Кыргызстандын желегин көтөргөн митингчилер. Архив

УКМК: дүрбөлөң түшүүгө негиз жок

86
(жаңыланган 11:16 14.10.2020)
Учурдагы ар кандай чакырыктарга байланыштуу УКМК коомчулукту чагымчылдыкка алдырбай, өлкөдөгү кырдаалдын курчушуна алып келүүчү имиштерге ишенбөөгө үндөөдө.

БИШКЕК, 14-окт. — Sputnik. Учурдагы коомдук-саясий кырдаалга байланыштуу Улуттук коопсуздук мамлекеттик комитети билдирүү таратып, кооптонууга негиз жок экенин билдирди.

Учурда социалдык тармактарда Бишкек шаарында жана республикадагы абалды дестабилдештирүү боюнча ар кандай чакырыктар таратылып жатканы айтылат. Буга байланыштуу УКМК коомчулукту эч кандай чагымчылдыкка алдырбай, өлкөдөгү кырдаалдын курчушуна алып келүүчү ар кандай имиштерге ишенбөөгө чакырат.

Саясатты токтотуп, ишке өтөлү! Президент Жээнбековдун кайрылуусу видеодо

"УКМК өлкөдөгү бардык күч түзүмдөрү менен биргеликте ар кандай, анын ичинде деструктивдүү күчтөрдүн чагымчыл аракеттеринин алдын алуунун үстүндө тийиштүү иштерди жүргүзүп жатат", — деп айтылат билдирүүдө.

Буга чейин айтылгандай, УКМК башка күч органдары сыяктуу эле саясий иштерден тышкары болуп, мындай оор учурда бардык тараптарды кырдаалды тезирээк турукташтыруу боюнча бир пикирге келүүгө чакырууда.

УКМК ошондой эле өлкөнүн укук коргоо органдарында кырдаалды жөнгө салуу үчүн күч жетиштүү экенин эскертти.

86
Белгилер:
чакырык, билдирүү, кырдаал, УКМК
Тема:
Парламенттик шайлоодон кийинки окуялар (459)
Тема боюнча
Депутаттар өкмөттүн курамын бекитүү үчүн чогулду. Видео
Отоларинголог кызмат убагында. Архивдик сүрөт

Бир гана коронавирустан эмес! Жыт сезбей калуунун себептери

13
Дарыгер эпидемиологиялык кырдаалга байланыштуу жыт билүү жоголуп, даам дагы сезилбей жатса тезинен медициналык жардам алууга чакырган.

БИШКЕК, 20-окт. — Sputnik. Коронавирус инфекциясын жуктурган учурда гана жыт билбей калат деген түшүнүк туура эмес экенин Sputnik радиосуна отоларинголог, медицина илимдеринин кандидаты Владимир Зайцев айтып берди.

Адистин билдиришинче, жыт билүүнүн жоголушу бир нече оорудан кабар бериши мүмкүн.

"Мурун көңдөйүнө суук тийгенде, мисалы, курч же өнөкөт ринитте, дем алуу жолунун былжыр чели менен көңдөйү сезгенген учурда жыт сезгичтердин кабыл алуусу алгач төмөндөп, андан кийин таптакыр жоголуп кетет", — деди адис.

Коронавирустун мээ менен нерв системасына тийгизген таасири ачыкталды

Отоларинголог учурдагы эпидемиологиялык кырдаалга байланыштуу жыт билүү жоголуп, даам дагы сезилбей жатса тезинен медициналык жардам алууга чакырган. Ошондой эле өз алдынча дарылануудан оолак болууну айткан.

13
Белгилер:
оору, мурун, коронавирус
Тема:
Дүйнөгө жайылган коронавирус
Тема боюнча
Кулактан дагы кармайт. Коронавирустун жаңы симптому белгилүү болду
Бейтап СOVID же КРВИге чалдыкканын кантип билет. Дарыгердин аныктамасы
Ооруканадагы палата. Архивдик сүрөт

Коронавирус менен ооруган бейтаптарды кабыл алган ооруканалар. Тизме

16
Учурда коронавирус жуктургандардын саны өсүүдө. Мындан улам бейтаптарды кабыл алуу үчүн кошумча орундар ачылганы маалым болду.

БИШКЕК, 20-окт. — Sputnik. Борбор калаада COVID-19га кабылган бейтаптарды 11 стационар кабыл алууда. Бул тууралуу Республикалык штабдан кабарлашты.

Ага ылайык, учурда коронавирус жуктургандардын саны өсүүдө. Мындан улам бейтаптарды кабыл алуу үчүн кошумча орундар ачылды.

COVID-19 менен ооругандарды кабыл алып жаткан ооруканалар:

  • Республикалык клиникалык жугуштуу илдеттер ооруканасы;
  • Кыргыз-түрк "Достук" ооруканасы;
  • №1 шаардык клиникалык оорукана;
  • Улуттук госпиталь;
  • Улуттук фтизиатрия борбору;
  • Эне жана баланы коргоо улуттук борбору;
  • Улуттук онкология жана гематология ооруканасы;
  • Улуттук хирургия борбору;
  • Улуттук кардиология жана терапия борбору;
  • Темир жол ооруканасы;
  • №2 клиникалык төрөт үйү.

Кайсы аймакта коронавирустан көп киши каза болду? Статистика

Аталган ооруканаларда жалпысынан 561 орун даярдалган. Бирок кайсы медициналык мекемеде канча бош орун бар экенин министрликтин картасына (map.covid.kg) кирип карап алуу зарыл.

16
Белгилер:
тизме, оорукана, коронавирус, Бишкек
Тема:
Коронавируска байланыштуу Кыргызстандагы кырдаал
Тема боюнча
Министрлик коронавирусту дарылаган стационарлардын картасын жарыялады
Коронавируста бөйрөк оорусу өлүм коркунучун эки эсеге жогорулатат
Өткөн суткада 482 киши коронавирус жуктуруп, 127 бейтап айыкты