Базарда сатылып аткан азык-түлүк. Архивдик сүрөт

Тез арыктайм дегендерге үч азык сунушталды

Адистер айрым жашылчалар кишини ток кармап, башка калориялуу тамактарга табитти тарттырбай турганын айтып, бөтөнчө салмак таштайм дегендерге колдонууну сунуштаган.

БИШКЕК, 11-окт. — Sputnik. Ашыкча салмактан арылам дегендер үч азыкты жеши керектигин РИА Новости диетологдорго таянуу менен жазды. https://ria.ru/20201011/pokhudenie-1579247774.html

Адистердин айтымында, күнүмдүк рациондо бадыраң болушу керек. Бул жашылча сууга жана тамак-аш талчасына бай болгондуктан курсак ачырбайт. Калориясы дагы аз, андыктан майларды кетирүүгө жардам берет.

Майды булчуңга "айландырган" азыктар аталды. Тизме

Ошондой эле азыктык баалуулугу жогору болгон брокколини жеш керек. Ал зат алмашууну жана кан айланууну тездетет. Ошондой эле андагы тамак-аш талчасы кишини ток кармап, майдын "эрип кетишине" жардам берет.

Арыктоо үчүн дагы бир пайдалуу азык — сулунун акшагы. Бул дагы тоюмдуу болгондуктан башка калориялуу тамактарды жеп салганга мүмкүнчүлүк бербейт. Сулу боткосу ичегилерди тазалоого жардам берип, адамды табигый жол менен арыктатары белгилүү.

Белгилер:
азык, арыктоо, диетолог
Тема боюнча
Чөнтөккө да күч келбейт, ден соолукка да пайдалуу. Диетолог 7 азыкты санады
Бишкек шаарындагы эмен багы. Архив

Шаршембиге карата аба ырайы

Абанын температурасы жогорулаганына жана күтүлүп жаткан жаан-чачынга байланыштуу республиканын тоолуу райондорунда кар көчкү түшүү коркунучу бар.

БИШКЕК, 13-апр. — Sputnik. Шаршембиде күндүз өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +19…+24, Талас жергесинде +18…+23, Ош, Жалал-Абад, Баткен аймактарында +20…+25, Ысык-Көл, Нарын өрөөндөрүндө +14…+19 градус жылуу болот.

Бишкек жана Ош шаарларында жаан-чачын болбойт. Күндүн табы борбордо +19…+24, Ош шаарында +23…+25 градус болору болжолдонду.

Белгилер:
Кыргызстан, аба ырайы
Тема боюнча
Кайра суук болбойбу? Бир жумага карата аба ырайы
Абхазиянын номери тагылган унаа. Архив

Министрлик: Абхазиянын номери тагылган унааларды мамлекет алып коюшу мүмкүн

(жаңыланган 20:04 13.04.2021)
Кыргызстандын аймагына Абхазиянын номери тагылган унааларды алып кирүү жана эксплуатацияга берүү ЕАЭБдин бажы нормалары боюнча мыйзамдарын бузууга жатат.

БИШКЕК, 13-апр. — Sputnik. Абхазиянын номери тагылган унаалар бажы көзөмөл аймагындагы убактылуу сактоочу кампага киргизилет. Бул тууралуу Экономика жана финансы министрлигинен кабарлашты.

Ведомстводон билдиришкендей, Кыргызстандын аймагына Абхазиянын номери тагылган унааларды алып кирүү жана эксплуатацияга берүү мыйзам бузууга жатат.

"Чет элдик жарандар ЕАЭБдин аймагына үчүнчү өлкөлөрдүн жеке колдонуусу үчүн унаасын ала келсе болот. Бирок андай машинаны КРдин аймагында колдонууга бир жыл гана убакыт берилет", — дешти министрликтен.

Киргизилген унааларды ЕАЭБдин аймагында үчүнчү тараптарга сатууга жол берилбейт. Декларант анын атына жазылган унааны өзү гана айдашы керек.

Эске салсак, буга чейин Кыргызстандын аймагынан бажычылар Жол кыймылы коопсуздугун камсыздоо башкы башкармалыгынын инспекторлору менен биргеликте Абхазиянын номерлерин тагып жүргөн 10 автоунааны кармаган.

Белгилер:
Евразиялык экономикалык биримдик, мыйзам бузуулар, унаа, Абхазия, Кыргызстан
Тема боюнча
Бишкекте Абхазиянын номери тагылган автоунаалар кармалууда
ЕАЭБ аймагында өзү өччү чылым пайдалануу сунушталып жатат