Тышкы иштер министри Чыңгыз Айдарбеков брифинг учурунда

Министр Айдарбеков чет жактагы кыргызстандыктар качан добуш берип бүтөрүн айтты

50
(жаңыланган 12:29 04.10.2020)
Быйыл чет өлкөлөрдө шайлоочулардын саны 32 602ге жетти. Алар 40тан ашык шайлоо участкасында добуш бере алышат.

БИШКЕК, 4-окт. — Sputnik. Чет өлкөлөрдөгү кыргызстандыктардын эң акыркысы АКШнын Вашингтон шаарындагы элчиликте добуш беришет. Бул тууралуу тышкы иштер министри Чыңгыз Айдарбековго шилтеме берип ведомствонун маалымат кызматынан билдиришти.

"Добуш берүү Вашингтонтогу элчиликтин участкасында жыйынтыкталат (Вашингтон менен Бишкектин убакыт айырмасы 10 саат — ред.) Бишкектеги эртең мененки саат 9:00гө карата чет өлкөлөрдө 535 адам добуш берди. Биз жарандардын шайлоого толук катышуусун күтөбүз", — деди Айдарбеков.

Анын айтымында, быйыл чет өлкөлөрдө шайлоочулардын саны 32 602ге жетти. Биринчи жолу добуш берүү шайлоо участогу Россиянын Түштүк Сахалин шаарында ачылды.

2020-жылкы парламенттик шайлоо кандай өтүп жатат?

Бардык дипломатиялык мекемелерде санитардык-эпидемиологиялык коопсуздук талаптары сакталып жатканы кошумчаланды.

Бүгүн, 4-октябрда, Кыргызстанда парламенттик шайлоо өтүп жатат.

50
Белгилер:
Чыңгыз Айдарбеков, Вашингтон, шайлоо, Кыргызстан
Тема:
Шайлоо-2020 (253)
Тема боюнча
БШК: добуш берүү процесси кыргызстандыктарга ыңгайсыздык жаратышы мүмкүн
Ошто көпчүлүк шайлоо участкаларында узун кезек жаралды. Сүрөттөр
Эндокринолог Айпери Биримкулова

Биримкулова: организмде йод ашыкча болсо оору алып келет

8
(жаңыланган 18:42 25.10.2020)
Эндокринолог Айпери Биримкулова калкан безинин салмагы 15-20 грамм болгону менен адам организми үчүн өтө маанилүү функцияны аткарарын айтты.
Биримкулова: организмде йод ашыкча болсо оору алып келет

Йод жетишсиз болгондо богок оорусу пайда болот, бирок анын ашыкчасы да дартты чакырат. Бул тууралуу Айпери Биримкулова Sputnik Кыргызстан радиосунун эфиринде маек куруп жатып билдирди.

Анын айтымында, деңиз азыктарында жана балык этинин курамында йод көп.

"Кыргызстан тоолуу өлкө болгондуктан климатыбызга жараша йод жетишсиздиги көп байкалат. Андыктан тамак-ашка йоддолгон тузду колдонуу керек. Бирок йод ашыкча болгон учурда да адам ар түрдүү ооруларга чалдыгат. Мындай учурда кишинин чачы түшүп, ачуусу бат келип, депрессияга кабылып, өзүн чарчаңкы сезип, ал тургай колдору титиреп, жүрөгү катуу согуп, көзү чанагынан чыгып кетейин деп чоңоюп кетиши мүмкүн. Бул учурда, өкүнүчтүүсү, көпчүлүк бейтаптар башка органдарын текшертип же психологдун жардамын күтүп жүрө беришет", — деди Биримкулова.

Ал оорунун жогорудагыдай белгилери байкалган учурда алгач эндокринологдорго кайрылып, гормондорун текшертип алышы зарылдыгын кошумчалады.

8
Белгилер:
Айпери Биримкулова, йод, ден соолук
Тема боюнча
Турсункулова: Кыргызстанда 617 000 адам кант диабети менен жабыркайт
Ветеринар Ашырбай Жусупов

Жусупов: мал кармаган короону жылына эки жолу дезинфекциялаш керек

6
(жаңыланган 18:21 25.10.2020)
Ветеринар Ашырбай Жусупов малды убак-сааты менен бастырып, тиешелүү гигиеналык талаптарды сактоо зарылдыгын айтты.
Жусупов: мал кармаган короону жылына эки жолу дезинфекциялаш керек

Мал чарбалары кышка карата комплекстүү даярданышы керек. Бул тууралуу Ашырбай Жусупов Sputnik Кыргызстан радиосуна маек куруп жатып билдирди.

Анын айтымында, оорулардын жайылып кетүү коркунучун алдын алуу максатында малдын түрүнө жараша бөлөк-бөлөк багылуусу керек.

Дене ууланат. Малдан адамга жуккан күйдүргүдөн кантип сактануу керек

"Мал күзүндө жайлоодон эттүү келет. Ушул кезде дайымкы профилактикалык иш-чараларды жүргүзүү зарыл. Башкача айтканда, семиз малга эмдөө жасалса эффективдүүлүгү жогорураак. Учурда ветеринария кызматы тарабынан тогуз ылаңга каршы акысыз вакцина сайылат. Андан тышкары, малдын тоюту салына турган акырды, суу иче турган ноосун, деги эле короону жазда жана күздө дезинфекциялоо шарт. Себеби илдеттер көбүнчө малдын жаткан жеринен жугат. Анан албетте комплекстүү тоют даярдалат. Тоют ар түрдүү жана витаминдүү болсо, семиз мал ооруга көп чалдыкпайт", — деди Жусупов.

Адис фермер түзүүдө алгач аталган багытта тиешелүү адабияттарды окуп, керектүү маалыматтарга ээ болуу менен мал багууну сапаттуу деңгээлге чыгарса болорун кошумчалады.

6
Белгилер:
тоют, ветеринария, мал, Ашырбай Жусупов
Тема боюнча
Саткынов: мал күзгү эмдөөдөн өтүп жатат