Төө-Ашуудагы унаалар

Төө-Ашуу менен Суусамырга калың кар түштү. Видео

778
(жаңыланган 12:20 03.10.2020)
Жол инспекторлору айдоочуларга жайкы дөңгөлөктөрдү кышкыга алмаштырып, ылдамдыкты жана унаалар арасындагы аралыкты сактоого чакырды.

БИШКЕК, 3-окт. — Sputnik. Чүй облусунун Жол кыймылы коопсуздугун камсыздоо башкармалыгы кар жаап, аба ырайы кескин өзгөргөнүнө байланыштуу айдоочуларга эскертүү берди.

"Бүгүн, 3-октябрда, Төө-Ашуу ашуусуна жана Суусамыр өрөөнүнө кар түшкөндүктөн, Чүй ЖКККБ Бишкек — Ош унаа жолунан өтө турчу айдоочуларга жайкы дөңгөлөктөрдү кышкыга алмаштырып, тайгалантпаган чынжыр тагып, ошондой эле унаалар арасындагы аралыкты жана ылдамдыкты сактоого чакырат", — деп айтылат маалыматта.

Кышкысын унаага кандай дөңгөлөк сатып алуу керек? Пайдалуу инфографика

Эске сала кетсек, буга чейин Өзгөчө кырдаалдар министрлиги 3-октябрга караган түнү Чүй облусунун кээ бир райондорунда жаан, тоолуу райондорунда кар жаашы күтүлөрүн билдирген. Ал эми республиканын башка аймактарында күн ачык болору айтылган.

778
Белгилер:
эскертүү, айдоочу, кар, аба ырайы, ЖКККББ, Чүй облусу
Тема боюнча
Машинаны саткандан кийин айып кагазы келе берсе эмне кылуу керек? ЖКККББ жообу
Банкоматтан акча алуу. Архивдик сүрөт

Адис банкомат бербей койгон акчаны кайтарып алуу жолун түшүндүрдү

18
(жаңыланган 10:00 29.10.2020)
Эгер операция банктын өзүнүн банкоматынан аткарылса, акчаңызды тезирээк, тагыраагы, бир жуманын тегерегинде кайтарып бериши керек. Башка банктын банкоматы болсо, кайтаруу мөөнөтү бир айга чейин созулушу мүмкүн.

БИШКЕК, 29-окт. — Sputnik. Кээде банкомат сураган акчаны жеткирбей берип же таптакыр эле бербей койгон учурлар болот. Мындайда банкоматтын номери менен ийгиликсиз операция аткарылган саатты мүнөт, секундуна чейин эстеп калуу керектигин "Прайм" агенттигине "Синергия" университетинин Укук дисциплинасы департаментинин өкүлү Наталия Пшеничникова билдирди.

"Андан соң болушунча эртерээк кызмат көрсөткөн банкка кайрылуу керек. Акчаны башка банктын банкоматынан алган күндө дагы баары бир сизге картаны берген банк гана жардам бере алат. Ал үчүн доо арыз таштап, анда болгон окуяны толугу менен айтып бериңиз. Жогоруда айтылган банкоматтын номери менен акча суроонун убакыт-саатын дагы так жазыңыз", — деди Пшеничникова.

Банктык картадан акча уурдалса эмне кылуу керек. Кеңештер

Адистин айтымында, банк көйгөй жараткан банкоматта ашыкча болуп калган сумманы, видеокөзөмөлдөн сиздин барган-барбаганыңызды карап, аткарылган операцияларды анализдеп чыгуусу үчүн убакыт талап кылынат.

Эгер операция банктын өзүнүн банкоматынан аткарылса, акчаңызды тезирээк, тагыраагы, бир жуманын тегерегинде кайтарып бериши керек. Эгер башка банктын банкоматы болсо, кайтаруу мөөнөтү бир айга чейин созулуп кетиши мүмкүн.

18
Белгилер:
көйгөй, акча, банкомат, банк
Тема боюнча
Банктык картанын номерин билген киши акча уурдай алабы? Жооп
Кыргызстанда банктык карталар менен кантип акча табууга болот? Жол-жобосу
Тайган. Архив

Бийлик тайганды ЮНЕСКОнун деңгээлинде коргоого алууну пландап жатат

30
Долбоордун максаты иттин тайган тукумун коргоо жана сактоо болуп саналат. Документ коомдук талкууга коюлду.

БИШКЕК, 29-окт. — Sputnik. Маданият, маалымат жана туризм министрлиги иттин тайган тукумун ЮНЕСКОнун деңгээлинде коргоого алууга чакырды.

Токтом долбоору коомдук талкууга коюлду.

Долбоордун максаты иттин тайган тукумун коргоону күчөтүү жана сактоо болуп саналат. Ошону менен бирге аны "КРдин материалдык эмес маданий мурасынын элементтеринин улуттук тизмегине" кошуу көздөлгөн.

