Президент Сооронбай Жээнбеков өкмөттүн чогулушунун учурунда

Жээнбеков Бишкек шаарына кайрадан өзгөчө абал режимин киргизди

568
(жаңыланган 16:53 12.10.2020)
Жаңы жарлыктын чыгышына Жогорку Кеңеш үч күндүн ичинде өзгөчө абал режимин киргизүү маселесин карабай койгону негиз болду.

БИШКЕК, 12-окт. — Sputnik. Президент Сооронбай Жээнбеков Бишкек шаарынын аймагына кайрадан өзгөчө абал режимин киргизүү жарлыгына кол койду. Бул тууралуу мамлекет башчынын маалымат кызматы билдирди.

Аталган чечим Жогорку Кеңеш үч күндүн ичинде борбор калаанын аймагында буга чейин өзгөчө абал режимин киргизүү жөнүндө маселени карабагандыгына байланыштуу кабыл алынган.

Өзгөчө абалдын массалык башаламандыктардын натыйжасында күч колдонуу менен адамдардын өмүрүнө, ден соолугуна коркунуч жараткан кырдаал сакталгандыгына байланыштуу жарандардын өмүрүн, саламаттыгын, алардын коопсуздугун сактоонун өзгөчө кызыкчылыгын көздөп, ошондой эле коомдук-саясий кырдаалды тез арада турукташтыруу, Бишкек шаарынын аймагында коомдук тартипти камсыз кылуу максатында киргизилип жатканы айтылат.

Анын негизинде:

  • Бишкектин аймагында 2020-жылдын 12-октябрынан саат 20.00дөн баштап 2020-жылдын 19-октябрына саат 07.00гө чейин өзгөчө абал киргизилди.
  • Өзгөчө абал киргизилген мезгилде ички иштер министринин орун басары Алмазбек Орозалиев Бишкек шаарынын коменданты болуп дайындалып, режимди камсыздоо үчүн комендатура түзүлдү.
  • Бишкек шаарынын аймагында төмөнкүдөй өзгөчө чаралар, жарандардын укуктарын жана эркиндигин убактылуу чектөөлөр жана алардын кошумча милдеттери аныкталды:
  • коменданттык саат киргизилип, жарандардын келип-кетүүсүнүн өзгөчө режими коюлду;
  • мындан сырткары, коомчулук, ЖМК өкүлдөрү үчүн бир нече талаптар коюлду;
  • жарандар массалык топтолгон жерлерде документтер текшерилет жана байланышты пайдалануунун өзгөчө эрежелери киргизилери айтылды;
  • күч түзүмдөрүнүн жана башка органдардын Бишкек шаарынын комендантына бардык болгон каражаттары жана күчтөрү менен ар тараптан көмөк көрсөтүү тапшырылган.

Милиция Бишкекте түн кандай өткөндүгүн айтып берди

“Ички иштер министрлиги, Улуттук коопсуздук мамлекеттик комитети, ошондой эле Куралдуу күчтөрдүн Генералдык штабы, ишке тартылган башка мамлекеттик органдар жана жергиликтүү өз алдынча башкаруу органдары жарандардын өмүрүн жана саламаттыгын сактоодо, коопсуздугун камсыз кылууда комендантка бардык бар болгон каражаттары жана күчтөрү менен ар тараптан көмөк көрсөтсүн”, — деп айтылат маалыматта.

Бүгүн Бишкек шаарынын учурдагы коменданты мамлекет башчыга борбор калаада коменданттык саатты узартууну сунуштаган

Аталган жарлык президент кол койгон күндөн тартып күчүнө кирет.

568
Белгилер:
өзгөчө абал, жарлык, Сооронбай Жээнбеков
Тема:
Парламенттик шайлоодон кийинки окуялар (464)
Тема боюнча
Бишкекте өзгөчө абал узарабы? Комендант Орозалиев президентке сунуш киргизди
Бишкекке өзгөчө абал учурунда кирип чыгууга болобу? Комендатуранын жообу
Ооруканадагы койкалар. Архив

Бишкекте COVID жуктургандар кайсы ооруканага бара алат? Тизме

21
(жаңыланган 11:05 29.10.2020)
Кечээги күнгө салыштырмалуу ооруканалардагы орундар азайып баратат. Кээ бир стационарларда бейтаптар толуп калгандыктан, жата турган жер жок.

БИШКЕК, 29-окт. — Sputnik. Бишкек шаарындагы ооруканаларда коронавируска кабылгандарды жаткыруу үчүн 66 бош орун бар. Бул тууралуу Саламаттык сактоо министрлигинин маалымат кызматы кабарлады.

Маалымат 28-октябрь күнү саат 8:00гө карата берилди.

Коронавирус дагы 522 кишиден табылып, бир бейтап көз жумду

  • Кыргыз-түрк "Достук" ооруканасы — 2;
  • Улуттук фтизиатрия борбору — 8;
  • Улуттук хирургия борбору — 6;
  • Улуттук госпиталь — 0;
  • Улуттук кардиология жана терапия борбору — 18;
  • №1 шаардык клиникалык ооруканасы — 0;
  • Республикалык жугуштуу илдеттер ооруканасы — 2;
  • Темир жол ооруканасы — 0;
  • Эне жана баланы коргоо улуттук борбору — 10;
  • Улуттук онкология жана гематология ооруканасы — 3;
  • №2 клиникалык төрөт үйү — 17.

