Телефон кармаган киши. Архивдик сүрөт

Телефон номерден акча которуунун кооптуулугун юрист айтып берди

276
(жаңыланган 13:49 18.10.2020)
Юрист шылуундар бирөөнүн номерин кайрадан каттатып алуу менен акчаны шыпырып кетерин айтып, мындай учурда укук коргоо органдарына кайрылуу керектигин айткан.

БИШКЕК, 18-окт. — Sputnik. Телефон номер аркылуу акча которуунун кооптуулугу тууралуу "Прайм" агенттигине Urvista юридикалык компаниясынын башкы директору Алексей Петропольский айтып берди.

"Биринчи кезекте жарандар уюлдук телефондон акча которууда сандардан ката кетирип алышы мүмкүн, каражат башка жакка түшүп калат. Кайра аны кайтарып алуу дагы оңой иш эмес, себеби акча бат которулуп кетет", — деп айтылат маалыматта.

Адис белгилегендей, эгерде ката кетирип алсаңыз, банкка кат жазуу зарыл. Ал жактагылар туура эмес акча которуулар жөнүндө маалыматты эсептин ээсине жөнөтөт.

Банктык картанын номерин билген киши акча уурдай алабы? Жооп

Кырдаал андан дагы татаалдашып, каражат түшүп калган киши аны кайтарып бергиси келбесе, укук коргоо органдарына же сотко кайрылганга туура келет.

Ошондой эле телефон номер байланыштырылган банк банкротко учурап, лицензиясы жокко чыгарылып же кардар андагы эсебин жапкан учурлар болушу мүмкүн.

"Акча эсептен чыгарылганы менен сиз жиберген адам аны албайт. Муну банктан тактоо керек. Бирок каражат кайтарылат деген кепилдик жок. Эсепти жаап салса деле болот, бирок акчаларды алуу үчүн банк менен байланышта болуу керек", — деген Петропольский.

Андан сырткары, шылуундар бирөөнүн номерин кайрадан каттатып алуу менен акчаны шыпырып кетерин кошумчалаган. Бул көйгөйдү укук коргоо органдары аркылуу гана чечүү мүмкүн.

276
Белгилер:
номер, Акча которуулар, акча
Тема боюнча
Телефон-алдамчылардын тузагына илинип калбоонун жолдору. Кеңештер
Митинг у здания Центральной комиссии по выборам и проведению референдумов в Бишкеке с требованием, чтобы повторные парламентские выборы состоялись в объявленный ЦИКом срок

Шайлоо убагында өтсүн! БШКнын алдында дагы бир митинг болду. Сүрөт

2
(жаңыланган 13:32 26.10.2020)
Борбордук шайлоо комиссиясынын алдына болжол менен 50дөй адам чогулган. Алар парламенттик шайлоонун өз мөөнөтүндө өтүшүн талап кылышкан.

БИШКЕК, 26-окт. — Sputnik. Борбордук шайлоо комиссиясынын алдында дагы бир митинг өттү. Бул тууралуу Sputnik Кыргызстан агенттигинин кабарчысы билдирди.

  • Митинг у здания Центральной комиссии по выборам и проведению референдумов в Бишкеке с требованием, чтобы повторные парламентские выборы состоялись в объявленный ЦИКом срок
    Митинг у здания Центральной избирательной комиссии в Бишкеке
    © Sputnik / Эламан Карымшаков
  • Митинг у здания Центральной комиссии по выборам и проведению референдумов в Бишкеке с требованием, чтобы повторные парламентские выборы состоялись в объявленный ЦИКом срок
    Митинг у здания Центральной избирательной комиссии в Бишкеке
    © Sputnik / Эламан Карымшаков
1 / 2
© Sputnik / Эламан Карымшаков
Митинг у здания Центральной избирательной комиссии в Бишкеке

Анын айтымында, Борбордук шайлоо комиссиясынын алдына болжол менен 50дөй адам чогулган. Алар парламенттик шайлоонун өз мөөнөтүндө өтүшүн талап кылышкан. Митингге келгендердин көбү шайлоого катышуу ниетин билдирген партиялардын өкүлдөрү экени маалым болду.

Эске салсак, парламенттик кайра шайлоону 20-декабрда өткөрүү боюнча БШКнын чечими чыккан. Бирок Жогорку Кеңештин депутаттары 22-октябрда шайлоонун күнүн жылдыруу боюнча мыйзам кабыл алышкан.

Ошондой эле Биринчи май райондук соту 24-декабрда БШКнын шайлоону 20-декабрда өткөрө турган токтомун жокко чыгарган.

БШК соттун чечимине каршы даттана турганы маалым болду.

Президент болом дегендер документтерин БШКга качан тапшырары такталды

Эске салсак, калаада дагы бир митинг өтүүдө. Анда мэриянын алдына эл чогулуп, шаар башчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат.

2
Белгилер:
нааразычылык акциясы, чечим, шайлоо, Митинг, БШК
Бишкек мэриясынын алдындагы митинг

Бишкек мэриясынын алдында кайрадан митинг. Сүрөт, видео

36
(жаңыланган 13:31 26.10.2020)
Нааразы болгондор жаңы мэр дайындалмайынча күнүгө саат 12:00дө митингге чыга тургандыктарын айтышты.

БИШКЕК, 26-окт. — Sputnik. Бишкек мэриясынын алдында кайрадан митинг болуп, шаар башчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат.

  • Митингующие у здания мэрии Бишкека, где требуют отставки и.о. мэра Наримана Тюлеева.
    Бишкек мэриясынын алдында кайрадан митинг болуп, шаар бышчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат
    © Sputnik / Эркин Садыков
  • Митингующие у здания мэрии Бишкека, где требуют отставки и.о. мэра Наримана Тюлеева.
    Нааразы болгондор жаңы мэр дайындаламайын, күнүгө саат 12:00дө митингге чыга тургандыктарын айтышты.
    © Sputnik / Эркин Садыков
1 / 2
© Sputnik / Эркин Садыков
Бишкек мэриясынын алдында кайрадан митинг болуп, шаар бышчылыгына жаңы жетекчини дайындоону президенттин милдетин аткаруучу Садыр Жапаровдон талап кылып жатышат
"Бул кишилер 30 жыл ичинде натыйжалуу башкара албагандыгын көрсөткөн, эми кайрадан бийликке келип жатышат. Эски саясатчылардын кайрадан кызматка келүүгө моралдык укугу жок", — деген митингдин катышуучусунун бири.

Алардын бир бөлүгү тарай баштады.

Нааразы болгондор жаңы мэр дайындалмайынча күнүгө саат 12:00дө митингге чыга тургандыктарын айтышты.

Эске салсак, Нариман Түлеев өзүнүн биринчи вице-мэр жана мэрдин милдетин аткаруучулуктан кетүү тууралуу жазган арызын кайтарып алып, кызматка кайтып келген.

21-октябрда Бишкек шаардык мэриясынын алдына Түлеевдин калаа башчысынын милдетин аткаруучу болуп дайындалышын мыйзамсыз деп эсептегендер митингге чыгып, анын тарапташтары менен чатакташа кеткен. Эртеси Түлеев мэрдин милдетин аткаруудан да, вице-мэрликтен да баш тартып арыз жазган.

36
Белгилер:
митинг, Бишкек мэриясы, Бишкек, Кыргызстан
Тема боюнча
Нариман Түлеев Бишкек мэринин милдетин аткаруучулукка кайтып келди