Жол оңдоо иштери. Архив

Кытай грантына Бишкектин жолдорун оңдоо долбоорунун экинчи бөлүгү башталды

60
(жаңыланган 14:37 05.10.2020)
Мэрия айдоочуларга оңдоо иштери жүргүзүлгөн көчөлөрдө унаа кыймылдарына убактылуу чектөө киргизилерин эскертет.

БИШКЕК, 5-окт. — Sputnik. Бишкекте Кытайдын грантына курулуучу "Жол тармагын өнүктүрүү" долбоорунун экинчи фазасы расмий ишке кирди. Бул тууралуу мэриядан кабарлашты.

Биринчилерден болуп Ташкент көчөсүнүн Турусбековдон Тоголок Молдого чейинки бөлүгү, Сухэ-Батор көчөсүнүн Каралаевден Шабдан баатыр көчөсүнө чейинки бөлүгү оңдолот.

"Ташкент көчөсү 5-октябрь, Сухе-Батор көчөсү эртеңден тарта оңдоло баштайт. Эки көчөгө асфальт төшөлүп, бордюрлар, лоток арыктар жана тротуарлар жаңыртылат", — деп айтылат маалыматта.

Мэрия жүргүзүлгөн оңдоо иштерине байланыштуу аталган көчөлөрдө унаа кыймылдарына убактылуу чектөө киргизилерин эскертти.

Курулушту кытайлык China Road & Bridges Corporation корпорациясы жүргүзөт. Жол куруу иштерин күз айынын аягына чейин бүткөрүү пландалууда.

Мэрия шаардыктарды альтернативдүү жолдор менен жүрүүгө чакырат.

Бир жылга жетпей бузула баштаган Бишкектин жаңы жолдору. Видео

Эскерте кетсек, Бишкектин жолдор тармагын оңдоо долбоорунун экинчи фазасы эки жылга эсептелген. Бул мезгил аралыгында Бишкекте беш көпүрө куруу жана жалпы узундугу 70 чакырымды түзгөн 60 көчөнү оңдоо пландалган.

Долбоорго кирген көчөлөрдүн көпчүлүгү кеңейтилет же жаңыдан курулуп, баарында тең тротуар жана ирригациялык тармак камтылат. Оңдоо иштери Кытай Эл Республикасынын гранттык каражатынын эсебинен жүргүзүлөт.

60
Белгилер:
грант, курулуш, жол оңдоо, Бишкек
Тема боюнча
Бишкекке жылуулук качан берилет? Мэриянын түшүндүрмөсү
Ресторан. Архив

Министр: той-аштарга чектөө кайра күчөтүлүшү мүмкүн

26
(жаңыланган 12:35 26.10.2020)
Министр оору жуктургандардын саны күндөн-күнгө өсө баштаганын айтты. Өткөн суткада Кыргызстанда коронавирус 420 кишиден аныкталып, жуктургандардын жалпы саны 56 170ке жетти.

БИШКЕК, 26-окт. — Sputnik. Той-аштарга киргизилген чектөөнү күчөтүш керек. Бул тууралуу саламаттык сактоо министри Алымкадыр Бейшеналиев маалымат жыйын учурунда билдирди.

Анын айтымында, коронавирус жуктургандардын саны күндөн-күнгө өсө баштады.

"Саламаттык сактоо министрлиги тойлорду, массалык иш-чараларды токтотуу боюнча өкмөткө сунуш киргизип жатат. Министрлик чектөө киргизүүдө өз алдынча токтом кабыл ала албайт. Бүгүн бул маселени биринчи вице-премьер менен дагы талкуулайбыз. Эгер алар сунушубузду кабыл алса, анда той-аштарга чектөө мурдагыдан да күчөйт. Билсеңиздер, тойлорго чектөө коюлган токтом мурда эле чыккан. Бирок аны аткарган адам жок, ошону күчөтүү зарыл", — деди министр.

Өткөн суткада 420 киши коронавирус жуктурса, 227 бейтап айыкты

Өткөн суткада Кыргызстанда коронавирус 420 кишиден аныкталып, жуктургандардын жалпы саны 56 170ке жетти.

26
Белгилер:
министр, чектөө, той, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
COVID-19га кабылгандар кайсы ооруканага кайрыла алат? Бишкектеги бош орундар
COVID: Кызыл Ай коомунун Бишкектеги ыктыярчылар бригадасы ишке киришти
Бишкек шаарынын вице-мэри жана мэрдин милдетин аткаруучу Нариман Түлеев. Архив

Нариман Түлеев Бишкек мэринин милдетин аткаруучулукка кайтып келди

63
(жаңыланган 12:15 26.10.2020)
Бишкек шаардык кеңешинин КСДП, "Өнүгүү — Прогресс" жана "Республика — Ата-Журт" фракциялары өзүн-өзү мэр деп алгандарды колдобой турганы айтылат.

БИШКЕК, 26-окт. — Sputnik. Нариман Түлеев өзүнүн биринчи вице-мэр жана мэрдин милдетин аткаруучулуктан кетүү боюнча жазган арызын кайтарып алды. Бул тууралуу муниципалитеттин маалымат кызматынан бидиришти.

"Биз, Бишкек шаарынын мэриясы, учурда калаа жетекчисинин милдетин мыйзамдуу түрдө аткаруучу болуп вице-мэр Нариман Түлеев эсептелерин расмий билдиребиз. Аны 21-октябрь күнү отставкага кеткен мурдагы жетекчи Азиз Суракматов дайындаган", — деп айтылат билдирүүдө.

Маалыматка караганда, Бишкек шаардык кеңешинин КСДП, "Өнүгүү — Прогресс" жана "Республика — Ата-Журт" фракциялары өзүн-өзү мэр деп алгандарды тааныбайт.

Түлеев мэрияда кырдаал тынчыбаса кайра кызматка келип аларын эскертти

Ошондой эле шаар жетекчилигинен, мыйзамга ылайык, муниципалдык кызматкер арыз жазгандан тарта, эгер жетекчилиик ага кол кое элек болсо, үч күндүн ичинде чечимин өзгөртсө болорун кошумчалашты.

"Түлеевди кызматтан бошотуу боюнча чечим бүгүнкү күндө жок. Андыктан ал юридикалык жактан дагы, факты түрүндө дагы биринчи вице-мэр боюнча калат", — деп айтылат маалыматта.

Эске салсак, 21-октябрда Бишкек шаардык мэриясынын алдына Түлеевдин калаа башчысынын милдетин аткаруучу болуп дайындалышын мыйзамсыз деп эсептегендер митингге чыгып, анын тарапташтары менен чатакташа кеткен.

Анын эртеси Наримин Түлеев мэрдин милдетин аткаруудан да, вице-мэрликтен да баш тартып арыз жазган.

63
Белгилер:
арыз, Бишкек мэриясы, Бишкек, Нариман Түлеев
Тема боюнча
Бишкектин вице-мэри Абдылдаев Финполго сурак берди. Себеби
Назначенный полномочным представителем правительства в Иссык-Кульской области Балбак Тулобаев

Балбак Түлөбаев президенттин Иш башкармалыгына жетекчи болуп келди

0
(жаңыланган 12:50 26.10.2020)
Түлөбаев 5-октябрдагы элдик толкундоолордон кийин "моралдык укугу жоктугун" айтып, облус башчылык кызматын тапшыруу боюнча арызын жазган.

БИШКЕК, 26-окт. — Sputnik. Президенттин Иш башкармалыгына жетекчи болуп Балбак Түлөбаев келди. Бул тууралуу Sputnik агенттигине Түлөбаев өзү билдирди.

“Өкмөттүн Ысык-Көлдөгү ыйгарым укуктуу өкүлү кызматынан кеттим. Себеби мага башка жумуш сунушталды. Президенттин Иш башкармалыгына бармай болдум”, - деди ал.

Түлөбаев 5-октябрдагы элдик толкундоолордон кийин "моралдык укугу жоктугун" айтып, облус башчылык кызматын тапшыруу боюнча арызын жазган. Бирок, анын отставкасын эч ким кабыл алган эмес.

Эске салсак, мындан бир нече ай мурда, тагыраагы 27-июлда Түлөбаев өкмөттүн Ысык-Көл облусу боюнча ыйгарым укуктуу өкүлү болуп дайындалган эле. Ага чейин Бишкек мэриясынын аппаратын жетектеп турган.

Түлөбаев 2004-2010-жылдары президенттин Иш башкармалыгында жетекчинин кеңешчисинен тарта биринчи орун басарга чейин иштеген.

0
Белгилер:
иш, Балбак Түлөбаев, Кыргызстан