Кошумча маалыматты стационарлардын картасында көрсөтүлгөн номерлер аркылуу тактоого болот.

21
Белгилер:
бейтап, стационар, оорукана, коронавирус, Бишкек
Тема:
Коронавируска байланыштуу Кыргызстандагы кырдаал
Тема боюнча
Оштогу жаңы оорукана ноябрдан тарта COVID жуктургандарды дарылай баштайт. Сүрөт
Медицина кызматкери. Архивдик сүрөт

Коронавирус дагы 522 кишиден табылып, бир бейтап көз жумду

61
(жаңыланган 10:25 29.10.2020)
Бишкек шаарында жана Баткен, Ош облустарында үч медиктин коронавирус жуктуруп алганы аныкталган. Ошол эле маалда жети кызматкер ооруну жеңип, үйлөрүнө чыгарылды.

БИШКЕК, 29-окт. — Sputnik. Өткөн суткада 522 киши коронавирус жуктуруп алганы аныкталып, оору бир адамдын өмүрүн алган. Бул тууралуу Республикалык штабдан кабарлашты.

Жуктургандар:

  • Бишкек – 110;
  • Ош – 33;
  • Чүй облусу – 58;
  • Ош облусу – 75;
  • Талас облусу – 26;
  • Нарын облусу – 7;
  • Ысык-Көл облусу – 37;
  • Жалал-Абад облусу – 86;
  • Баткен облусу – 90.

Оштогу жаңы оорукана ноябрдан тарта COVID жуктургандарды дарылай баштайт. Фото

Бир суткада дартты 460 бейтап жеңген. Алар:

  • Бишкек – 91;
  • Ош шаары – 37;
  • Чүй облусу – 41;
  • Ош облусу – 82;
  • Талас облусу – 18;
  • Нарын облусу – 5;
  • Ысык-Көл облусу – 29;
  • Жалал-Абад облусу – 90;
  • Баткен облусу – 67.

Тилекке каршы, коронавирустан Баткенде бир бейтап көз жумуп, жалпы каза тапкандардын саны 1 139 болду.

Ал эми оору жуктургандар 57 798ге жетсе, анын ичинен 49 097 бейтап айыкты.

Бир сутка ичинде өлкөдө үч медицина кызматкеринин коронавирус жуктуруп алганы аныкталса, бир суткада үй карантининен жети медкызматкер чыгарылган.

61
Белгилер:
бейтап, өлүм, статистика, оору, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
COVID: инфекция жуктургандардын ичинен 93 адам өтө оор абалда жатат
Жогорку соттун имараты. Архив

Парламенттик шайлоо: Жогорку сот БШКнын даттануусун карабай койду

0
(жаңыланган 11:52 29.10.2020)
Бишкек шаардык административдик соту БШКнын токтомун жокко чыгарып салгандан кийин комиссия Жогорку сотко кайрылган.

БИШКЕК, 29-окт. — Sputnik. Жогорку сот Борбордук шайлоо комиссиясынын парламенттик шайлоонун кайра өткөрүлүшүн жокко чыгаруу боюнча даттануусун караган жок. Бул туурасында аталган органдын маалымат кызматы билдирди.

Бишкек шаардык административдик сотунун чечимине макул эместигин билдирген БШКнын кассациялык арызы 28-октябрда түшкөн. Бүгүн Жогорку сот мамлекеттик пошлина (товардан алынуучу салык) төлөнгөнү туурасында далилдер жок болгондуктан доо арызды кайра кайтарган. Азырынча БШКнын юристтери кайрадан датанаар-даттанбасы тууралуу маалымат жок.

Парламенттик шайлоо жылса өлкөдөгү абал кандай өзгөрөт? Юристтердин пикири

Белгилей кетсек, 21-октябрда Борбордук шайлоо комиссиясы парламенттик шайлоону кайра өткөрүүнү 20-декабрга белгилеген. Анын эртеси Жогорку Кеңеш шайлоонун мөөнөтүн жылдыруу боюнча, башкача айтканда, БШК таянып иш алып барып жаткан беренени 1-июнга чейин токтото туруу мыйзамын кабыл алды. Ал документке президенттин милдетин аткаруучу Садыр Жапаров да кол койгон.

Андан соң Бишкек шаардык административдик соту БШКнын токтомун жокко чыгарып салган. Судья комиссия парламенттик шайлоонун жыйынтыгын чыгарбай туруп кайра өткөрүүнү дайындаган деген жүйө келтирген. Бирок БШКнын юристтери ал чечимге макул болбой Жогорку сотко кайрылышкан.

Ал арада Борбордук шайлоо комиссиясына 48 саясий партия шайлоого катышуу ниетин билдирди.

0
Белгилер:
соттук чечим, шайлоо, БШК
Тема:
Жогорку Кеңешке боло турган кайра шайлоо
Тема боюнча
Кыргызстанда беш партия биригип бийликке 6 талап койду
549 млн. сом. БШК президенттик шайлоого кетчү чыгымдын сметасын бекитти
Садыр Жапаров эки шайлоо тең март айына чейин бүтүп каларын айтты