Шайлоо участогундагы байоочулар

Шайлоого 43 мамлекеттен келген 277 байкоочу көз салууда

75
Эл аралык байкоочу чет өлкөлүк же эл аралык уюмдун атынан келип, мыйзамдуу түрдө шайлоо менен референдумдардын даярдыгына, өтүшүнө байкоо жүргүзгөнгө укуктуу адам.

БИШКЕК, 4-окт. — Sputnik. Жогорку Кеңештин шайлоосуна 277 эл аралык байкоочу жана 77 жарандык уюм мониторинг жүргүзүүдө. Бул тууралуу БШКнын маалымат кызматы кабарлады.

Ага ылайык, эл аралык байкоочу болгон 277 киши 43 мамлекеттен келген. Алар 33 уюмдун өкүлү. Ошондой эле 77 жарандык уюмдан тышкары 16 саясий партиянын байкоочулары байкоо жүргүзүүдө.

Коомдук байкоочу — бул КРдин коммерциялык эмес уюмунан дайындалган адам шайлоого даярдыктын жүрүшүнө, добуш берүүнүн өткөрүлүшүнө, алардын жыйынтыгын аныктоого жана билүүгө байкоо жүргүзөт.

2020-жылкы парламенттик шайлоо кандай өтүп жатат?

Эл аралык байкоочу — чет өлкөлүк же эл аралык уюмдун атынан келип, мыйзамдуу түрдө шайлоо менен референдумдардын даярдыгына, өтүшүнө байкоо жүргүзгөнгө укуктуу адам.

Эскерте кетсек, бүгүн кыргызстандыктар Жогорку Кеңештин VII чакырылышынын депутаттарын шайлоодо.

Өлкө аймагында шайлоо кандай өтүп жатканын Sputnik Кыргызстан агенттигинин жүргүзгөн тексттик трансляциясынан билүүгө болот

75
Белгилер:
чет мамлекет, шайлоо, байкоочу
Тема:
Шайлоо-2020 (253)
Тема боюнча
Дене табы көтөрүлгөн адамдар качан добуш бере алат? Министрдин жообу
Республика боюнча саат 12.00гө карата добуш бергендердин саны
Баткен облусунда чек ара бекетиндеги мунара. Архив

Асманга ок атылды. Кыргыз-тажик чек арасында кайрадан жаңжал чыкты

72
(жаңыланган 19:42 25.10.2020)
Тажик жарандары Үч-Төбө айылынан чек ара аркылуу жер алдынан суу түтүк өткөрүп жатканда кыргыз чек арачылары келип, ишти токтотууну талап кылышкан.

БИШКЕК, 25-окт. — Sputnik. Кыргыз-тажик чек арасында чатак чыкканын Мамлекеттик чек ара кызматы кабарлады.

Ага ылайык, бүгүн, 25-октябрда, саат 17:00дөр чамасында тажик жарандары Баткен облусунун Үч-Төбө айылынан чек ара аркылуу жер алдынан суу түтүк өткөрүп башташкан.

"Окуя болгон жерге кыргыз чек арачылары барып, тактала элек аймактагы ишти токтотууну талап кылышкан. Бирок тажик тарап айткандарга баш ийбей, кайым айтышкан. Аскер кызматкерлеринин өмүрүн жана саламаттыгын сактоо максатында, ошондой эле абалдын курчуп кетпеши үчүн Кыргызстандын чек арачылары эскертүү иретинде асманга ок чыгарууга аргасыз болушту", — деп айтылат маалыматта.

Учурда түтүк өткөрүү иши токтотулду. Эки өлкөнүн чек ара өкүлдөрү сүйлөшүү жүргүзүүдө. Ага жергиликтүү бийлик органдары менен укук коргоо органдарынын өкүлдөрү катышып жатат.
Мамлекетик чек аранын аталган аймагында абал туруктуу деп бааланды.

72
Белгилер:
ок атуу, Жаңжал, Мамлекеттик чек ара кызматы, Тажикстан, Кыргызстан
Тема боюнча
Кыргыз-өзбек жумушчу тобу чек арадагы чечиле элек тилкелерди карап чыгышты
Эндокринолог Айпери Биримкулова

Биримкулова: организмде йод ашыкча болсо оору алып келет

30
(жаңыланган 18:42 25.10.2020)
Эндокринолог Айпери Биримкулова калкан безинин салмагы 15-20 грамм болгону менен адам организми үчүн өтө маанилүү функцияны аткарарын айтты.
Биримкулова: организмде йод ашыкча болсо оору алып келет

Йод жетишсиз болгондо богок оорусу пайда болот, бирок анын ашыкчасы да дартты чакырат. Бул тууралуу Айпери Биримкулова Sputnik Кыргызстан радиосунун эфиринде маек куруп жатып билдирди.

Анын айтымында, деңиз азыктарында жана балык этинин курамында йод көп.

"Кыргызстан тоолуу өлкө болгондуктан климатыбызга жараша йод жетишсиздиги көп байкалат. Андыктан тамак-ашка йоддолгон тузду колдонуу керек. Бирок йод ашыкча болгон учурда да адам ар түрдүү ооруларга чалдыгат. Мындай учурда кишинин чачы түшүп, ачуусу бат келип, депрессияга кабылып, өзүн чарчаңкы сезип, ал тургай колдору титиреп, жүрөгү катуу согуп, көзү чанагынан чыгып кетейин деп чоңоюп кетиши мүмкүн. Бул учурда, өкүнүчтүүсү, көпчүлүк бейтаптар башка органдарын текшертип же психологдун жардамын күтүп жүрө беришет", — деди Биримкулова.

Ал оорунун жогорудагыдай белгилери байкалган учурда алгач эндокринологдорго кайрылып, гормондорун текшертип алышы зарылдыгын кошумчалады.

30
Белгилер:
Айпери Биримкулова, йод, ден соолук
Тема боюнча
Турсункулова: Кыргызстанда 617 000 адам кант диабети менен жабыркайт