Нарындыктар да шайлоонун жыйынтыгына нааразы болуп митингге чыгышты. Сүрөт
(жаңыланган 16:17 05.10.2020)
Нааразычылык акциясына 100дөй киши чогулду. Алар добуш берүүнүн жыйынтыгын тааныбай турганын айтып жатышат.БИШКЕК, 5-окт. — Sputnik. Нарын шаарында ЖК шайлоосунун жыйынтыгына нааразы болгондор митингге чыкты.
Нарында шаарында ЖК шайлоосунун жыйынтыгына нааразы болгондор митингге чыкты© Sputnik
Sputnik Кыргызстан агенттигинин кабарчысынын айтымында, акцияга 100дөй киши чогулду© Sputnik
Арасында партия өкүлдөрү дагы бар. Митингдин катышуучулары добуш берүүнүн жыйынтыгын тааныбай турганын айтышууда.© Sputnik
© Sputnik
Sputnik Кыргызстан агенттигинин кабарчысынын айтымында, акцияга 100дөй киши чогулду. Арасында партия өкүлдөрү дагы бар. Митингдин катышуучулары добуш берүүнүн жыйынтыгын тааныбай турганын айтышууда.
Төрт партиянын өкүлдөрү "Ала-Тоо" аянтына жөнөштү. Сүрөт, видео
Белгилей кетсек, парламенттик шайлоо таза өтпөгөндүгүн билдирип бир катар партиялар Бишкек шаарында дагы митингге чыгышты. Ал жакта эмне болуп жатканын Sputnik Кыргызстан агенттигинин тексттик трансляциясынан окуңуздар.
Ошондой эле Таласта дагы нааразычылык акциялары башталды.
Министр: той-аштарга чектөө кайра күчөтүлүшү мүмкүн
(жаңыланган 12:35 26.10.2020)
Министр оору жуктургандардын саны күндөн-күнгө өсө баштаганын айтты. Өткөн суткада Кыргызстанда коронавирус 420 кишиден аныкталып, жуктургандардын жалпы саны 56 170ке жетти.БИШКЕК, 26-окт. — Sputnik. Той-аштарга киргизилген чектөөнү күчөтүш керек. Бул тууралуу саламаттык сактоо министри Алымкадыр Бейшеналиев маалымат жыйын учурунда билдирди.
Анын айтымында, коронавирус жуктургандардын саны күндөн-күнгө өсө баштады.
"Саламаттык сактоо министрлиги тойлорду, массалык иш-чараларды токтотуу боюнча өкмөткө сунуш киргизип жатат. Министрлик чектөө киргизүүдө өз алдынча токтом кабыл ала албайт. Бүгүн бул маселени биринчи вице-премьер менен дагы талкуулайбыз. Эгер алар сунушубузду кабыл алса, анда той-аштарга чектөө мурдагыдан да күчөйт. Билсеңиздер, тойлорго чектөө коюлган токтом мурда эле чыккан. Бирок аны аткарган адам жок, ошону күчөтүү зарыл", — деди министр.
Өткөн суткада 420 киши коронавирус жуктурса, 227 бейтап айыкты
Өткөн суткада Кыргызстанда коронавирус 420 кишиден аныкталып, жуктургандардын жалпы саны 56 170ке жетти.
Нариман Түлеев Бишкек мэринин милдетин аткаруучулукка кайтып келди
(жаңыланган 12:15 26.10.2020)
Бишкек шаардык кеңешинин КСДП, "Өнүгүү — Прогресс" жана "Республика — Ата-Журт" фракциялары өзүн-өзү мэр деп алгандарды колдобой турганы айтылат.БИШКЕК, 26-окт. — Sputnik. Нариман Түлеев өзүнүн биринчи вице-мэр жана мэрдин милдетин аткаруучулуктан кетүү боюнча жазган арызын кайтарып алды. Бул тууралуу муниципалитеттин маалымат кызматынан бидиришти.
"Биз, Бишкек шаарынын мэриясы, учурда калаа жетекчисинин милдетин мыйзамдуу түрдө аткаруучу болуп вице-мэр Нариман Түлеев эсептелерин расмий билдиребиз. Аны 21-октябрь күнү отставкага кеткен мурдагы жетекчи Азиз Суракматов дайындаган", — деп айтылат билдирүүдө.
Маалыматка караганда, Бишкек шаардык кеңешинин КСДП, "Өнүгүү — Прогресс" жана "Республика — Ата-Журт" фракциялары өзүн-өзү мэр деп алгандарды тааныбайт.
Түлеев мэрияда кырдаал тынчыбаса кайра кызматка келип аларын эскертти
Ошондой эле шаар жетекчилигинен, мыйзамга ылайык, муниципалдык кызматкер арыз жазгандан тарта, эгер жетекчилиик ага кол кое элек болсо, үч күндүн ичинде чечимин өзгөртсө болорун кошумчалашты.
"Түлеевди кызматтан бошотуу боюнча чечим бүгүнкү күндө жок. Андыктан ал юридикалык жактан дагы, факты түрүндө дагы биринчи вице-мэр боюнча калат", — деп айтылат маалыматта.
Эске салсак, 21-октябрда Бишкек шаардык мэриясынын алдына Түлеевдин калаа башчысынын милдетин аткаруучу болуп дайындалышын мыйзамсыз деп эсептегендер митингге чыгып, анын тарапташтары менен чатакташа кеткен.
Анын эртеси Наримин Түлеев мэрдин милдетин аткаруудан да, вице-мэрликтен да баш тартып арыз жазган.
Белгилер: