Терезени карап отурган аял. Архив

Өзүмдү үйдө кереги жок буюмдай сезем. Үй-бүлөсүнө нааразы аялдын арманы

1218
(жаңыланган 16:51 17.10.2020)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына бул ирет жолдошу менен кыздарынын мамилесине кейиген аялдын каты жарыяланды.

Саламатсыздарбы! Мен сиздер аркылуу психологдон кеңеш алгым келет. Жашым элүүдө. Бишкектин чекесинде турабыз. Жашоодо мурда эч ойго келбеген да учурларды баштан өткөрөт экенсиң.

Жолдошум менен жыйырма беш жылдан ашуун убакыттан бери бирге түтүн булатып, эки кызды тарбияладык. Кыздарымдын атасы мамлекеттик кызматкер, мен тигүүчү болуп иштегеним менен көбүнчө балдарды карап үйдө болдум. Анын үстүнө көп оорудум.

Кыздарым кичине кезинде жакшы эле тарбия берип чоңойтом деп ойлочумун. Бирок андай болбоду. Буга жолдошум да күнөөлүү. Кечинде иштен келгенде кыздар атасына "апам бизди урушту, чапты" деп даттанышса эле кыздарга болушуп, үйдө ызы-чуу чыгарып, кээде мени уруп жатып калчу. Анын кыныгын билген кыздар бир нерсе жакпай калса эле атасына даттанып, бизди уруштуруп көнүшкөн. Анысын такыр калтыра албай койгом.

Азыр өзүмдүн кыздарым мени тоготпойт, айтышат. Улуусу 24, кичүүсү жыйырмада. Балдар чоңойгон сайын колдоо күтүп, аёосуна муктаж болот экенсиң. Ушул кыздарды башка энелердей эле алаканыма салып, кийимдин түрүн алып берип чоңойттум эле.

Чынын айтсам азыр үйдө өзүмдү эне катары эмес, үй кызматкери сезип калдым. Баары эле мага догурунушат. Кыздар каалаган жагына басышат. Кийимдерин алып келип ыргытып коюшат. Кайра эле кыйбай жууйм, тамагын жасап күтүп отурам. Жолдошум болсо "Энедей болуп берген тарбияң ушубу?" деп эртели-кеч мээни жейт. Туугандарым келсе да "эжеңердин берген тарбиясы" деп мага асылат.

Кызым менен өгөй атасынын урушу беймаза кылчу болду. Аялдын каты

Өткөндө ооруканада он күн жатып чыктым. Дарыгерлер үйдөн да жакшы болгуча жатышым керектигин айтып чыгарышкан. Үч күн эптеп жаттым. Ооруканадан алып келген шейшебим, кийимдерим бир жума жуулбай турду. Күттүм. Үйдөгүлөргө караганда сиңдилерим келип жардам берип жатты.

Күйөөмдүн курсагы тойсо, кийими таза болсо болду. Менин жан дүйнөм менен башын да оорутпайт. Кереги жок буюмдай болуп жашагандан тажадым. Баарын өзгөртүүгө болобу? Же кечпи? Ушул абалга келгенибизге жолдошумду эле күнөөлөй берем. Кыздарымды деле жаман көрбөйм, бирок нааразы болуп жүрөм.

Саадат Сыдыкова, психолог:

— Сиздин айтууңузга караганда, үй-бүлөлүк жашооңор башынан эле атаандаштык менен куралган экен. Жолдошуңуз кыздары аны көбүрөөк жакшы көрүүсү үчүн сизди тилдеп, кол көтөрчү. Кыздар акыры апасы күнөөлүү болоруна ынанып чоңоюшкан. Негизи балдарды ата-энесин чогуу сүйүүгө, алардын жашоосунда ата менен эненин орду бирдей экендигин көргөзүп тарбиялоо кажет. Бала алардын милдетин ажырата билгени маанилүү.

Баламдын алдында тилим кыска. Уулунун көңүлүн таба албаган эненин арманы

Буга чейин каалооңуз, ой-пикириңиз тууралуу айтпай эле дайыма өзүңүздү үй жумуштарын кылуучу функция катары алып жүргөнсүз. Ушундан улам үй-бүлөңүз сиздин ордуңузду алардын кызматын жасоочу катары кабылдап алышкан. Негизинен адам өзүнүн көз карашы, ага жаккан же жакпаган жагдайларды жакындары менен бөлүшүп турушу керек. Антпесе алар менен түшүнүшүүгө мүмкүн болбой калат.

Ооруп жатканда да үйдөгүлөр сизге жетишерлик көңүл бурбаптыр. Себеби сиз муну башынан талап кылбагандыктан, мындай мамиле адат катары калыптанып калган.

