Милиция кызматкерлери. Архивдик сүрөт

Бишкекте өзгөчө абал узарабы? Комендант Орозалиев президентке сунуш киргизди

139
(жаңыланган 17:04 12.10.2020)
Жээнбеков учурда коомдогу тынчтык жана туруктуулук менен элдин турмушунун коопсуздугу башкы маселе экенин айткан.

БИШКЕК, 12-окт. — Sputnik. Президент Сооронбай Жээнбеков Куралдуу күчтөрдүн Башкы штабынын башчысы Таалайбек Өмүралиевди кабыл алып, өлкөдөгү коомдук-саясий кырдаалды мындан ары турукташтыруу, жарандардын саламаттыгы менен өмүрүнүн коопсуздугун камсыз кылуу боюнча чараларды талкуулады. Бул тууралуу мамлекет башчынын маалымат кызматынан кабарлашты.

Бишкекте өзгөчө абал режими токтошу мүмкүн. Жарлыктын мөөнөтү өтүп бара жатат

Ага Коопсуздук кеңешинин катчысынын орун басары Жаныбек Капаров жана ички иштер министринин орун басары, Бишкек шаарынын коменданты Алмазбек Орозалиев катышкан.

"Жээнбеков бүгүнкү күндө өлкөнүн күч органдарынын көңүл борборунда биринчи кезекте коомдогу тынчтык жана туруктуулук менен эл турмушунун коопсуздугу турушу керектигин баса белгиледи. Ошондой эле Коопсуздук кеңешинин катчылыгы менен күч органдарынын өз ара натыйжалуу иштешүүсүн камсыз кылуунун маанисине көңүл бурду", — деп айтылган маалыматта.

Бишкектин коменданты Орозалиев Бишкекте өзгөчө абал режимин узартуу маселесин кароону сунуш кылган.

"Орозалиев борбор калаада өзгөчө абал киргизилгенден тартып кылмыштуулук менен укук бузуулардын саны кескин кыскарганына токтолду. Ошол эле маалда Бишкек шаарынын тургундары тарабынан көптөгөн өтүнүчтөр айтылып жатканын билдирген комендант коомдук-саясий кырдаалды мындан ары турукташтыруу үчүн борбор шаарга өзгөчө абал режимин узартуу маселесин кароону сунуш кылды", — деп жазылат маалыматта.

Жээнбеков экс-президент Роза Отунбаева менен жолукту. Ортодо эмне кеп болду

Өмүралиев өзгөчө абал режиминин алкагында аскер кызматкерлери кызмат кылуусун, анын ичинде Бишкек шаарынын комендатурасы менен өз ара иштешүүнү улантып жатканын маалымдаган.

Капаров Бишкек шаарында 5-6-октябрь күндөрдөгү окуялардын жүрүшүндө жаракат алган укук коргоо органдарынын кызматкерлерине Башкы командачысынын атынан материалдык жардам көрсөтүлгөндүгүн айткан.

139
Белгилер:
талкуу, сунуш, өзгөчө абал, Сооронбай Жээнбеков, Кыргызстан
Тема:
Парламенттик шайлоодон кийинки окуялар (464)
Тема боюнча
Азайбай жатат. Коронавирустан соңку суткада 5 киши көз жумду
Жээнбеков экс-президент Роза Отунбаева менен жолукту. Ортодо эмне кеп болду
Милиция Бишкекте түн кандай өткөндүгүн айтып берди
Билим берүү жана илим министри Алмазбек Бейшеналиев Пакистандын Кыргызстандагы атайын жана ыйгарым укуктуу элчиси Сардар Азхар Тарик Ханды кабыл алды

Министр Пакистандын элчиси менен кара тизмеге кирген ЖОЖдорду талкуулады

31
(жаңыланган 18:17 29.10.2020)
Буга чейин Пакистан Кыргызстандын медициналык окуу жайларын кара тизмеге киргизгени айтылган. Тараптар дал ушул маселени талкуулашты.

БИШКЕК, 29-окт. — Sputnik. Билим берүү жана илим министри Алмазбек Бейшеналиев Пакистандын Кыргызстандагы атайын жана ыйгарым укуктуу элчиси Сардар Азхар Тарик Ханды кабыл алды. Бул тууралуу аталган министрликтин маалымат кызматы кабарлады.

Жолугушууда тараптар Пакистан Кыргызстандын медициналык окуу жайларын кара тизмеге киргизгени боюнча сүйлөшкөн.

"Кыргыз тарап өлкөдөгү медициналык окуу жайларды кара тизмеден чыгаруу маселесин чечүү жолдору боюнча Пакистандын КРдеги элчилигине расмий кат жолдоого милдеттенди. Пакистан тарап бул маселенин тез арада чечилишине жана КРде билим алган пакистандык студенттердин көбөйүшүнө кызыкдар экенин билдирди", — деп жазылат маалыматта.

Министр Бейшеналиев мындан ары министрлик тарабынан ЖОЖдорго эл аралык аккредитациялардан өтүү, чет элдик жарандарга көрсөтүлгөн кызматтардын сапатын жогорулатуу жана материалдык-техникалык, лабораториялык-клиникалык базаларды жакшыртуу сыяктуу бир катар талаптар коюла турганын айтты.

Буга чейин Пакистан Кыргызстандын медициналык окуу жайларын кара тизмеге киргизгени айтылган.

Болочок медиктерге 90 бюджеттик орун бөлүндү. Вирустун кесепетин эске алып.

Мындан сырткары, жолугушууда билим берүү жана илим тармагындагы өз ара кызматташуу дагы талкууланган.

31
Белгилер:
окуу жай, жолугушуу, элчи, министр, Пакистан, Кыргызстан
Тема боюнча
Пакистан Кыргызстандын медициналык окуу жайларын кара тизмеге киргизди. Себеби
Ооруканадагы бейтаптын бөлмөсү. Архив

Бишкекте коронавирусту дарылаган эки ооруканада бош орун жок

17
(жаңыланган 18:17 29.10.2020)
Жугуштуу илдеттер ооруканасынын жаңы салынган корпусу бейтаптарды кабыл ала баштаган. Аны эске алганда аталган ооруканада 90 орун бош.

БИШКЕК, 29-окт. — Sputnik. Бишкек шаарындагы ооруканаларда коронавируска кабылган бейтаптарды жаткыруу үчүн 181 бош орун бар. Бул тууралуу Саламаттык сактоо министрлигинин маалымат кызматы кабарлады.

Маалымат 29-октябрь күнү саат 16:00гө карата берилди.

  • Кыргыз-түрк "Достук" ооруканасы — 9;
  • Улуттук фтизиатрия борбору — 4;
  • Улуттук хирургия борбору — 5;
  • Улуттук госпиталь — 0;
  • Улуттук кардиология жана терапия борбору — 22;
  • №1 шаардык клиникалык ооруканасы — 13;
  • Республикалык жугуштуу илдеттер ооруканасы — 90;
  • Темир жол ооруканасы — 0;
  • Эне жана баланы коргоо улуттук борбору — 13;
  • Улуттук онкология жана гематология ооруканасы — 8;
  • №2 клиникалык төрөт үйү — 17.
17
Белгилер:
оорукана, орун, коронавирус, Бишкек
Тема:
Коронавируска байланыштуу Кыргызстандагы кырдаал
Тема боюнча
COVID Казакстанда күчөп, Өзбекстанда мизи кайта баштады. Коңшулардагы абал