Бишкек шаарынын чок ортосунда Социал-демократтар саясий партиясынын тарапташтары жана мүчөлөрү катышкан митинг башталды.

Бишкектин борборунда митинг башталды. Сүрөттөр

1249
(жаңыланган 23:17 04.10.2020)
Нааразычылык акцияга саясий партиянын желегин көтөрүп, ондогон адам чогулган. Алардын арасында мурдагы президент Алмазбек Атамбаевдин кенже уулу Кадыр Атамбаев дагы бар.

БИШКЕК, 4-окт. — Sputnik. Бишкек шаарынын чок ортосунда "Социал-демократтар" саясий партиясынын тарапташтары жана мүчөлөрү катышкан митинг башталды. Бул тууралуу Sputnik агенттигинин кабарчысы жеринен кабарлады.

Нааразычылык акцияга саясий партиянын желегин көтөрүп ондогон адам чогулган. Алардын арасында мурдагы президент Алмазбек Атамбаевдин кичүү уулу Кадыр Атамбаев дагы бар.

Борбордук шайлоо комиссиясы автоматтык түрдө эсептөөчү системанын жардамы менен Кыргызстанда парламенттик шайлоонун алдын ала жыйынтыгын жарыялады. Ага ылайык, Жогорку Кеңешке "Биримдик", "Мекеним Кыргызстан", "Бүтүн Кыргызстан" жана "Кыргызстан" партиялары өттү. Бирок бул акыркы маалымат эмес. БШК добуштарды эми кол менен эсептейт.

Канча кыргызстандык добуш бергени белгилүү болду

Ал эми "Социал-демократтар" саясий партиясы 2,1 пайыз добуш алды.

Ал арада "Ата Мекен" партиясы дагы шайлоонун жыйынтыгын тааныбай турганын жар салды.

1249
Белгилер:
шайлоо, саясий партиялар, Сүрөт, митинг, Бишкек
Тема:
Парламенттик шайлоодон кийинки окуялар (463)
Тема боюнча
Канча кыргызстандык добуш бергени белгилүү болду
Кайсы партияга канча мандат тиет. Тизме
Баткен облусунда чек ара бекетиндеги мунара. Архив

Асманга ок атылды. Кыргыз-тажик чек арасында кайрадан жаңжал чыкты

25
(жаңыланган 19:42 25.10.2020)
Тажик жарандары Үч-Төбө айылынан чек ара аркылуу жер алдынан суу түтүк өткөрүп жатканда кыргыз чек арачылары келип, ишти токтотууну талап кылышкан.

БИШКЕК, 25-окт. — Sputnik. Кыргыз-тажик чек арасында чатак чыкканын Мамлекеттик чек ара кызматы кабарлады.

Ага ылайык, бүгүн, 25-октябрда, саат 17:00дөр чамасында тажик жарандары Баткен облусунун Үч-Төбө айылынан чек ара аркылуу жер алдынан суу түтүк өткөрүп башташкан.

"Окуя болгон жерге кыргыз чек арачылары барып, тактала элек аймактагы ишти токтотууну талап кылышкан. Бирок тажик тарап айткандарга баш ийбей, кайым айтышкан. Аскер кызматкерлеринин өмүрүн жана саламаттыгын сактоо максатында, ошондой эле абалдын курчуп кетпеши үчүн Кыргызстандын чек арачылары эскертүү иретинде асманга ок чыгарууга аргасыз болушту", — деп айтылат маалыматта.

Учурда түтүк өткөрүү иши токтотулду. Эки өлкөнүн чек ара өкүлдөрү сүйлөшүү жүргүзүүдө. Ага жергиликтүү бийлик органдары менен укук коргоо органдарынын өкүлдөрү катышып жатат.
Мамлекетик чек аранын аталган аймагында абал туруктуу деп бааланды.

25
Белгилер:
ок атуу, Жаңжал, Мамлекеттик чек ара кызматы, Тажикстан, Кыргызстан
Тема боюнча
Кыргыз-өзбек жумушчу тобу чек арадагы чечиле элек тилкелерди карап чыгышты
Эндокринолог Айпери Биримкулова

Биримкулова: организмде йод ашыкча болсо оору алып келет

21
(жаңыланган 18:42 25.10.2020)
Эндокринолог Айпери Биримкулова калкан безинин салмагы 15-20 грамм болгону менен адам организми үчүн өтө маанилүү функцияны аткарарын айтты.
Биримкулова: организмде йод ашыкча болсо оору алып келет

Йод жетишсиз болгондо богок оорусу пайда болот, бирок анын ашыкчасы да дартты чакырат. Бул тууралуу Айпери Биримкулова Sputnik Кыргызстан радиосунун эфиринде маек куруп жатып билдирди.

Анын айтымында, деңиз азыктарында жана балык этинин курамында йод көп.

"Кыргызстан тоолуу өлкө болгондуктан климатыбызга жараша йод жетишсиздиги көп байкалат. Андыктан тамак-ашка йоддолгон тузду колдонуу керек. Бирок йод ашыкча болгон учурда да адам ар түрдүү ооруларга чалдыгат. Мындай учурда кишинин чачы түшүп, ачуусу бат келип, депрессияга кабылып, өзүн чарчаңкы сезип, ал тургай колдору титиреп, жүрөгү катуу согуп, көзү чанагынан чыгып кетейин деп чоңоюп кетиши мүмкүн. Бул учурда, өкүнүчтүүсү, көпчүлүк бейтаптар башка органдарын текшертип же психологдун жардамын күтүп жүрө беришет", — деди Биримкулова.

Ал оорунун жогорудагыдай белгилери байкалган учурда алгач эндокринологдорго кайрылып, гормондорун текшертип алышы зарылдыгын кошумчалады.

21
Белгилер:
Айпери Биримкулова, йод, ден соолук
Тема боюнча
Турсункулова: Кыргызстанда 617 000 адам кант диабети менен жабыркайт