Ала-Тоо аянтындагы митинг

Митингге карабай кезметин алмаштырып, башкы тууну кайтарган Ардак кароол. Видео

172
(жаңыланган 20:08 05.10.2020)
Нааразы болгондор шаардын чок ортосунда саат 11ден бери турат. Ал эми тууну кайтарган жоокерлер кызматын өтөөнү улантууда.

БИШКЕК, 5-окт. — Sputnik. Күбөлөр "Ала-Тоо" аянтындагы митингге карабай кезметин алмаштырган Ардак кароолду видеого тартып алып, аны Facebook тармагына жүктөшкөн.

Улуттук гвардиянын Ардак кароолу №1 пост болгон Кыргызстандын туусун кайтарат.

Бейрасмий маалыматтар боюнча, митингчилердин саны үч миңден төрт миңге чейин деп болжолдонууда.

Партия лидерлери бийликтен шайлоонун жыйынтыгын жокко чыгарууну талап кылып жатышат. Милиция азырынча митингчилерге тоскоолдук жараткан жок, бирок Дөлөн Өмүрзаков атындагы стадиондун жанына атайын техника тартылганы айтылды

Парламенттик шайлоо 4-октябрь күнү өттү.

172
Белгилер:
Бишкек, акция, кезмет, ардактуу күзөт аскерлери, митинг, шайлоо
Тема:
Парламенттик шайлоодон кийинки окуялар (463)
Тема боюнча
Бишкекте көпчүлүк соода борборлору менен дүкөндөр жабылды
ИИМ митингчилерди тарап кетүүгө чакырып, эскертүү берди
Телефондун жарыгын бир учурда күйгүзгөн "Ала-Тоодогу" митингчилердин сүрөтү
Бишкектеги миңдеген адам катышкан митингдин асмандан көрүнүшү
Эндокринолог Айпери Биримкулова

Биримкулова: организмде йод ашыкча болсо оору алып келет

9
(жаңыланган 18:42 25.10.2020)
Эндокринолог Айпери Биримкулова калкан безинин салмагы 15-20 грамм болгону менен адам организми үчүн өтө маанилүү функцияны аткарарын айтты.
Биримкулова: организмде йод ашыкча болсо оору алып келет

Йод жетишсиз болгондо богок оорусу пайда болот, бирок анын ашыкчасы да дартты чакырат. Бул тууралуу Айпери Биримкулова Sputnik Кыргызстан радиосунун эфиринде маек куруп жатып билдирди.

Анын айтымында, деңиз азыктарында жана балык этинин курамында йод көп.

"Кыргызстан тоолуу өлкө болгондуктан климатыбызга жараша йод жетишсиздиги көп байкалат. Андыктан тамак-ашка йоддолгон тузду колдонуу керек. Бирок йод ашыкча болгон учурда да адам ар түрдүү ооруларга чалдыгат. Мындай учурда кишинин чачы түшүп, ачуусу бат келип, депрессияга кабылып, өзүн чарчаңкы сезип, ал тургай колдору титиреп, жүрөгү катуу согуп, көзү чанагынан чыгып кетейин деп чоңоюп кетиши мүмкүн. Бул учурда, өкүнүчтүүсү, көпчүлүк бейтаптар башка органдарын текшертип же психологдун жардамын күтүп жүрө беришет", — деди Биримкулова.

Ал оорунун жогорудагыдай белгилери байкалган учурда алгач эндокринологдорго кайрылып, гормондорун текшертип алышы зарылдыгын кошумчалады.

9
Белгилер:
Айпери Биримкулова, йод, ден соолук
Тема боюнча
Турсункулова: Кыргызстанда 617 000 адам кант диабети менен жабыркайт
Ветеринар Ашырбай Жусупов

Жусупов: мал кармаган короону жылына эки жолу дезинфекциялаш керек

6
(жаңыланган 18:21 25.10.2020)
Ветеринар Ашырбай Жусупов малды убак-сааты менен бастырып, тиешелүү гигиеналык талаптарды сактоо зарылдыгын айтты.
Жусупов: мал кармаган короону жылына эки жолу дезинфекциялаш керек

Мал чарбалары кышка карата комплекстүү даярданышы керек. Бул тууралуу Ашырбай Жусупов Sputnik Кыргызстан радиосуна маек куруп жатып билдирди.

Анын айтымында, оорулардын жайылып кетүү коркунучун алдын алуу максатында малдын түрүнө жараша бөлөк-бөлөк багылуусу керек.

Дене ууланат. Малдан адамга жуккан күйдүргүдөн кантип сактануу керек

"Мал күзүндө жайлоодон эттүү келет. Ушул кезде дайымкы профилактикалык иш-чараларды жүргүзүү зарыл. Башкача айтканда, семиз малга эмдөө жасалса эффективдүүлүгү жогорураак. Учурда ветеринария кызматы тарабынан тогуз ылаңга каршы акысыз вакцина сайылат. Андан тышкары, малдын тоюту салына турган акырды, суу иче турган ноосун, деги эле короону жазда жана күздө дезинфекциялоо шарт. Себеби илдеттер көбүнчө малдын жаткан жеринен жугат. Анан албетте комплекстүү тоют даярдалат. Тоют ар түрдүү жана витаминдүү болсо, семиз мал ооруга көп чалдыкпайт", — деди Жусупов.

Адис фермер түзүүдө алгач аталган багытта тиешелүү адабияттарды окуп, керектүү маалыматтарга ээ болуу менен мал багууну сапаттуу деңгээлге чыгарса болорун кошумчалады.

6
Белгилер:
тоют, ветеринария, мал, Ашырбай Жусупов
Тема боюнча
Саткынов: мал күзгү эмдөөдөн өтүп жатат