Компьютердик томографияны карап жаткан медициналык кызматкерлер

Кыргызстанда бир суткада 343 адамдан коронавирус аныкталды

139
(жаңыланган 10:51 13.10.2020)
Жалпысынан алганда 49 871 адамдан коронавирус табылып, анын 44 712си айыкты. Тилекке каршы, өткөн суткада эки өлүм катталды.

БИШКЕК, 13-окт. — Sputnik. Өлкөдө коронавирус жуктургандардын саны көбөйө баштады. Өткөн суткада 343 адамдан COVID-19 табылганын Республикалык штабдан маалымдашты.

Коронавирус жуктурган жаңы учурлар:

  • Бишкек – 81;
  • Ош – 18;
  • Чүй облусу – 21;
  • Ош облусу – 46;
  • Ысык-Көл облусу – 17;
  • Жалал-Абад облусу – 77;
  • Баткен облусу – 83.

Бир суткада 190 бейтап ооруну жеңген. Алар:

  • Бишкекте – 25;
  • Ош шаарында – 7;
  • Чүй облусунда – 9;
  • Ош облусунда – 46;
  • Нарын облусунда – 4;
  • Талас облусунда – 1;
  • Ысык-Көл облусунда – 13;
  • Жалал-Абад облусунда – 43;
  • Баткен облусунда – 42.

Жалпысынан алганда Кыргызстанда 49 871 адамдан коронавирус табылып, анын 44 712си айыкты.

Тилекке каршы, өткөн суткада эки өлүм катталды. Ошону менен COVID-19 өлкөдө 1 092 адамдын өмүрүн алды.

Азыркы тапта 1 776 бейтап стационарларда, ал эми 1 833 киши амбулатордук шартта дарыланып жатканы маалым болду.

COVID-19ду канткенде биротоло жеңе алабыз? Окумуштуунун пикири

Бир сутка ичинде өлкө боюнча 12 медик коронавирус жуктуруп алган. Алар:

  • Ош шаарында – 1;
  • Баткен облусунда – 2;
  • Ош облусунда – 1;
  • Жалал-Абад облусунда – 7;
  • Ысык-Көл облусунда – 1.

Ошол эле маалда жети медик ооруну жеңип, үйлөрүнө чыгарылганы айтылды.

139
Белгилер:
штаб, медик, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар (1377)
Тема боюнча
COVID күч алууда. Бишкекте дагы бир стационар ачылды
Бишкек мэриясынын алдындагы митинг

Бишкек мэриясынын алдында кайрадан митинг. Сүрөт

23
(жаңыланган 13:19 26.10.2020)
Нааразы болгондор жаңы мэр дайындалмайынча күнүгө саат 12:00дө митингге чыга тургандыктарын айтышты.

БИШКЕК, 26-окт. — Sputnik. Бишкек мэриясынын алдында кайрадан митинг болуп, шаар башчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат.

  • Митингующие у здания мэрии Бишкека, где требуют отставки и.о. мэра Наримана Тюлеева.
    Бишкек мэриясынын алдында кайрадан митинг болуп, шаар бышчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат
    © Sputnik / Эркин Садыков
  • Митингующие у здания мэрии Бишкека, где требуют отставки и.о. мэра Наримана Тюлеева.
    Нааразы болгондор жаңы мэр дайындаламайын, күнүгө саат 12:00дө митингге чыга тургандыктарын айтышты.
    © Sputnik / Эркин Садыков
1 / 2
© Sputnik / Эркин Садыков
Бишкек мэриясынын алдында кайрадан митинг болуп, шаар бышчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат
"Бул кишилер 30 жыл ичинде натыйжалуу башкара албагандыгын көрсөткөн, эми кайрадан бийликке келип жатышат. Эски саясатчылардын кайрадан кызматка келүүгө моралдык укугу жок", — деген митингдин катышуучусунун бири.

Алардын бир бөлүгү тарай баштады.

Нааразы болгондор жаңы мэр дайындалмайынча күнүгө саат 12:00дө митингге чыга тургандыктарын айтышты.

Эске салсак, Нариман Түлеев өзүнүн биринчи вице-мэр жана мэрдин милдетин аткаруучулуктан кетүү тууралуу жазган арызын кайтарып алып, кызматка кайтып келген.

21-октябрда Бишкек шаардык мэриясынын алдына Түлеевдин калаа башчысынын милдетин аткаруучу болуп дайындалышын мыйзамсыз деп эсептегендер митингге чыгып, анын тарапташтары менен чатакташа кеткен. Эртеси Түлеев мэрдин милдетин аткаруудан да, вице-мэрликтен да баш тартып арыз жазган.

23
Белгилер:
митинг, Бишкек мэриясы, Бишкек, Кыргызстан
Тема боюнча
Нариман Түлеев Бишкек мэринин милдетин аткаруучулукка кайтып келди
Ресторан. Архив

Министр: той-аштарга чектөө кайра күчөтүлүшү мүмкүн

47
(жаңыланган 12:35 26.10.2020)
Министр оору жуктургандардын саны күндөн-күнгө өсө баштаганын айтты. Өткөн суткада Кыргызстанда коронавирус 420 кишиден аныкталып, жуктургандардын жалпы саны 56 170ке жетти.

БИШКЕК, 26-окт. — Sputnik. Той-аштарга киргизилген чектөөнү күчөтүш керек. Бул тууралуу саламаттык сактоо министри Алымкадыр Бейшеналиев маалымат жыйын учурунда билдирди.

Анын айтымында, коронавирус жуктургандардын саны күндөн-күнгө өсө баштады.

"Саламаттык сактоо министрлиги тойлорду, массалык иш-чараларды токтотуу боюнча өкмөткө сунуш киргизип жатат. Министрлик чектөө киргизүүдө өз алдынча токтом кабыл ала албайт. Бүгүн бул маселени биринчи вице-премьер менен дагы талкуулайбыз. Эгер алар сунушубузду кабыл алса, анда той-аштарга чектөө мурдагыдан да күчөйт. Билсеңиздер, тойлорго чектөө коюлган токтом мурда эле чыккан. Бирок аны аткарган адам жок, ошону күчөтүү зарыл", — деди министр.

Өткөн суткада 420 киши коронавирус жуктурса, 227 бейтап айыкты

Өткөн суткада Кыргызстанда коронавирус 420 кишиден аныкталып, жуктургандардын жалпы саны 56 170ке жетти.

47
Белгилер:
министр, чектөө, той, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
COVID-19га кабылгандар кайсы ооруканага кайрыла алат? Бишкектеги бош орундар
COVID: Кызыл Ай коомунун Бишкектеги ыктыярчылар бригадасы ишке киришти
Президенттин милдетин аткаруучу жана премьер-министр Садыр Жапаров Мамлекеттик чек ара кызматынын төрагасы Уларбек Шаршеевди кабыл алды.

Чечилбеген көйгөй болбойт! Жапаров Чек ара кызматынын төрагасына жолукту. Сүрөт

0
(жаңыланган 13:19 26.10.2020)
Садыр Жапаров жакын арада чек ара көйгөйлөрү менен жеринде таанышуу үчүн Баткен, Ош жана Жалал-Абад облустарына иш сапары менен барарын айтты.

БИШКЕК, 26-окт. — Sputnik. Президенттин милдетин аткаруучу жана премьер-министр Садыр Жапаров бүгүн, 26-октябрда, Мамлекеттик чек ара кызматынын төрагасы Уларбек Шаршеевди кабыл алды. Бул тууралуу мамлекет башчынын маалымат кызматы кабарлады.

Анда мамлекеттик чек аранын кыргыз-тажик бөлүгүндөгү кырдаалды турукташтыруу боюнча чаралар талкууланган.

  • Исполняющий обязанности президента, премьер-министр Кыргызской Республики Садыр Жапаров принял председателя Государственной пограничной службы Кыргызской Республики Уларбека Шаршеева. 26 октября 2020 года
    Президенттин милдетин аткаруучу жана премьер-министр Садыр Жапаров бүгүн, 26-октябрда, Мамлекеттик чек ара кызматынын төрагасы Уларбек Шаршеевди кабыл алды.
    © Пресс-служба президента КР / Султан Досалиев
  • Исполняющий обязанности президента, премьер-министр Кыргызской Республики Садыр Жапаров принял председателя Государственной пограничной службы Кыргызской Республики Уларбека Шаршеева. 26 октября 2020 года
    Анда мамлекеттик чек аранын кыргыз-тажик бөлүгүндөгү кырдаалды турукташтыруу боюнча чаралар талкууланган.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президенттин милдетин аткаруучу жана премьер-министр Садыр Жапаров бүгүн, 26-октябрда, Мамлекеттик чек ара кызматынын төрагасы Уларбек Шаршеевди кабыл алды.

 

Уларбек Шаршеев Баткен районундагы Үч-Дөбө айылындагы 25-октябрда болгон окуя тууралуу маалымат берди. Анын айтымында, тажик тарап менен сүйлөшүүлөр болуп, калк арасында түшүндүрүү иштери жүрүп жатат.

Чыр чыккан Баткенге Чек ара кызматынын төрага орун басары Алимбаев барды

Садыр Жапаров чек араны делимитациялоо жана демаркациялоо боюнча маселелерди бир гана тынч сүйлөшүүлөр аркылуу чечүү маанилүү экенин белгилеген.

"Чечилбеген көйгөйлөр болбойт. Тигил же бул маселени тынч сүйлөшүп чечсе болот. Келечекте мындай окуялар болбошу үчүн маселени чечүүнү улам артка жылдыра бербеш керек. Чек арадагы райондордун тургундары тынчтык жана туруктуулукта жашашы зарыл", — деген Жапаров.

Президенттин милдетин аткаруучу жакын арада чек ара көйгөйлөрү менен жеринде таанышуу үчүн Баткен, Ош жана Жалал-Абад облустарына иш сапары менен барарын айткан.

Жапаров Баткен учурдагы чек ара окуясын жөнгө салуу жана Кыргызстандын бардык чек ара аймактарындагы туруктуулукту сактоо үчүн конкреттүү тапшырмаларды берген.

0
Белгилер:
Мамлекеттик чек ара кызматы, Уларбек Шаршеев, Садыр Жапаров
Тема боюнча
Кыргыз-өзбек жумушчу тобу чек арадагы чечиле элек тилкелерди карап чыгышты