Ички иштер министринин милдетин аткаруучу жана Бишкек шаарынын коменданты Курсан Асанов массалык башаламандык учурунда жарадар болгон кызматкерлердин акыбалын көрдү

Курсан Асанов митингде жаракат алган кызматкерлерге барды. Сүрөт

204
(жаңыланган 14:30 08.10.2020)
Учурда ИИМдин бейтапканасында 52, ал эми башка ооруканаларда укук коргоо органдарынын 38 кызматкери жатат. Андан сырткары амбулатордук түрдө жардам алгандар бар.

БИШКЕК, 8-окт. — Sputnik. Ички иштер министринин милдетин аткаруучу жана Бишкек шаарынын коменданты Курсан Асанов массалык башаламандык учурунда жарадар болгон кызматкерлердин акыбалын көрдү. Бул тууралуу ИИМдин маалымат кызматы кабарлады.

  • И.о. главы МВД Курсан Асанов посетил милиционеров в ведомственном госпитале, раненных во время беспорядков в столице
    Ички иштер министринин милдетин аткаруучу жана Бишкек шаарынын коменданты Курсан Асанов массалык башаламандык учурунда жарадар болгон кызматкерлердин акыбалын көрдү
    © Фото / пресс-служба МВД
  • И.о. главы МВД Курсан Асанов посетил милиционеров в ведомственном госпитале, раненных во время беспорядков в столице
    Ага ылайык, бүгүн, 8-октябрда, Курсан Асанов 4-5-октябрдагы митингде жаракат алган кызматкерлерден кабар алган
    © Фото / пресс-служба МВД
  • И.о. главы МВД Курсан Асанов посетил милиционеров в ведомственном госпитале, раненных во время беспорядков в столице
    Алгач министрликтин бейтапканасына баш баккан
    © Фото / пресс-служба МВД
  • И.о. главы МВД Курсан Асанов посетил милиционеров в ведомственном госпитале, раненных во время беспорядков в столице
    Дарыгер Асанов менен сүйлөшүп жатып, башаламандыкта жаракат алгандардын өмүрүнө жана ден соолугуна коркунуч жок экенин айткан.
    © Фото / пресс-служба МВД
1 / 4
© Фото / пресс-служба МВД
Ички иштер министринин милдетин аткаруучу жана Бишкек шаарынын коменданты Курсан Асанов массалык башаламандык учурунда жарадар болгон кызматкерлердин акыбалын көрдү

Ага ылайык, бүгүн, 8-октябрда, Курсан Асанов 4-5-октябрдагы митингде жаракат алган кызматкерлерден кабар алган. Алгач министрликтин бейтапканасына баш баккан.

Курсан Асановдун издөө жарыяланган уулу Кыргызстанга кайтты

"Министрдин милдетин аткаруучу кызматкерлердин ар бири менен сүйлөшүп, мекеме тарабынан керектүү жардам берилерин айтты. Ошондой эле коомдук тартипти жана жарандардын коопсуздугун камсыздоо боюнча милдеттерин аткаруу үчүн тез арада сакайып, жолдошторунун катарына кошулушуна тилектеш экендигин билдирди", — деп айтылат маалыматта.

Дарыгер Асанов менен сүйлөшүп жатып, башаламандыкта жаракат алгандардын өмүрүнө жана ден соолугуна коркунуч жок экенин айткан.

Андан соң Курсан Асанов Травматология жана ортопедия илим изилдөө борборунда жаткан кызматкерлердин ден соолугун сурап барган. Сөөк дарыгери Сабырбек Жумабеков жана Саламаттык сактоо министрлигинин статс-катчысы Калыс Шадыханов аларга ар тараптуу жардам көрсөтүлө тургандыгын билдиришкен.

Учурда ИИМдин бейтапканасында 52, ал эми башка ооруканаларда укук коргоо органдарынын 38 кызматкери жатат. Андан сырткары, амбулатордук түрдө жардам алгандар да бар.

204
Белгилер:
митинг, оорукана, жаракат, кызматкер, Курсан Асанов, ИИМ
Тема:
Парламенттик шайлоодон кийинки окуялар (464)
Тема боюнча
ИИМ: митингге чыккандарды атайын каражаттар менен таркатууга аргасыз болдук
Жаза аткаруу боюнча мамлекеттик кызматтын кызматкери иш учурунда. Архив

Укук коргоочулар: түрмөдө COVID жуктургандар көп. Ага ЖАМКтын жообу

61
(жаңыланган 01:00 29.10.2020)
Укук коргоочулардын айтымына караганда, ЖАМКтын жабык мекемелеринде коронавирус инфекциясын жуктуруп алган учурлар көп кездешүүдө.

БИШКЕК, 28-окт. — Sputnik. Жаза аткаруу мамлекеттик кызматы эркинен ажырагандар отурган абактарда коронавирус инфекциясы көбөйүп кеткени боюнча билдирүү туура эмес деген маалымат таратты.