Албетте, сизди качан түшүнөрүн, сүйөрүн, аяшарын күтүп жашап келе жатасыз. Бирок алар бир күнү тура калып эле өзүнөн-өзү сизди баалап калбайт да. Себеби 25 жылдан бери өз каалооңуз, көз карашыңыз менен эмес башкалардын оюу менен жашап келе жатыптырсыз. Ошондуктан мүмкүн болсо жакындарыңызга ички каалооңузду айтып, жан-дүйнөңүздө болуп жаткан ойлор менен бөлүшүп турууну колго алыңыз.

Үйүңүздө сиздин ордуңуз өтө маанилүү, баалуу адамсыз. Бирок аны үй-бүлөңүз эле эмес, өзүңүз да барктабай жатасыз.

Эми мындан ары жашооңузду оңдогуңуз келсе, мүмкүн болушунча үйдөгүлөрдүн тилин табууга аракет кылып, аларга да үй иштерин бөлүштүрүп берип, талап коё билсеңиз жакшы болот. Мүмкүн жумушка кирип, кандайдыр бир көңүлүңүзгө жаккан нерсе менен алектене баштарсыз. Өзүңүздү да баалап, көңүл буруңуз. Эгер сиз жакшы мамиле күтүп отура берсеңиз, ал өмүрүңүздүн акырына чейин созулуп кетиши мүмкүн.

1218
Белгилер:
үй-бүлө, психолог, тарбия, кыз, эне
Тема:
Психолог менен баарлашуу (123)
Тема боюнча
Түркияда күйөөгө тийип кеткен аялым эми балдарды, үйдү талашууда. Эркектин каты
Кыз парктта кол чатыр менен бара жатат. Архив

Жумага карата аба ырайы

65
23-октябрга караган түнү кээ бир өрөөндөрдө жана тоо этектеринде жаан, тоолуу райондордо кар жаашы күтүлөт.

БИШКЕК, 22-окт. — Sputnik. Жума күнү, 23-октябрда, көпчүлүк аймактарда жаан жаап, тоо этектеринде жана тоолуу райондорго кар түшөт. Бул тууралуу Кыргызгидромет билдирди.

Маалыматка ылайык, Чүй, Талас өрөөндөрүндө, Ысык-Көл, Нарын облустарынын дыйканчылык аймактарында жаан карга айланышы мүмкүн. Ысык-Көл облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда жаан-чачын катуу жаашы күтүлөт.

Абанын температурасы Чүй өрөөнүндө +3…+8 градус, Таласта +2…+7 градус, Ош, Жалал-Абад, Баткен облустарында +5…+10 градус, Ысык-Көл жана Нарын аймактарында 0…+5 градус болору айтылды.

Бишкек жана Ош шаарларында мезгил-мезгили менен жамгыр жаап, борбор калаада карга айланышы ыктымал. Күндүн табы Бишкекте +6…+8 градус, Ош шаарында +13…+15 градуска чейин жетет.

Мындай туруксуз аба ырайы жайыттарда малды кармоону, автоунаа, энергетика жана коммуналдык кызматтардын ишин кыйындатат.

65
Белгилер:
Кыргызстан, октябрь, аба ырайы
Тема боюнча
Жалал-Абад облусунун аймагында кайрадан жер титиреди
Митингтен кийин ак үйдүн абалы. Архив

Депутат: Ак үйдү калыбына келтирүүгө 400 млн. сом керек

160
(жаңыланган 18:34 22.10.2020)
Эске салсак, 6-октябрга караган түнү митингге чыккан эл Ак үйдү басып алган. Эртең менен имараттын үстүңкү кабаты алоолонуп өрттөнгөн.

БИШКЕК, 22-окт. — Sputnik. Жогорку Кеңештин имаратын калыбына келтирүү үчүн 400 миллион сомго жакын каражат керек. Бул тууралуу парламенттин бюджет жана финансы комитетинин мүчөсү Акылбек Жапаров билдирди.

Анын айтымында, 2010-жылдагы окуялардан кийин Ак үйдүн ремонтуна 380 миллион сом сарпталган, бирок андан бери баалар өсүп кетти.

Капталы жалбырттап, чатырынан түтүн уюлгуп. Ак үйдөн чыккан өрттүн видеосу

Эске салсак, 6-октябрга караган түнү митингге чыккан эл Ак үйдү басып алган. Эртең менен эрте имараттын чыгыш тарабынан өрт чыккан.

Белгилей кетсек, ЖКнын имаратында парламент, президенттин аппараты жана президент өзү иштейт.

160
Белгилер:
оңдоо, имарат, Ак үй
Тема боюнча
Башаламандыктан кийинки Ак үйдүн 7-кабаты. Видео
Россия президенти Владимир Путин

Владимир Путин алгачкы жолу Кыргызстандагы абал тууралуу пикирин айтты

223
(жаңыланган 00:27 23.10.2020)
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууну айтып келем. Бул өлкөлөрдөгү суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл ич ара мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз. Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

223
Белгилер:
пикир, Владимир Путин, Россия, Кыргызстан
Тема боюнча
Путин Коопсуздук кеңеши менен Кыргызстандагы кырдаалды талкуулады