Чет элдик саякатчы Кыргызстандын тоолорунан эки ак илбирсти тартып алды

"Учурда тайган оор абалда турат. Бул тукумду таптакыр жоготуп албаш үчүн коргоого алышыбыз керек", — деп айтылат министрликтин билдирүүсүндө.

Тайган — Кыргызстандын тоолуу шартында калыптанып байыр алган Борбордук Азиядагы байыркы аңчы иттин тукуму. Негизинен республикабыздын Тянь-Шань аймагында көп кездешет. Ошондой эле ал деңиз деңгээлинен 2-4 миң бийиктиктеги жерде аңчылыкка жарай турганы айтылат.

30
Белгилер:
токтом, коргоо, ЮНЕСКО, тайган, Кыргызстан
Тема боюнча
Ысык-Көлдө ак илбирсти дрон менен видеого тартып алышты
Ил-80 (Ил-86 ВКП) учагы. Архивдик сүрөт

Россияга "кыямат күндүн учагын" кайра жасоонун эмне зарылдыгы бар?

9
(жаңыланган 10:03 29.10.2020)
РФ Куралдуу күчтөрү жакын арада Ил-96-400М ыраак магистралдык лайнердин негизиндеги сооттолгон, жогорку технологиялык жаңы аба пунктуларына ээ болмокчу. Батышта мындай машиналарды "кыямат күндүн учагы" деп коюшат.

Үчүнчү дүйнөлүк согуш тутанып кете турган болсо РФтин жогорку аскердик жана саясий жетекчилиги коргонууну уюштуруп, жерде, деңизде жана көктөгү күчтөрдү "учуучу штабдардын" бортунан тескейт.

Бул типтеги учактар ушу тапта болгону эки мамлекетте — Россия жана АКШда гана бар. Бул машиналардын өзгөчөлүктөрү жана милдеттери тууралуу РИА Новости сайтына жарыяланган Андрей Коцтун материалынан окуңуздар.

Командачылыкты сактап калуу

Өзөктүк державалардын ортосундагы мамиле болушунча курчуду. Дипломаттар туңгуюкка кептелди, тараптар элчилерин чакыртып алышты. Куралдуу күчтөр тыкыр даярдыкта.

"Жеңил жагдай". АКШ эмнеликтен Баку менен Ереванды элдештире алган жок?

Стратегиялык бомбалоочу учактар абага көтөрүлүп, баллистикалык ракеталар жүктөлгөн суу түбүндөгү атомдук кайыктар океанга сүңгүүдө, жылуучу грунттук ракеталык комплекстер аскердик күзөт багыттарына карай жакындоодо. Дүйнө үчүнчү дүйнөлүк согуш болуп кетпегей эле деп санааркап турат.

Кудай жалгап мындай сценарий азырынча фантастика гана. Россияда да, АКШда да толук масштабдуу согуш өзөктүк согушка өтүп, он миллиондогон курмандыкка алып келиши мүмкүн экенин жакшы билишет.

Бирок аскерлер дайым эң жаман жагдайга дайым даяр турушат. Эки тарап тең андай чатакта биринчи сокку душманды башчысыз калтырат, күчтөрдү башкаруу жана кандайдыр бир тирешти уюштурууга мүмкүнчүлүгүнөн ажыратат. Негизги бута — аскердик жана саясий борборлор.

Коркунуч жаралган убакта Россиянын жетекчилиги жана Куралдуу күчтөрдүн жогорку командалык курамын катаал купуялуулук шартында аскердик аэродромго көчүрүшөт. Анда аларды канаттуу командалык пунктулар күтөт.

Путин мамлекеттин күчү эмнеде экенин айтты. РФ лидеринин "Валдай" клубундагы сөзү

"Кыямат күндүн учагынын" экипажынын негизги милдети — мамлекеттин биринчи өкүлдөрүн соккудан сактап, өлкөнүн коргоо тутумун абадан башкарууга мүмкүнчүлүк түзүү.

Бул командалык пунктулардын аскердик туруктуулугун коштоочу истребителдерин жана танкер-май куюучулар камсыз кылат. Ушундай эле тактика Кошмо Штаттарда да кансыз согуш доорунда эле иштелип чыккан.

Көп күттүргөн "орун басар"

Россиянын Куралдуу космостук аба күчтөрүндө Ил-86 жүргүнчү лайнеринин негизинде курулган Ил – 80 "кыямат күндүн учагы" бар. Күчтүү энергоорнотмо, заманбап байланыш каражаты, жашоону колдоо тутуму кошумча май куюу менен абада бир нече күн өткөрүүгө мүмкүндүк түзөт.

Өзүнөн мурдагы жарандык түрүнөн Ил-80 бийик "чекеси" — ар кыл радиоэлектрондук жабдуулар жайгаштырылган фюзеляждын маңдайындагы үстүңкү ири бөлүгү менен айырмаланат. Андан сырткары, экипаж жана жүргүнчүлөрдүн көздөрү жакынкы өзөктүк жардыруудан жабыркабашы үчүн Ил-80дин иллюминатору жок. Куйрук бөлүгүндө суу түбүндөгү кайыктар менен байланыш үчүн кое берүүчү тростук антенна орнотулган.

"Оңой менен кыйрабайт": Түндүктө америкалыктар бункерге кайтууда

Ил-80 боюнча кеңири маалыматтар мамлекеттик сыр болуп саналат. Тек гана бортунда Куралдуу күчтөрдүн бардык түрлөрү жана типтерин башкаруу үчүн аппаратура, жогорку кызматтагы жүргүнчүлөрдүн иштөө жана эс алуусу үчүн жайлар каралып, күйүүчү майдын кору үчүн кошумча идиштер коюлган.

Учак каалаган жарандык жана аскердик аэродромдон учуп чыга алат. Жапырт кыйратуучу куралдан коргонуу каражаттары менен жабдылган. Жер үстүндөгү жана ретрансляция, байланыш жана навигация жабдыктары кыйратылган учурда автономдуу иштей алат.

Бирок Ил-80 куралдуу күчтөрдө 15 жылдан бери пайдаланылып келет, өз ресурсунун басымдуу бөлүгүн иштеп чыккан. Мындан тышкары, Ил-86 — орто магистралдык болуп саналышат. Алардын иш ыраактыгы — болгону 3800 чакырым, бул башкаруунун абадагы пункту үчүн жетиштүү эмес. Ошол себептен "кыямат күндүн жаңы учагы" үчүн Ил-96-400М негиз катары тандалганы өзүн актады. Оор жүктөнгөн учурда да бул машина тогуз миң чакырымдын тегерегиндеги ыраактыкка уча алат.

Өз ара сый диалогго чакырып... Европалыктар Россияны сыйлоого аргасыз

"Учуучу отелдер"

АКШнын Куралдуу күчтөрүнүн Boeing-747 авиалайнеринин негизинде түзүлгөн төрт E-4B Nightwatch учагы бар. Ар бири бортуна 100дөн киши алып, улам кошумча май куюулуп турганда абада бир жумага дейре кармала алат.

Е-4B өзөктүк жарылуунун кыйратуучу факторлорунан корголуп, эң заманбап радиоэлектрондук жабдык менен корголгон.

Негизи америкалык "кыямат күндүн учагы" — бул учуучу отель. Анын бир нече күн аралыгында автономдуу иштеши үчүн тийиштүү нерсенин баары — ашкана, санитардык түйүндөр, эс алуу аймагы, уктоочу кубрик (бөлмө), стол жана тогуз креслосу бар жыйын бөлмөсү, 29 жумуш орундуу коммуникация менен байланыш зонасы жана башка бөлмөлөр бар.

Интерьер ыңгайлуулугу, ал эми жабдуусу жогорку эргономикасы менен айырмаланат. Балким ошол себептен АКШнын биринчи өкүлдөрү узак жолго жана бөлөк өлкөлөргө расмий сапарга чыкканда классикалык президенттик Air Force One бортторунун ордуна E-4B учагын маал-маалы менен тандашат.

E-4B учактары россиялык Ил-80ден алда канча улуу. Алар 1970-жылдары эле пайдаланууга берилген. Анткен менен алар улам заманга бапташтырылып турат.

2015-жылы борттордун бир бөлүгү коммуникациялык жабдуунун кайра программаланышынан жана коммуникациялык жабдуу жол-жобосунан өткөн.

Европа Россияга каршы жаңы санкциялардын азабын тартабы?

Учактар ыкчам ылдамдыктагы интернетке, кеңири сызыктуу спутник байланышына туташтырылган, ошондой эле жогорку өткөрүү жөндөмдүүлүктөгү атайын корголгон каналдарга ээ. E-4B ыраактыгы — 11 миң чакырым.

Андан сырткары, америкалыктардын суу түбүндөгү стратегиялык атомдук кайыктары бар резервдик тутумун камсыздандырууга багытталган, ошондой эле Кошмо Штаттардын Куралдуу күчтөрүнүн командалык аба пункту катары пайдалануу үчүн 16 E-6 учагы бар.

Кокус согуш тутанып кетсе, бул машиналар суу алдындагы кайыктар жана "кыямат күндүн учактары" менен байланышта болуу менен Атлантика жана Тынч океан аймактарында аскердик күзөткө чыгышат.

9
Белгилер:
согуш, ракета, АКШ, ылдамдык, Россия, учак
Тема боюнча
Ту-154түн Россияда элди акыркы ирет ташыган видеосу. КРдеги №1 борт да ушундай
Казакбаев: Россия Кыргызстандын союздашы болуп келген жана боло берет