Мэрия: Бишкекте 2-6-класстар үчүн окуу процесси белгисиз убакытка жылды
(жаңыланган 05:44 06.10.2020)
Айрым ЖМКлар вице-мэр Виктория Мозгачеванын айтымына таянып, 6-октябрда окуу процесси жанданарын кабарлаган. БИШКЕК, 6-окт. — Sputnik. Бишкек шаарында 2-6-класстар үчүн окуу процесси белгисиз убакытка жылдырылды. Бул тууралуу мэриянын маалымат кызматы кабарлады.
Буга чейин Бишкек шаардык мамлекеттик санитардык көзөмөлдөө борборунун директорунун орун басары Мира Курманова калаадагы мектептер 6-октябрдан баштап 2-6-класстарды кабыл албай турганын айткан.
Бирок айрым ЖМКлар вице-мэр Виктория Мозгачеванын айтымына таянып, 6-октябрда окуу процесси жанданарын кабарлаган.
Мэрия медиктердин сунушу эске алынып, 6-октябрдан баштап 2-6-класстар окубай турганын маалымдады.
"Окуу процесси белгисиз мөөнөткө жылдырылды. Окуучулар ага чейин аралыктан билим алышат. Калаадагы эпидемиологиялык абалга көз салып турабыз", — деп айтылат билдирмеде.
Бишкек шаардык мамлекеттик санитардык көзөмөлдөө борборунун директорунун орун басары Мира Курманова 1-класстар мектепте окуусун уланта турганын айткан.
Боронов: мектептин ичи муздак болсо, жылытылганга чейин окуучулар киргизилбейт
6-октябрдан тарта Кыргызстандын башка аймактарында эпидемиологиялык абалга карабай, 2-6-класстын окуучулары мектепте окуй баштаарын Билим берүү жана илим министрлигинин маалымат кызматы кабарлаган.
Эске салсак, 6-октябрдан тарта 2-класстан 6-класска чейинки окуучулар жалпы билим берүү мекемелеринде салттуу түрдө окуй баштаары айтылган.
Белгилер:
Шаршембиге карата аба ырайы
Абанын температурасы жогорулаганына жана күтүлүп жаткан жаан-чачынга байланыштуу республиканын тоолуу райондорунда кар көчкү түшүү коркунучу бар.
БИШКЕК, 13-апр. — Sputnik. Шаршембиде күндүз өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.
Абанын температурасы Чүй облусунда +19…+24, Талас жергесинде +18…+23, Ош, Жалал-Абад, Баткен аймактарында +20…+25, Ысык-Көл, Нарын өрөөндөрүндө +14…+19 градус жылуу болот.
Бишкек жана Ош шаарларында жаан-чачын болбойт. Күндүн табы борбордо +19…+24, Ош шаарында +23…+25 градус болору болжолдонду.
Белгилер:
Министрлик: Абхазиянын номери тагылган унааларды мамлекет алып коюшу мүмкүн
(жаңыланган 20:04 13.04.2021)
Кыргызстандын аймагына Абхазиянын номери тагылган унааларды алып кирүү жана эксплуатацияга берүү ЕАЭБдин бажы нормалары боюнча мыйзамдарын бузууга жатат.БИШКЕК, 13-апр. — Sputnik. Абхазиянын номери тагылган унаалар бажы көзөмөл аймагындагы убактылуу сактоочу кампага киргизилет. Бул тууралуу Экономика жана финансы министрлигинен кабарлашты.
Ведомстводон билдиришкендей, Кыргызстандын аймагына Абхазиянын номери тагылган унааларды алып кирүү жана эксплуатацияга берүү мыйзам бузууга жатат.
"Чет элдик жарандар ЕАЭБдин аймагына үчүнчү өлкөлөрдүн жеке колдонуусу үчүн унаасын ала келсе болот. Бирок андай машинаны КРдин аймагында колдонууга бир жыл гана убакыт берилет", — дешти министрликтен.
Киргизилген унааларды ЕАЭБдин аймагында үчүнчү тараптарга сатууга жол берилбейт. Декларант анын атына жазылган унааны өзү гана айдашы керек.
Эске салсак, буга чейин Кыргызстандын аймагынан бажычылар Жол кыймылы коопсуздугун камсыздоо башкы башкармалыгынын инспекторлору менен биргеликте Абхазиянын номерлерин тагып жүргөн 10 автоунааны кармаган.