"Биринчи айым болуу баарына буюрбайт". Садыр Жапаровдун жубайы тууралуу 7 факты

Жазылуу
Өлкө башындагы адамдардын түгөйлөрү элге ар дайым кызык. Анткени алардын ийгилиги кандайдыр бир деңгээлде дал ошол адамдардан көз каранды.

Бүгүн кыргызстандыктар президенттин милдетин аткаруучу, премьер-министр Садыр Жапаровдун жубайы тууралуу билгиси келгени айтпаса дагы белгилүү.

Мындан улам Sputnik Кыргызстан Жапаровдун өмүрлүк жары Айгүл Асанбаева тууралуу кызыктуу фактыларды топтоду.

Маалыматтар анын буга чейинки жергиликтүү ЖМКларга берген маектеринен жана ачык булактардан алынды.

Туулган жери

Айгүл Асанбаева 47 жашта. Ысык-Көл облусунун Түп районунда туулган. Билими жана кесиби боюнча ачык маалымат жок.

Жолдошу менен кантип таанышкан

Садыр Жапаров менен жубайы Айгүл Асанбаева коңшу айылдардан болгондуктан, достор менен жаратылышка эс алып чыккан күндөрдүн биринде таанышкан. Асанбаеванын эскерүүсүндө, ал кезде өзү 18, Жапаров 23 жашта эле. Экөө үч жылдай кыз-жигит болуп жүрүп баш кошкон.

Суу алып жатканда көргөн... Борбор Азиянын ажолору сүйүүсүн кантип тапкан

Тун уулунан айрылып калган

Жубайлардын айрым булактарда беш, айрымдарында төрт баласы бар экени айтылат. Бирок Айгүл айым маектеринин биринде беш баласы бар экенин, алардын бири жол кырсыгынан келинчеги менен чогуу каза тапкан кайнисинин уулу экенин айтып берген. Балдардын аттары: Дастан, Рустам, Ринат, Нурдөөлөт жана кызы Жанайым.

Тилекке каршы, тун уулу Дастан былтыркы жылдын август айында жол кырсыгынан каза болгон. Ал 22-август күнү 7-Апрель көчөсүндө мотоцикл менен баратып кырсыктаган. Ооруканада бир нече күн өлүм менен алышып, 26-август күнү көз жумган. 

© Фото / Алимджан ВалиевСадыр Жапаров жазасын өтөп отурган кезде Асанбаева маалымат каражаттары аркылуу өз оюн дайым ачык айтып, маек берип келген. Жолдошун колдоп нааразычылык акцияларына дагы чыккан
Биринчи айым болуу баарына буюрбайт. Садыр Жапаровдун жубайы тууралуу 7 факты - Sputnik Кыргызстан
Садыр Жапаров жазасын өтөп отурган кезде Асанбаева маалымат каражаттары аркылуу өз оюн дайым ачык айтып, маек берип келген. Жолдошун колдоп нааразычылык акцияларына дагы чыккан

Бир келиндүү болгон

Кийин экинчи уулу үйлөнүп, ата-энесин келиндүү кылган.

Үч жыл чет өлкөдө жүргөн

ЖМКларга берген маектерине караганда, "жолдошу саясий куугунтукта жүргөндө үч жыл бою балдары менен чет өлкөдө жашаган". Ал кезде Польша жана Россия мамлекеттеринде болгонун айткан.

"Биринчи айым болуу баарына буюра бербейт"

Айгүл Асанбаева ЖМКлардын бирине берген маегинде атасын (Садыр Жапаров — ред.) тосуп алуу үчүн барганда күч органдарына кармалган уулун бошотууга жардам сурап, ошол кездеги канайым Раиса Атамбаевага кайрылганын айткан.

"Тааныштар аркылуу чыгып, 20 жаштагы уулум үчүн сурангам. Бирок ал "мен мындай иштерге кийлигишпейм" деп жооп берген. Мен баарын бошотуп жибериш керек деп айтпайм, болгону уулум кылмыш кылган эмес, атасын гана күтүп чыккан эле. Биринчи айым болуш баарына эле буюра бербейт, Кудайдын белеги да. Айкөлдүк, марттык болуш керек деп ойлойм", — деген Асанбаева маегинде.

Президенттердин күйөө балдары. Борбор Азия ажолорунун кыздары кимге бүлө

Жолдошун активдүү колдоп келген

Садыр Жапаров жазасын өтөп отурган кезде Асанбаева маалымат каражаттары аркылуу өз оюн дайым ачык айтып, маек берип келген. Жолдошун колдоп нааразычылык акцияларына дагы чыккан.

Жаңылыктар түрмөгү
0