Ооруканадагы дарыгер. Архив

Жакындардан ажыраган күндөр унутулду! Штабдын эмоционалдуу билдирүүсү

258
(жаңыланган 13:29 10.10.2020)
Республикалык штаб жарандардан ооруну алдын алуу үчүн бет кап тагынуу, аралыкты сактоо сыяктуу бардык санитардык эрежелерди карманууга чакырат.

БИШКЕК, 10-окт. — Sputnik. Коронавируска каршы күрөшүү боюнча Республикалык штаб учурдагы абал тууралуу эмоционалдуу билдирүү таратты.

Анда Кыргызстанда өткөн сутка коронавирустан беш адам каза болуп, 307 киши жаңы жуктуруп алганы айтылат.

"Бул акыркы айлардагы жаңы рекорд болду дегенди түшүндүрөт. Сандар COVID-19 вирусунун жаңы толкунуна бара жатканыбызды билдирет", — деп айтылат маалыматта.

Ошондой эле эки-үч ай мурун коронавирус көптөгөн кыргызстандыктарды жакынынан ажыратканын элдин эсине салышты.

"Калың эл кайгырып, ыйлап, өкмөткө, Саламаттык сактоо министрлигине, аткаминерлерге, айрым учурда медиктерге наалат айтып жатышты... Көп кишиде илдет оор формада өттү, көбү азыркы тапка чейин коронавирустун кесепети менен күрөшүп жатат. Тилекке каршы, санитардык эрежелерди сактоо керек деген чакырыктарды жарандар көз жаздымда калтырып жатышат. Көпчүлүк жакындарын жоготконун, медиктерге бул жаман вирус менен күрөшүү кыйын болгонун унутуп коюшту", — деп жазылат билдирүүдө.

Республикалык штаб жарандардан ооруну алдын алуу үчүн бет кап тагынуу, аралыкты сактоо сыяктуу бардык санитардык эрежелерди карманууга чакырат.

258
Белгилер:
кайрылуу, коронавирус, Кыргызстан
Тема:
Коронавируска байланыштуу Кыргызстандагы кырдаал (2328)
Тема боюнча
Кыргызстандагы коронавирус боюнча жаңы статистика
Ресторан. Архив

Министр: той-аштарга чектөө кайра күчөтүлүшү мүмкүн

23
(жаңыланган 12:35 26.10.2020)
Министр оору жуктургандардын саны күндөн-күнгө өсө баштаганын айтты. Өткөн суткада Кыргызстанда коронавирус 420 кишиден аныкталып, жуктургандардын жалпы саны 56 170ке жетти.

БИШКЕК, 26-окт. — Sputnik. Той-аштарга киргизилген чектөөнү күчөтүш керек. Бул тууралуу саламаттык сактоо министри Алымкадыр Бейшеналиев маалымат жыйын учурунда билдирди.

Анын айтымында, коронавирус жуктургандардын саны күндөн-күнгө өсө баштады.

"Саламаттык сактоо министрлиги тойлорду, массалык иш-чараларды токтотуу боюнча өкмөткө сунуш киргизип жатат. Министрлик чектөө киргизүүдө өз алдынча токтом кабыл ала албайт. Бүгүн бул маселени биринчи вице-премьер менен дагы талкуулайбыз. Эгер алар сунушубузду кабыл алса, анда той-аштарга чектөө мурдагыдан да күчөйт. Билсеңиздер, тойлорго чектөө коюлган токтом мурда эле чыккан. Бирок аны аткарган адам жок, ошону күчөтүү зарыл", — деди министр.

Өткөн суткада 420 киши коронавирус жуктурса, 227 бейтап айыкты

Өткөн суткада Кыргызстанда коронавирус 420 кишиден аныкталып, жуктургандардын жалпы саны 56 170ке жетти.

23
Белгилер:
министр, чектөө, той, коронавирус, Кыргызстан
Тема:
Коронавируска байланыштуу Кыргызстандагы кырдаал (2328)
Тема боюнча
COVID-19га кабылгандар кайсы ооруканага кайрыла алат? Бишкектеги бош орундар
COVID: Кызыл Ай коомунун Бишкектеги ыктыярчылар бригадасы ишке киришти
Бишкек шаарынын вице-мэри жана мэрдин милдетин аткаруучу Нариман Түлеев. Архив

Нариман Түлеев Бишкек мэринин милдетин аткаруучулукка кайтып келди

58
(жаңыланган 12:15 26.10.2020)
Бишкек шаардык кеңешинин КСДП, "Өнүгүү — Прогресс" жана "Республика — Ата-Журт" фракциялары өзүн-өзү мэр деп алгандарды колдобой турганы айтылат.

БИШКЕК, 26-окт. — Sputnik. Нариман Түлеев өзүнүн биринчи вице-мэр жана мэрдин милдетин аткаруучулуктан кетүү боюнча жазган арызын кайтарып алды. Бул тууралуу муниципалитеттин маалымат кызматынан бидиришти.

"Биз, Бишкек шаарынын мэриясы, учурда калаа жетекчисинин милдетин мыйзамдуу түрдө аткаруучу болуп вице-мэр Нариман Түлеев эсептелерин расмий билдиребиз. Аны 21-октябрь күнү отставкага кеткен мурдагы жетекчи Азиз Суракматов дайындаган", — деп айтылат билдирүүдө.

Маалыматка караганда, Бишкек шаардык кеңешинин КСДП, "Өнүгүү — Прогресс" жана "Республика — Ата-Журт" фракциялары өзүн-өзү мэр деп алгандарды тааныбайт.

Түлеев мэрияда кырдаал тынчыбаса кайра кызматка келип аларын эскертти

Ошондой эле шаар жетекчилигинен, мыйзамга ылайык, муниципалдык кызматкер арыз жазгандан тарта, эгер жетекчилиик ага кол кое элек болсо, үч күндүн ичинде чечимин өзгөртсө болорун кошумчалашты.

"Түлеевди кызматтан бошотуу боюнча чечим бүгүнкү күндө жок. Андыктан ал юридикалык жактан дагы, факты түрүндө дагы биринчи вице-мэр боюнча калат", — деп айтылат маалыматта.

Эске салсак, 21-октябрда Бишкек шаардык мэриясынын алдына Түлеевдин калаа башчысынын милдетин аткаруучу болуп дайындалышын мыйзамсыз деп эсептегендер митингге чыгып, анын тарапташтары менен чатакташа кеткен.

Анын эртеси Наримин Түлеев мэрдин милдетин аткаруудан да, вице-мэрликтен да баш тартып арыз жазган.

58
Белгилер:
арыз, Бишкек мэриясы, Бишкек, Нариман Түлеев
Тема боюнча
Бишкектин вице-мэри Абдылдаев Финполго сурак берди. Себеби