Коронавируска анализ алып жаткан медицина кызматкери

Бир сутка ичинде 330 кишиден коронавирус табылды

115
(жаңыланган 10:19 14.10.2020)
Ушуну менен өлкөдө коронавирус жуктургандардын саны 50 201ге жетти. Анын ичинен 44 884 бейтап дартты жеңсе, 1094 киши оорудан жакшы болбой көз жумду.

БИШКЕК,14-окт. — Sputnik. Кыргызстанда өткөн суткада 330 кишиден коронавирус табылып, 172 бейтап ооруну жеңди. Бул тууралуу Республикалык штабдан кабарлашты.

Жуктургандар:

  • Бишкек – 68;
  • Ош – 36;
  • Чүй облусу – 12;
  • Ош облусу – 74;
  • Талас облусу – 9;
  • Ысык-Көл облусу – 18;
  • Жалал-Абад облусу – 70;
  • Баткен облусу – 43.

Коронавирус дагы эки кишинин өмүрүн алды 

 Айыккандар:

  • Бишкек – 14;
  • Ош шаары – 10;
  • Чүй облусу – 17;
  • Ош облусу – 39;
  • Нарын облусу – 3;
  • Ысык-Көл облусу – 7;
  • Жалал-Абад облусу – 47;
  • Баткен облусу – 35.

Ушуну менен өлкөдө коронавирус жуктургандардын саны 50 201ге жетти. Анын ичинен 44 884 бейтап дартты жеңсе, 1 094 киши оорудан жакшы болбой көз жумду.

Азыркы тапта 1 960 бейтап стационарларда, ал эми 1 801 киши амбулатордук шартта дарыланып жатат.

Бишкекте COVID жуктурган бейтаптарды кабыл алчу ооруканалар тизмектелди

Бир сутка ичинде жети медиктин коронавирус жуктуруп алганы аныкталган. Алар:

  • Баткен облусунда – 1;
  • Талас облусунда – 2;
  • Жалал-Абад облусунда – 3;
  • Ысык-Көл облусунда – 1.

Ошол эле учурда тогуз медицина кызматкери коронавирустан айыккан.

115
Белгилер:
статистика, коронавирус, Кыргызстан
Тема:
Кыргызстандагы коронавирус жуктуруп алгандар (1366)
Тема боюнча
COVID күч алууда. Бишкекте дагы бир стационар ачылды
Өкмөттө мектептердеги окуу жана эпидемиологиялык абал талкууланды
Мамлекеттик Ала-Арча жаратылыш паркы

Шаршембиге карата аба ырайы

38
Синоптиктер шаршембиге караган түнү жаан-чачын күтүлбөй турганын маалымдашты. Батыштан соккон шамалдын ылдамдыгы секундасына 4-9 метрге жетет.

БИШКЕК, 20-окт. — Sputnik. Шаршемби күнү, 21-октябрда, күндүз өлкө аймагында күн ачык болот. Бул тууралуу Кыргызгидромет билдирди.

Абанын температурасы Чүй, Талас аймактарында +20...+25, Ош, Жалал-Абад, Баткен облустарында +21...+26, Ысык-Көл менен Нарын жергесинде +14...+19 градус жылыйт.

Чоң Алайда күчү 4,5 баллга жеткен жер титирөө болду

Күндүн табы Бишкекте +23...+25 жана Ош шаарында +24...+26 градуска чейин көтөрүлөт.

38
Белгилер:
Кыргызстан, октябрь, аба ырайы
Тема боюнча
2-ноябрда Жерге астероид түшүшү ыктымал
Бишкек мэринин милдетин аткаруучу Нариман Түлеев

COVID күчөп кетсе Бишкек даяр болушу керек. Түлеевдин биринчи жыйыны

161
(жаңыланган 20:12 20.10.2020)
Эртең менен биринчи вице-мэр болуп дайындалган Түлеев Азиз Суракматов кызматтан кеткенден кийин шаар башчысынын милдетин аткарып калды.

БИШКЕК, 20-окт. — Sputnik. Бишкек мэринин милдетин аткаруучу Нариман Түлеев коронавирус пандемиясы шарттаган экономикалык кырдаалга тынчсыздануусун билдирди. Бул тууралуу жетекчинин биринчи жыйынында белгилүү болду.

Эскерте кетсек, Түлеев бүгүн эртең менен вице-мэрликке дайындалып, шаар башчысы Азиз Суракматов кызматтан кеткенден кийин калаа жетекчисинин милдетин аткарып калды.

Түлеев: чынын айтсам, мэрияга баргым келген эмес

Түлеев вице-мэрлерди, акимдерди жана шаар кызматтарынын жетекчилерин чогулткан.

"Мэрдин милдетин аткаруучу коронавирус пандемиясы шарттаган экономикалык абалга тынчсыздануусун билдирди. Экономика жана финансы боюнча вице-мэр Алмаз Бакетаевге райондук салык башкармалыктарынын жетекчилерин чогултуу тапшырылды", — деп айтылат маалыматта.

Түлеев эпидемиологиялык абал өлкө боюнча татаал экенин белгилеп, вирус жайылып кете турган болсо шаар ага даяр болушу керектигине токтолгон.

Мындан тышкары, жыйында шаар кызматтары калааны тазалоо иштерин күчөтүшү керектиги кошумчаланды.

161
Белгилер:
эпидемия, жыйын, Бишкек мэриясы, Нариман Түлеев
Тема:
Коронавируска байланыштуу Кыргызстандагы кырдаал
Тема боюнча
Абакта "авторитет" болгон. Бишкек мэрлигине кайра келген Түлеев жөнүндө 7 факты
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

136
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

136
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы