Телевизор. Архив

Кыргызстанда телеканал, радиолор эмнеге иштебей жатты? Расмий жооп

1355
(жаңыланган 14:27 17.10.2020)
Буга чейин социалдык тармактын колдонуучулары жергиликтүү телеканалдар жана радиолор иштебей жатканын жазып, себебин сурашкан.

БИШКЕК, 17-окт. — Sputnik. Кыргызстандагы жергиликтүү телеканалдар жарым жылда бир жүргүзүлө турган профилактика иштеринен улам иштебей жатат. Бул тууралуу Телекөрсөтүү жана радио боюнча республикалык өндүрүш бирикмесинин (РПО РМТР ишканасы) сайтында жазылган.

Буга чейин социалдык тармактын колдонуучулары жергиликтүү телеканалдар жана радиолор иштебей жатканын жазып, себебин сурашкан.

Телекөрсөтүу жана радио боюнча республикалык өндүрүш бирикмеси үч күн мурда, тагыраагы, 14-октябрда бул тууралуу эскертүү жарыялашкан.

"Урматтуу телекөрүүчүлөр жана радио угармандар, 17-октябрда саат 6:00дөн 14:00гө чейин электр энергиясы толук өчүрүлүп, РПО РМТР техникалык каражаттарынын алты айлык профилактикасы өткөрүлөт. Буга байланыштуу санариптик телекөрсөтүүнүн жана радиоберүүнүн 1 жана 2 мультиплекстүү каналдары иштебейт. Алардын жумушу 14:00дөн кийин калыбына келтирилет", — деп айтылат билдирүүдө.

Ишкана келтирилген ыңгайсыздыктар үчүн элден кечирим сураган.

Белгилей кетсек, мындай профилактиканы компания жарым жылда бир жолу жүргүзүп турат.

Учурда телеканалдар кадимки ыраатында иштеп жатат.

Смартфон аркылуу аңдуу болуп жатканын кантип билүүгө болот? Адистин кеңеши

Маалым болгондой, санариптик телекөрсөтүүнүн жана радиоберүүнүн социалдык жана коммерциялык болуп эки пакети бар.

Социалдык пакетке КТР, Баластан, Маданият, Музыка, Ала-ТооHD, СпортHD, Мир, Пирамида, СТВ, 5-канал, ЭлТР, Илим-Билим, ОРТ, РТР телеканалдары кирет. Ал эми коммерциялык пакетке НТС, МИР 24, 312 Музыка, Тумар ТВ, Cinemax, Санат ТВ, Домашний, Ош ТВ, Семейный, 312 Кино, TV1 KG, Любимый, ТНТ, MARVA TV, Ош Пирим, TRT Avaz, Азия TV телеканалдары кирет.

1355
Белгилер:
радио, эфир, тазалоо, оңдоо, телеканал, профилактика
Тема боюнча
Телеканалдарды балдарга туура келбеген контент үчүн жазалоо сунушталды
Баткен облусунда чек ара бекетиндеги мунара. Архив

Асманга ок атылды. Кыргыз-тажик чек арасында кайрадан жаңжал чыкты

20
(жаңыланган 19:42 25.10.2020)
Тажик жарандары Үч-Төбө айылынан чек ара аркылуу жер алдынан суу түтүк өткөрүп жатканда кыргыз чек арачылары келип, ишти токтотууну талап кылышкан.

БИШКЕК, 25-окт. — Sputnik. Кыргыз-тажик чек арасында чатак чыкканын Мамлекеттик чек ара кызматы кабарлады.

Ага ылайык, бүгүн, 25-октябрда, саат 17:00дөр чамасында тажик жарандары Баткен облусунун Үч-Төбө айылынан чек ара аркылуу жер алдынан суу түтүк өткөрүп башташкан.

"Окуя болгон жерге кыргыз чек арачылары барып, тактала элек аймактагы ишти токтотууну талап кылышкан. Бирок тажик тарап айткандарга баш ийбей, кайым айтышкан. Аскер кызматкерлеринин өмүрүн жана саламаттыгын сактоо максатында, ошондой эле абалдын курчуп кетпеши үчүн Кыргызстандын чек арачылары эскертүү иретинде асманга ок чыгарууга аргасыз болушту", — деп айтылат маалыматта.

Учурда түтүк өткөрүү иши токтотулду. Эки өлкөнүн чек ара өкүлдөрү сүйлөшүү жүргүзүүдө. Ага жергиликтүү бийлик органдары менен укук коргоо органдарынын өкүлдөрү катышып жатат.
Мамлекетик чек аранын аталган аймагында абал туруктуу деп бааланды.

20
Белгилер:
ок атуу, Жаңжал, Мамлекеттик чек ара кызматы, Тажикстан, Кыргызстан
Тема боюнча
Кыргыз-өзбек жумушчу тобу чек арадагы чечиле элек тилкелерди карап чыгышты
Эндокринолог Айпери Биримкулова

Биримкулова: организмде йод ашыкча болсо оору алып келет

18
(жаңыланган 18:42 25.10.2020)
Эндокринолог Айпери Биримкулова калкан безинин салмагы 15-20 грамм болгону менен адам организми үчүн өтө маанилүү функцияны аткарарын айтты.
Биримкулова: организмде йод ашыкча болсо оору алып келет

Йод жетишсиз болгондо богок оорусу пайда болот, бирок анын ашыкчасы да дартты чакырат. Бул тууралуу Айпери Биримкулова Sputnik Кыргызстан радиосунун эфиринде маек куруп жатып билдирди.

Анын айтымында, деңиз азыктарында жана балык этинин курамында йод көп.

"Кыргызстан тоолуу өлкө болгондуктан климатыбызга жараша йод жетишсиздиги көп байкалат. Андыктан тамак-ашка йоддолгон тузду колдонуу керек. Бирок йод ашыкча болгон учурда да адам ар түрдүү ооруларга чалдыгат. Мындай учурда кишинин чачы түшүп, ачуусу бат келип, депрессияга кабылып, өзүн чарчаңкы сезип, ал тургай колдору титиреп, жүрөгү катуу согуп, көзү чанагынан чыгып кетейин деп чоңоюп кетиши мүмкүн. Бул учурда, өкүнүчтүүсү, көпчүлүк бейтаптар башка органдарын текшертип же психологдун жардамын күтүп жүрө беришет", — деди Биримкулова.

Ал оорунун жогорудагыдай белгилери байкалган учурда алгач эндокринологдорго кайрылып, гормондорун текшертип алышы зарылдыгын кошумчалады.

18
Белгилер:
Айпери Биримкулова, йод, ден соолук
Тема боюнча
Турсункулова: Кыргызстанда 617 000 адам кант диабети менен жабыркайт