Буга чейин бир топ укук коргоочулар — Акыйкатчы институту, Кыйноолордун алдын алуу боюнча улуттук борбор "Бир дүйнө — Кыргызстан" укук коргоо уюмунун тартылган эксперттери менен чыгарган маалымат таратылган. Алар абактарда, психиатриялык ооруканаларда, балдар үйүндө коронавирус боюнча жүргүзүлгөн иликтөөнүн жыйынтыгын жарыялашкан.

Алар Жаза аткаруу мамлекеттик кызматтын (ЖАМК) жабык мекемелеринде COVID-19ду жуктуруп алган көп учурлар бар, ал эми айып салып кармап турган өзүнчө жайларда отургандар үчүн шарттар түзүлгөн эмес дешкен.

Садыр Жапаров: абакта жатканда коронавирус менен ооруп айыктым

"COVID-19 башталгандан тарта ЖАМКта коронавирустун тарап кетишине жол бербөө, аны алдын алуу боюнча иштер жүргүзүлүп келет. Андан сырткары, профилактикалык жана эпидемияга каршы тиешелүү аракеттер көрүлүп турат", — дешкен аталган ведомстводон.

ДССУнун, Саламаттык сактоо министрлигинин сунуштамаларын жана кылмыш-аткаруу системасынын өзгөчөлүгүн эске алып, эл аралык Кызыл жарым ай коомунун көмөгү менен ЖАМКтын медициналык кызматы атайын алгоритмдерди иштеп чыккан.

Алар COVID-19ду профилактикалоо жана аталган инфекцияга чалдыгышы мүмкүн деген адамдарды табуу боюнча түзүлгөн.

"Соттук-медициналык экспертизанын бүтүмүнө ылайык, пневмония илдетинен ЖАМКтан төрт киши, ал эми COVID-19дан эки киши каза тапты. Былтыркы жылы ушундай мезгил ичинде пневмониядан үч киши көз жумган", — деп айтышты ЖАМКтан.

Мамлекеттик кызматтан Жазык-аткаруу кодексине ылайык, айып изоляторунда кармалып тургандарга төшөнчү, шейшептер уктаган учурда гана берилет деп кошумчалашкан.

Ведомстводон тартип коргоочулар ЖАМК мекемелериндеги абалды туруксуздаштыруу максатында жасалма нерселерди түзүп жатат деп айтышкан.

61
Белгилер:
билдирүү, укук коргоочу, жугуу, коронавирус, түрмө, ЖАМК, Кыргызстан
Тема:
Кыргызстандагы коронавирус жуктуруп алгандар
Тема боюнча
COVID-19 дагы эки кишинин өмүрүн алып кетти
Шаардык парк

Бейшембиге карата аба ырайы

48
Бейшембиге караган түнү өлкөнүн көпчүлүк райондорунда жамгыр, тоо этектеринде жана тоолуу аймактарында кар жаайт.

БИШКЕК, 28-окт. — Sputnik. Бейшемби күнү, 29-октябрда, күндүз республиканын айрым аймактарында жамгыр, тоо этектеринде жана тоолуу райондорунда кар жаайт. Бул тууралуу Кыргызгидромет билдирди.

Чүй менен Талас облусунун өрөөндөрүндө жаан карга айланат. Түнкүсүн жана эртең менен кээ бир райондордо туман түшүшү мүмкүн.

Батыштан соккон шамалдын ылдамдыгы секундасына 4-9 метрден Ысык-Көл, Нарын жергесинде 15-20 метрге жетет.

Бишкекте абаны булгаган автоунааларды аныктоо үчүн рейд жүрүүдө. Видео

Абанын температурасы Чүйдө +4...+9, Талас менен Ысык-Көл аймагында +3...+8, Ош, Жалал-Абад жана Баткен облустарында +9...+14 жана Нарында +1...+6 градус болору айтылды.

Абанын температурасы Бишкекте +7...+9 жана Ош шаарында +12...+14 градусту көрсөтөт.

48
Белгилер:
Кыргызстан, октябрь, аба ырайы
Тема боюнча
Адаттагыдан суук болот. Ноябрга карата аба ырайы
ӨКМ кызматкерлери. Архив

Токмоктун базарында чыккан өрттү толугу менен өчүрүштү

0
(жаңыланган 00:22 29.10.2020)
Токмоктун базарындагы дүкөндөн чыккан жалынды өрт өчүрүүчүлөр болжол менен эки сааттан ашык алышып жатып өчүрүшкөн.

БИШКЕК, 29-окт. — Sputnik. Токмоктогу "Булак" базарынын аймагында эт саткан дүкөндөн чыккан өрттү үч бригада өчүрдү. Бул тууралуу ӨКМдин маалымат кызматынан кабарлашты.

"Тилсиз жоо алгач чектөөгө алынып, андан кийин толугу менен саат 23:29да өчүрүлдү", — деп билдирди маалымат кызматы.

Эске салсак, ӨКМге Токмок шаарынын базарындагы дүкөндөрдүн биринен чыккан тилсиз жоо тууралуу маалымат 19:12де түшүп, ал жерге үч бригада жөнөп кеткени кабарланган.

Министрликтен кырсыктан жабыркагандар жок экендигин айтышты. Өрттүн жалпы аянты болжол менен 600 чарчы метрге жеткен. 

0
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү