студенттин мээсин текшерип көрүшкөн. Тагыраагы, балдарды мээнин кантип иштеп жатканын билип турчу атайын жабдууга отургузушкан. Ошол маалда балдар малыматты алгач калем менен баракка жазып, андан соң клавиатураны пайдаланышкан. Жыйынтыгында аппарат окуучу колго жазып жаткан кезде мээси активдүү иштээрин көрсөткөн.

8 жыл бою чипсы жеп чоңойгон кызды гипноз менен башка тамактарга көндүрүштү

Окумуштуу бул нерсени ар ким өзүнөн текшерип көрсө болорун айтат.

"Өзүңөр байкасаңар, адам дүкөнгө барганда сатып алчу товарлардын тизмесин кагазга жазып алганда жакшы эстеп калат. Баракты унутуп калган күндө дагы көздөгөн нерселеринин бардыгын сатып алат", — деди Ван дер Меер.

Мындан улам адис адам баласы канчалык санариптешүүгө ыктаса дагы, кагазга калем сап менен жазууну калтырбашы керектигин эскертет.

212
Белгилер:
Окумуштуулар, изилдөө, окуу, кагаз, жазуу, акыл, бала
Тема боюнча
Бак-дарак аз жерде чоңойгон балдардын ой жүгүртүүсү тар болот. Иликтөө
Мамлекеттик Ала-Арча жаратылыш паркы

Шаршембиге карата аба ырайы

33
Синоптиктер шаршембиге караган түнү жаан-чачын күтүлбөй турганын маалымдашты. Батыштан соккон шамалдын ылдамдыгы секундасына 4-9 метрге жетет.

БИШКЕК, 20-окт. — Sputnik. Шаршемби күнү, 21-октябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Талас аймактарында +20...+25, Ош, Жалал-Абад, Баткен облустарында +21...+26, Ысык-Көл менен Нарын жергесинде +14...+19 градус жылыйт.

Чоң Алайда күчү 4,5 баллга жеткен жер титирөө болду

Күндүн табы Бишкекте +23...+25 жана Ош шаарында +24...+26 градуска чейин көтөрүлөт.

33
Белгилер:
Кыргызстан, октябрь, аба ырайы
Тема боюнча
2-ноябрда Жерге астероид түшүшү ыктымал
Бишкек мэринин милдетин аткаруучу Нариман Түлеев

COVID күчөп кетсе Бишкек даяр болушу керек. Түлеевдин биринчи жыйыны

158
(жаңыланган 20:12 20.10.2020)
Эртең менен биринчи вице-мэр болуп дайындалган Түлеев Азиз Суракматов кызматтан кеткенден кийин шаар башчысынын милдетин аткарып калды.

БИШКЕК, 20-окт. — Sputnik. Бишкек мэринин милдетин аткаруучу Нариман Түлеев коронавирус пандемиясы шарттаган экономикалык кырдаалга тынчсыздануусун билдирди. Бул тууралуу жетекчинин биринчи жыйынында белгилүү болду.

Эскерте кетсек, Түлеев бүгүн эртең менен вице-мэрликке дайындалып, шаар башчысы Азиз Суракматов кызматтан кеткенден кийин калаа жетекчисинин милдетин аткарып калды.

Түлеев: чынын айтсам, мэрияга баргым келген эмес

Түлеев вице-мэрлерди, акимдерди жана шаар кызматтарынын жетекчилерин чогулткан.

"Мэрдин милдетин аткаруучу коронавирус пандемиясы шарттаган экономикалык абалга тынчсыздануусун билдирди. Экономика жана финансы боюнча вице-мэр Алмаз Бакетаевге райондук салык башкармалыктарынын жетекчилерин чогултуу тапшырылды", — деп айтылат маалыматта.

Түлеев эпидемиологиялык абал өлкө боюнча татаал экенин белгилеп, вирус жайылып кете турган болсо шаар ага даяр болушу керектигине токтолгон.

Мындан тышкары, жыйында шаар кызматтары калааны тазалоо иштерин күчөтүшү керектиги кошумчаланды.

158
Белгилер:
эпидемия, жыйын, Бишкек мэриясы, Нариман Түлеев
Тема:
Коронавируска байланыштуу Кыргызстандагы кырдаал
Тема боюнча
Абакта "авторитет" болгон. Бишкек мэрлигине кайра келген Түлеев жөнүндө 7 факты
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

124
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

124
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы