Телефондун жарыгын бир учурда күйгүзгөн "Ала-Тоодогу" митингчилердин сүрөтү

530
(жаңыланган 19:32 05.10.2020)
Аянтта чогулган миңдеген кыргызстандык эл алдына чыккан маданият өкүлдөрүнүн өнөрүн көрүп жатып телефондордун фонарын күйгүзгөнүн көрүүгө болот.
Телефондун жарыгын бир учурда күйгүзгөн Ала-Тоодогу митингчилердин сүрөтү
© Sputnik / Табылды Кадырбеков

БИШКЕК, 5-окт. — Sputnik. Бишкектеги "Ала-Тоо" аянтына чогулган митингчилер бир учурда телефондордун фонарын күйгүздү. Бул тууралуу жеринен Sputnik Кыргызстан агенттигинин кабарчысы билдирди.

Митингующие с включенными вспышками на телефонах во время митинга на площади Ала-Тоо в Бишкеке
© Sputnik / Табылды Кадырбеков
Бишкектеги "Ала-Тоо" аянтына чогулган митингчилер бир учурда телефондордун фонарын күйгүздү

Аянтта чогулган миңдеген кыргызстандык эл алдына чыккан маданият өкүлдөрүнүн өнөрүн көрүп жатып телефондордун фонарын бир учурда күйгүзгөн.

Эске салсак, бүгүн түшкө чейин "Ала-Тоо" аянтында акырындан эл топтолуп, түштөн кийин шайлоодон утулуп калган сегиз партиянын башын бириктирген ири митингге айланган. Алар 4-октябрь күнү өткөн парламенттик шайлоонун жыйынтыгын тааныбай турганын айтып, адилеттүүлүктү талап кылууда.

Митингующие с включенными вспышками на телефонах во время митинга на площади Ала-Тоо в Бишкеке
© Sputnik / Табылды Кадырбеков
Аянтта чогулган миңдеген кыргызстандык эл алдына өнөрүн тартуулаган маданият өкүлдөрүнүн өнөрүн көрүп жатып телефондордун фонарын күйгүзгөнүн көрүүгө болот

Кечке маал аянтта элдин саны көбөйүп, бир ирет жолду жабууга аракет болгону маалымдалды. Өкмөт үйүнө жакын жерде укук коргоо органдарынын кызматкерлери турушат. Ошондой эле Дөлөн Өмүрзаков атындагы стадиондун жанына Ички иштер министрлигинин атайын техникасы токтотулду.

 

530
Белгилер:
телефон, митинг, Бишкек, Кыргызстан
Тема:
Парламенттик шайлоодон кийинки окуялар (464)
Тема боюнча
Бишкек: стадиондун жанына ИИМдин атайын техникасы топтолуп жатат. Сүрөт
Бишкектеги миңдеген адам катышкан митингдин асмандан көрүнүшү
Бишкекте көпчүлүк соода борборлору менен дүкөндөр жабылды
Билим берүү жана илим министри Алмазбек Бейшеналиев Пакистандын Кыргызстандагы атайын жана ыйгарым укуктуу элчиси Сардар Азхар Тарик Ханды кабыл алды

Министр Пакистандын элчиси менен кара тизмеге кирген ЖОЖдорду талкуулады

25
(жаңыланган 18:17 29.10.2020)
Буга чейин Пакистан Кыргызстандын медициналык окуу жайларын кара тизмеге киргизгени айтылган. Тараптар дал ушул маселени талкуулашты.

БИШКЕК, 29-окт. — Sputnik. Билим берүү жана илим министри Алмазбек Бейшеналиев Пакистандын Кыргызстандагы атайын жана ыйгарым укуктуу элчиси Сардар Азхар Тарик Ханды кабыл алды. Бул тууралуу аталган министрликтин маалымат кызматы кабарлады.

Жолугушууда тараптар Пакистан Кыргызстандын медициналык окуу жайларын кара тизмеге киргизгени боюнча сүйлөшкөн.

"Кыргыз тарап өлкөдөгү медициналык окуу жайларды кара тизмеден чыгаруу маселесин чечүү жолдору боюнча Пакистандын КРдеги элчилигине расмий кат жолдоого милдеттенди. Пакистан тарап бул маселенин тез арада чечилишине жана КРде билим алган пакистандык студенттердин көбөйүшүнө кызыкдар экенин билдирди", — деп жазылат маалыматта.

Министр Бейшеналиев мындан ары министрлик тарабынан ЖОЖдорго эл аралык аккредитациялардан өтүү, чет элдик жарандарга көрсөтүлгөн кызматтардын сапатын жогорулатуу жана материалдык-техникалык, лабораториялык-клиникалык базаларды жакшыртуу сыяктуу бир катар талаптар коюла турганын айтты.

Буга чейин Пакистан Кыргызстандын медициналык окуу жайларын кара тизмеге киргизгени айтылган.

Болочок медиктерге 90 бюджеттик орун бөлүндү. Вирустун кесепетин эске алып.

Мындан сырткары, жолугушууда билим берүү жана илим тармагындагы өз ара кызматташуу дагы талкууланган.

25
Белгилер:
окуу жай, жолугушуу, элчи, министр, Пакистан, Кыргызстан
Тема боюнча
Пакистан Кыргызстандын медициналык окуу жайларын кара тизмеге киргизди. Себеби
Ооруканадагы бейтаптын бөлмөсү. Архив

Бишкекте коронавирусту дарылаган эки ооруканада бош орун жок

13
(жаңыланган 18:17 29.10.2020)
Жугуштуу илдеттер ооруканасынын жаңы салынган корпусу бейтаптарды кабыл ала баштаган. Аны эске алганда аталган ооруканада 90 орун бош.

БИШКЕК, 29-окт. — Sputnik. Бишкек шаарындагы ооруканаларда коронавируска кабылган бейтаптарды жаткыруу үчүн 181 бош орун бар. Бул тууралуу Саламаттык сактоо министрлигинин маалымат кызматы кабарлады.

Маалымат 29-октябрь күнү саат 16:00гө карата берилди.

  • Кыргыз-түрк "Достук" ооруканасы — 9;
  • Улуттук фтизиатрия борбору — 4;
  • Улуттук хирургия борбору — 5;
  • Улуттук госпиталь — 0;
  • Улуттук кардиология жана терапия борбору — 22;
  • №1 шаардык клиникалык ооруканасы — 13;
  • Республикалык жугуштуу илдеттер ооруканасы — 90;
  • Темир жол ооруканасы — 0;
  • Эне жана баланы коргоо улуттук борбору — 13;
  • Улуттук онкология жана гематология ооруканасы — 8;
  • №2 клиникалык төрөт үйү — 17.
13
Белгилер:
оорукана, орун, коронавирус, Бишкек
Тема:
Коронавируска байланыштуу Кыргызстандагы кырдаал
Тема боюнча
COVID Казакстанда күчөп, Өзбекстанда мизи кайта баштады. Коңшулардагы абал