Ооруканадагы адам. Архив

Коронавируста бөйрөк оорусу өлүм коркунучун эки эсеге жогорулатат

120
(жаңыланган 11:02 19.10.2020)
Адистердин божомолунда, коронавирус менен бөйрөк дартынын байланышы инфекция бир гана өпкөнү жабыркатпай турганын билдирет же дары-дармектин зыяндуу таасиринен болушу мүмкүн.

БИШКЕК, 19-окт. — Sputnik. Бөйрөк оорусу коронавирус инфекциясында өлүм тобокелдигин эки эсе жогорулатат. Бул тууралуу "Известия" лондондук окумуштууларга таянуу менен жазды.

Изилдөөчүлөрдүн айтымында, алар коронавирус жуктуруп жандандыруу бөлүмүнө түшкөн 372 бейтаптын абалына байкоо жүргүзүшкөн.

Натыйжада 216 кишиде өнөкөт жана вирус козгогон бөйрөк оорулары болгон. Ошол эле учурда 107 киши (бейтаптардын 50дөй пайызы) көз жумган. Ал эми башка группада, тагыраагы, бөйрөгү соо бейтаптардын арасында 32 гана (21 пайыз) киши каза тапкан.

Кулактан дагы кармайт. Коронавирустун жаңы симптому белгилүү болду

"Аман калгандар гемодиализ терапиясын алып жүрүштү. Биздин изилдөөлөр  коронавируска кабылган бейтаптардын бөйрөк дарты өлүмгө жетелей турганына жана ооруканадан чыгарылгандан кийин дагы өзгөчө камкордук талап кылынарын көрсөтүп турат", — деген окумуштуулар.

Адистердин божомолунда, коронавирус менен бөйрөк дартынын байланышына инфекция бир гана өпкөнү жабыркатпай турганы же дары-дармектин зыяндуу таасири болушу мүмкүн.

120
Белгилер:
өлүм, бөйрөк оорусу, инфекциялык оору, коронавирус
Тема боюнча
COVID-19дан көз жумуу тобокелдигин алты эсе арттырган факторлор аталды. Изилдөө
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

59
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

59
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео
Парктагы кишилер

Ишембиге карата аба ырайы

61
(жаңыланган 22:26 27.11.2020)
28-ноябрда жана 29-ноябрда түнкүсүн көпчүлүк аймактарда мезгил-мезгили менен кар жаайт. Батыштан соккон шамалдын ылдамдыгы айрым жерлерде секундасына 15-20 метрге жетиши күтүлөт.

БИШКЕК, 27-ноя. — Sputnik. Ишемби күнү, өлкөнүн көпчүлүк аймактарында кар жаашы күтүлүүдө. Бул тууралуу Кыргызгидромет билдирди.

Абанын температурасы Чүйдө -3...+2, Талас өрөөнүндө -4...+1 градуска жетсе, Ош, Жалал-Абад жана Баткен облустарында -3...+2, Ысык-Көл ойдуңунда 1...6, Нарын жергесинде -4...+1 градусту көрсөтүп турат.

Ош жана Бишкек шаарларында абанын башы 0...+2 градуска жетет.

61
Белгилер:
Кыргызстан, аба ырайы
Тема боюнча
Жол тайгакта айдоочулар эсинен чыгарбай турчу 6 эреже
Шашылыш билдирүү! Дем алыш күндөрү кар жаайт