Студенттер сабак учурунда. Архив

Мугалимдикке окуган студенттердин стипендиясы 100%га көтөрүлдү

109
(жаңыланган 09:04 06.10.2020)
ЖОЖдордо мурда айына 800 сом алып окугандар эми 1 600 сом алышат. Ал эми орто кесиптик билим берүү мекемелеринде окуган студенттердин колуна эми 720 сомдун ордуна 1 440 сомдон тиет.

БИШКЕК, 6-окт. — Sputnik. Кыргызстанда педагогикалык адистикте окуган студенттердин стипендиясынын өлчөмү 100 пайызга көтөрүлдү. Бул тууралуу Билим берүү жана илим министрлигинин маалымат кызматынан билдиришти.

"Стипендиянын көбөйүшү мектеп бүтүрүүчүлөрүнө орто жана жогорку кесиптик билим берүүчү окуу жайлардын педагогикалык адистиктерине тапшырууга стимул берет", — деп айтылат билдирүүдө.

Бишкекте интернатта чоңойгон кыздар үчүн "Жаштар үйү" ачылды

ЖОЖдордо мурда айына 800 сом алып окугандар эми 1 600 сом алышат. Ал эми орто кесиптик билим берүүчү мекемелеринде окуган студенттердин колуна эми 720 сомдун ордуна 1 440 сомдон тиет.

Стипендияны 100 пайызга көбөйтүүгө 2020-жылдын төрт айына 10 миллион 817 миң сом кетери кошумчаланды. Тиешелүү акча каражаты Билим берүү жана илим министрлигинин бюджетинде каралган.

109
Белгилер:
стипендия, студенттер, Кыргызстан
Тема боюнча
Венгрия: кыргызстандык студенттерге бекер окуу шарты түзүлдү
Ооруканадагы палата. Архивдик сүрөт

Коронавирус менен ооруган бейтаптарды кабыл алган ооруканалар. Тизме

4
Учурда коронавирус жуктургандардын саны өсүүдө. Мындан улам бейтаптарды кабыл алуу үчүн кошумча орундар ачылганы маалым болду.

БИШКЕК, 20-окт. — Sputnik. Борбор калаада COVID-19га кабылган бейтаптарды 11 стационар кабыл алууда. Бул тууралуу Республикалык штабдан кабарлашты.

Ага ылайык, учурда коронавирус жуктургандардын саны өсүүдө. Мындан улам бейтаптарды кабыл алуу үчүн кошумча орундар ачылды.

COVID-19 менен ооругандарды кабыл алып жаткан ооруканалар:

  • Республикалык клиникалык жугуштуу илдеттер ооруканасы;
  • Кыргыз-түрк "Достук" ооруканасы;
  • №1 шаардык клиникалык оорукана;
  • Улуттук госпиталь;
  • Улуттук фтизиатрия борбору;
  • Эне жана баланы коргоо улуттук борбору;
  • Улуттук онкология жана гематология ооруканасы;
  • Улуттук хирургия борбору;
  • Улуттук кардиология жана терапия борбору;
  • Темир жол ооруканасы;
  • №2 клиникалык төрөт үйү.

Кайсы аймакта коронавирустан көп киши каза болду? Статистика

Аталган ооруканаларда жалпысынан 561 орун даярдалган. Бирок кайсы медициналык мекемеде канча бош орун бар экенин министрликтин картасына (map.covid.kg) кирип карап алуу зарыл.

4
Белгилер:
тизме, оорукана, коронавирус, Бишкек
Тема:
Коронавируска байланыштуу Кыргызстандагы кырдаал
Тема боюнча
Министрлик коронавирусту дарылаган стационарлардын картасын жарыялады
Коронавируста бөйрөк оорусу өлүм коркунучун эки эсеге жогорулатат
Өткөн суткада 482 киши коронавирус жуктуруп, 127 бейтап айыкты
Ноутбукта иштеп жаткан аял. Архив

Россияда аралыктан иштесе да эң көп маяна төлөнө турчу кесиптер аталды

14
Веб-дизайнер жана программисттер үйүнөн отуруп иштесе да кеминде 100 миң рубль алары аныкталган.

БИШКЕК, 20-окт. — Sputnik. Россияда аралыктан иштөөгө ылайыкталган кесиптердин ичинен 1С боюнча программист-аналитиктер эң көп маяна алары белгилүү болду. Мындай кесиптин ээлери айына 270 миң рублге чейин табышат. Бул тууралуу РИА Новости Работа.ру порталынын иликтөөсүнө таянуу менен жазды.

Аталган суммадагы эмгек акы иш тажрыйбасы төрт жылдан кем эмес, маалыматтар базасын башкаруу системасы менен иштей алган, 1С конфигурациясынын жок дегенде бир түрүн билген кызматкерге төлөнөт.

Ал эми сырткы-экономикалык ишмердүүлүк боюнча долбоорлордо иштеген менеджерлерге 200 миң рублдан жогору сунушталат. Бул үчүн тажрыйбасы беш жылдан жогору, сүйлөшүүлөрдү жүргүзүү үчүн чет тилди билүүсү шарт.

Сберавто компаниясы Backend иштеп чыгуучуларга үйдө отуруп иштесе да айына 180 миң рубль маяна берет. Жумушка аларда үч жылдан кем эмес тажрыйбасына, Golang программалоо тилин билгенине жана Docker, Kubernetes программаларын колдоно аларына маани берет.

Forbes Конор Макгрегордун жылдык кирешесин жарыялады

Эки жылдык тажрыйбасы бар HTML5 жана CSS3 системасын билген Html-макет дизайнери (Senior) айына 140 миң рубль таба алат.

Ошондой эле веб-дизайн жасоону үйрөтүү курсунда иштеген мугалимдерге 100 миң рубль төлөп беришет.

14
Белгилер:
жумуш, программа, Россия, маяна
Тема боюнча
Россиялыктар 64 млн. рубль маянага дем алышсыз иштөөгө даяр
Жумушсуз жүргөндөр министрликтин сайтына катталып, иш тапса болот