Президент Сооронбай Жээнбеков КТРКнын Биринчи радиосуна берген маеги учурунда

Жээнбеков: мурункудай карантин киргизе албайбыз, эрежени мен баш болуп сактайлы

739
(жаңыланган 16:05 03.10.2020)
Президент коронавирустан улам киргизилген сактануу эрежесин бузгандарга катуу чараларды колдонуу зарылдыгын дагы бир ирет эскертти.

БИШКЕК, 3-окт. — Sputnik. Эми биз мурункудай карантин киргизе албайбыз, бирок экономикага да, ден соолукка да бирдей көңүл бурушубуз керек. Бул туурасында президент Сооронбай Жээнбеков КТРКнын "Биринчи радиосуна" берген маегинде айтты.

Алып баруучу коронавирус илдети жана анын экинчи толкуну туурасында суроо берген.

"Эми биз мурункудай карантин киргизе албайбыз. Бирок биз экономикага дагы, ден соолукка дагы бирдей көңүл бурушубуз зарыл. Ал үчүн мен баш болуп, жөнөкөй жаранга чейин эрежени сакташ керек", — деген Жээнбеков.

Матрезерв коронавирустан коргогон дарынын 29 түрүн сатып алды

Мамлекет башчы бул жерде ар бир адамдын жоопкерчилигин катуу коюш керектигин эскерткен.

"Биздин медиктерибиз да кандай дарылай турганды үйрөнүп калды. Анан эми бир эле мамлекет, эл карайт дебей, ар бир адамдын жоопкерчилигин катуу коюш керек. Ар ким өзүнөн көрүп, баарыбыз сак болушубуз зарыл.

... Эрежени бузгандарга катуу чараларды колдонуш керек. Мен өкмөт башчыга да айттым, бардык органдарга айтып жатам, буюрса, муну колго алабыз", - деген ал.

Кыргызстанда соңку күндөрү дүйнөнүн башка өлкөлөрү сыяктуу эле коронавирустан ооругандар менен каза тапкандар кездеше баштады. Кечээ бул вирус Баткен менен Бишкек шаарында көп катталып, Ысык-Көлдө бир адам көз жумду. Кыргызстанда аталган вируска баш-аягы 47 184 адам кабылган.

739
Белгилер:
маек, карантин, коронавирус, Сооронбай Жээнбеков, Кыргызстан
Тема боюнча
Шайлоодон кийин карантин киргизилеби? Президент Жээнбековдун жообу
Борбордук шайлоо комиссиясынын алдында митинг

Шайлоо убагында өтсүн! БШКнын алдында дагы бир митинг болду. Сүрөт

8
(жаңыланган 13:34 26.10.2020)
Борбордук шайлоо комиссиясынын алдына болжол менен 50дөй адам чогулган. Алар парламенттик шайлоонун өз мөөнөтүндө өтүшүн талап кылышкан.

БИШКЕК, 26-окт. — Sputnik. Борбордук шайлоо комиссиясынын алдында дагы бир митинг өттү. Бул тууралуу Sputnik Кыргызстан агенттигинин кабарчысы билдирди.

  • Митинг у здания Центральной комиссии по выборам и проведению референдумов в Бишкеке с требованием, чтобы повторные парламентские выборы состоялись в объявленный ЦИКом срок
    Борбордук шайлоо комиссиясынын алдында дагы бир митинг өттү
    © Sputnik / Эламан Карымшаков
  • Митинг у здания Центральной комиссии по выборам и проведению референдумов в Бишкеке с требованием, чтобы повторные парламентские выборы состоялись в объявленный ЦИКом срок
    Анын айтымында, Борбордук шайлоо комиссиясынын алдына болжол менен 50дөй адам чогулган. Алар парламенттик шайлоонун өз мөөнөтүндө өтүшүн талап кылышкан
    © Sputnik / Эламан Карымшаков
1 / 2
© Sputnik / Эламан Карымшаков
Борбордук шайлоо комиссиясынын алдында дагы бир митинг өттү

Анын айтымында, Борбордук шайлоо комиссиясынын алдына болжол менен 50дөй адам чогулган. Алар парламенттик шайлоонун өз мөөнөтүндө өтүшүн талап кылышкан. Митингге келгендердин көбү шайлоого катышуу ниетин билдирген партиялардын өкүлдөрү экени маалым болду.

Эске салсак, парламенттик кайра шайлоону 20-декабрда өткөрүү боюнча БШКнын чечими чыккан. Бирок Жогорку Кеңештин депутаттары 22-октябрда шайлоонун күнүн жылдыруу боюнча мыйзам кабыл алышкан.

Ошондой эле Биринчи май райондук соту 24-декабрда БШКнын шайлоону 20-декабрда өткөрө турган токтомун жокко чыгарган.

БШК соттун чечимине каршы даттана турганы маалым болду.

Президент болом дегендер документтерин БШКга качан тапшырары такталды

Эске салсак, калаада дагы бир митинг өтүүдө. Анда мэриянын алдына эл чогулуп, шаар башчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат.

8
Белгилер:
нааразычылык акциясы, чечим, шайлоо, Митинг, БШК
Тема боюнча
"Манас" аэропортунун жетекчиси: Жапаровдун уруксатын алдым, жумушту улантам
Бишкек мэриясынын алдындагы митинг

Бишкек мэриясынын алдында кайрадан митинг. Сүрөт, видео

40
(жаңыланган 13:31 26.10.2020)
Нааразы болгондор жаңы мэр дайындалмайынча күнүгө саат 12:00дө митингге чыга тургандыктарын айтышты.

БИШКЕК, 26-окт. — Sputnik. Бишкек мэриясынын алдында кайрадан митинг болуп, шаар башчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат.

  • Митингующие у здания мэрии Бишкека, где требуют отставки и.о. мэра Наримана Тюлеева.
    Бишкек мэриясынын алдында кайрадан митинг болуп, шаар бышчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат
    © Sputnik / Эркин Садыков
  • Митингующие у здания мэрии Бишкека, где требуют отставки и.о. мэра Наримана Тюлеева.
    Нааразы болгондор жаңы мэр дайындаламайын, күнүгө саат 12:00дө митингге чыга тургандыктарын айтышты.
    © Sputnik / Эркин Садыков
1 / 2
© Sputnik / Эркин Садыков
Бишкек мэриясынын алдында кайрадан митинг болуп, шаар бышчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат
"Бул кишилер 30 жыл ичинде натыйжалуу башкара албагандыгын көрсөткөн, эми кайрадан бийликке келип жатышат. Эски саясатчылардын кайрадан кызматка келүүгө моралдык укугу жок", — деген митингдин катышуучусунун бири.

Алардын бир бөлүгү тарай баштады.

Нааразы болгондор жаңы мэр дайындалмайынча күнүгө саат 12:00дө митингге чыга тургандыктарын айтышты.

Эске салсак, Нариман Түлеев өзүнүн биринчи вице-мэр жана мэрдин милдетин аткаруучулуктан кетүү тууралуу жазган арызын кайтарып алып, кызматка кайтып келген.

21-октябрда Бишкек шаардык мэриясынын алдына Түлеевдин калаа башчысынын милдетин аткаруучу болуп дайындалышын мыйзамсыз деп эсептегендер митингге чыгып, анын тарапташтары менен чатакташа кеткен. Эртеси Түлеев мэрдин милдетин аткаруудан да, вице-мэрликтен да баш тартып арыз жазган.

40
Белгилер:
митинг, Бишкек мэриясы, Бишкек, Кыргызстан
Тема боюнча
Нариман Түлеев Бишкек мэринин милдетин аткаруучулукка кайтып келди