Бишкек шаарындагы абал

Мэрликти талашкандар жана мародерлор. Өткөн түндөгү 6 окуя

350
(жаңыланган 10:53 07.10.2020)
7-октябрга караган түнү Бишкек жана Ош шаары "уктаган" жок. Бир четинен эки калааны жетектеп калгысы келгендер орун талашса, экинчи жагынан абалдан пайдаланып кафе жана дүкөндөрдү тоногусу келгендер чыкты.

БИШКЕК, 7-окт. — Sputnik. Өтүп кеткен түн дагы окуяларга бай болду. Алар тууралуу кыска-нуска бир материал менен айтып берели.

1. Саат 20.00гө жакын Жогорку Кеңештин депутаттары Садыр Жапаровду жаңы премьер-министр кылып дайындашты. Ал юридикалык жактан өкмөт башына келе алар-албасын азырынча так айта албайбыз. Баса, мурдагы премьер Кубатбек Боронов ушул эле кечте отставкага кетти.

2. Мындан тышкары, өлкөнүн экинчи адамы, тарыгаагы, парламентке жаңы спикер шайланды. Буга чейинки төрага Дастан Жумабеков отставкага кетип, ордуна "Бир Бол" фракциясынан депутат Мыктыбек Абдылдаев келди.

3. Ал ортодо Ош шаарында дагы көп кызыктар болду. Алгач депутат Дүйшөн Төрөкулов өзүн бул шаардын башчысымын деп жарыялай койду. Бирок бул чечим менен мурдагы мэр Мелис Мырзакматовдун тарапташтары макул болгон жок. Көп өтпөй Мырзакматов өзү Кыргызстанга келип, учактан түшүп жаткан видеосу социалдык тармакка жарыяланды.

4. Саат 23.00гө чукул белгисиз адамдар Финансы полициясынын имаратын басып алууга аракет кылды. Бирок ведомствонун кызматкерлери ага жол берген жок.

5. Борбор калааны башкаргысы келгендер дагы көп экени түндө билинди. Кечээ эртең менен өзүн жаңы мэр катары көрсөтө койгон Жоошбек Коеналиев четтеп, ордуна Координациялык кеңеш убактылуу мэр катары Мирлан Бакетаевди бекитти.

6. Эң жагымсыз көрүнүш Бишкектин көчөлөрүндө болду. Белгисиз топтор дүкөн, кафелерди тоноого аракет кылышты. Мисалы, "Нават" кафесине, Vefa соода борборуна мародерлук кылгысы келгендер болду. Ал тургай "Ала-Арча" мамлекеттик резиденциясын көздөй бет алгандар болду. Бактыга жараша, өз ыктыяры менен чогулган элдик кошуун алардын жолун тороп калышты. Ошондой эле алар шаардын көп жерлеринде тынчтык жана тартипти камсыздап беришти.

350
Белгилер:
митинг, Ош, Бишкек
Тема:
Парламенттик шайлоодон кийинки окуялар (461)
Тема боюнча
Бишкекте топтошкон балдар кафени талкалоого аракет кылышты. Видео
Элдик толкундоодон кийинки экинчи күн. Өлкөдө азыр эмне болуп жатат. Видео, сүрөт
Кыз парктта кол чатыр менен бара жатат. Архив

Жумага карата аба ырайы

64
23-октябрга караган түнү кээ бир өрөөндөрдө жана тоо этектеринде жаан, тоолуу райондордо кар жаашы күтүлөт.

БИШКЕК, 22-окт. — Sputnik. Жума күнү, 23-октябрда, көпчүлүк аймактарда жаан жаап, тоо этектеринде жана тоолуу райондорго кар түшөт. Бул тууралуу Кыргызгидромет билдирди.

Маалыматка ылайык, Чүй, Талас өрөөндөрүндө, Ысык-Көл, Нарын облустарынын дыйканчылык аймактарында жаан карга айланышы мүмкүн. Ысык-Көл облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда жаан-чачын катуу жаашы күтүлөт.

Абанын температурасы Чүй өрөөнүндө +3…+8 градус, Таласта +2…+7 градус, Ош, Жалал-Абад, Баткен облустарында +5…+10 градус, Ысык-Көл жана Нарын аймактарында 0…+5 градус болору айтылды.

Бишкек жана Ош шаарларында мезгил-мезгили менен жамгыр жаап, борбор калаада карга айланышы ыктымал. Күндүн табы Бишкекте +6…+8 градус, Ош шаарында +13…+15 градуска чейин жетет.

Мындай туруксуз аба ырайы жайыттарда малды кармоону, автоунаа, энергетика жана коммуналдык кызматтардын ишин кыйындатат.

64
Белгилер:
Кыргызстан, октябрь, аба ырайы
Тема боюнча
Жалал-Абад облусунун аймагында кайрадан жер титиреди
Митингтен кийин ак үйдүн абалы. Архив

Депутат: Ак үйдү калыбына келтирүүгө 400 млн. сом керек

160
(жаңыланган 18:34 22.10.2020)
Эске салсак, 6-октябрга караган түнү митингге чыккан эл Ак үйдү басып алган. Эртең менен имараттын үстүңкү кабаты алоолонуп өрттөнгөн.

БИШКЕК, 22-окт. — Sputnik. Жогорку Кеңештин имаратын калыбына келтирүү үчүн 400 миллион сомго жакын каражат керек. Бул тууралуу парламенттин бюджет жана финансы комитетинин мүчөсү Акылбек Жапаров билдирди.

Анын айтымында, 2010-жылдагы окуялардан кийин Ак үйдүн ремонтуна 380 миллион сом сарпталган, бирок андан бери баалар өсүп кетти.

Капталы жалбырттап, чатырынан түтүн уюлгуп. Ак үйдөн чыккан өрттүн видеосу

Эске салсак, 6-октябрга караган түнү митингге чыккан эл Ак үйдү басып алган. Эртең менен эрте имараттын чыгыш тарабынан өрт чыккан.

Белгилей кетсек, ЖКнын имаратында парламент, президенттин аппараты жана президент өзү иштейт.

160
Белгилер:
оңдоо, имарат, Ак үй
Тема боюнча
Башаламандыктан кийинки Ак үйдүн 7-кабаты. Видео
Россия президенти Владимир Путин

Владимир Путин алгачкы жолу Кыргызстандагы абал тууралуу пикирин айтты

221
(жаңыланган 00:27 23.10.2020)
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууну айтып келем. Бул өлкөлөрдөгү суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл ич ара мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз. Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

221
Белгилер:
пикир, Владимир Путин, Россия, Кыргызстан
Тема боюнча
Путин Коопсуздук кеңеши менен Кыргызстандагы кырдаалды талкуулады