Коронавируска каршы дары-дармектер. Архивдик сүрөт

Кыргызстанда COVID-19га каршы дары 1,5 айга жетет. Бир шарт бар...

155
(жаңыланган 12:55 23.10.2020)
Кыргызстандын саламаттык сактоо мекемелеринде өлкөнү каптаган тумоого каршы күрөшүүдө колдоно турган дары-дармектердин 322,4 миллион сомдук кору бар.

БИШКЕК, 23-окт. — Sputnik. Эгерде коронавирус менен ооругандардын саны азыркы эпидемиологиялык кырдаалда 10 миң кишиден ашпаса, дары-дармек бир жарым айга жетет. Бул туурасында Милдеттүү медициналык камсыздандыруу фондунун (ММКФ) маалымат кызматынан кабарлашты.

COVID-19 эпидемиясы башталгандан тарта ММКФ консолидардык бюджетинен саламаттык сактоо мекемелерине дарыга жана медициналык багытта пайдаланчу каражаттарга 1,6 миллиард сом бөлгөн.

Дүйнөлүк уюм коронавирусту дарылоодо пайдасы жок дарыларды атады

"Учурдагы эпидемиологиялык абалда эгерде 8 000 -10 00 адам ооруп калса, коронавируска каршы саламаттык сактоо мекемелериндеги дары-дармектер 1,5 айга жетет", — деп билдиришти.

ММКФ 92 позиция боюнча калган дарылар тууралуу маалыматтарды топтоп турары айтылды.

Алар саламаттык сактоо мекемелеринде дары-дармектердин 322,4 миллион сомдук кору бар деген маалыматты таратышты.

  • Бишкек — 45,7 миллион сом;
  • Ош облусу — 179 миллион сом;
  • Жалал-Абад облусу — 41,6 миллион сом;
  • Баткен облусу — 20,4 миллион сом;
  • Чүй — 13,6 миллион сом;
  • Нарын облусу — 12,9 миллион сом;
  • Ысык-Көл облусу — 7 миллион сом;
  • Талас облусу —5 миллион сом.
155
Белгилер:
дары, коронавирус, ММКФ, Кыргызстан
Тема:
Коронавируска байланыштуу Кыргызстандагы кырдаал (2508)
Тема боюнча
Бишкекте 100 таңгак гепаринди үйүнө катып, кымбат саткандар кармалды. Видео
Айыл чарба министри Тилек Токтогазиев. Архивдик сүрөт

Бишкекте айыл чарбасын камсыздандыруу боюнча жыйын өтөт

6
Министр Тилек Токтогазиев дүйнөдөгү айыл чарбанын тез өнүгүп жатканын эске алуу менен өндүрүүчүлөр үчүн мамлекеттик деңгээлде шарттар түзүлүшү керектигин айткан.

БИШКЕК, 24-янв. — Sputnik. Кийинки жуманын биринчи күнү, 25-январда, айыл чарбасын камсыздандыруу боюнча жыйын өтөт. Бул тууралуу Айыл чарба, тамак-аш өнөр жайы жана мелиорация министрлиги билдирди.

Министр Тилек Токтогазиев тегерек столдун алкагында айыл чарбасын камсыздандырууну өнүктүрүү концепциясын талкуулап, аны ишке ашыруу боюнча конкреттүү сунуштарды иштеп чыгуу керектигин айткан.

"Дүйнөдөгү айыл чарбанын динамикалуу өнүгүп жатканын эске алуу менен өндүрүүчүлөр үчүн мамлекеттик деңгээлде шарттарды түзүп берүү керек", — деген Токтогазиев.

Министрлик бардык кызыкдар тараптарды айыл чарбасын өнүктүрүүгө багытталган маселелерди талкуулоого чакырды. Ал үчүн 0502 40 39 69 телефон номери же alchynbek.b@gmail.com электрондук дареги аркылуу байланышууга болот.

6
Белгилер:
жыйын, Тилек Токтогазиев, өнөр жай, тамак-аш, айыл чарба, Кыргызстан
Тема боюнча
Кыргызстанда былтыр канча азык-түлүк өндүрүлдү. Сандар
Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

Кыргыз тарап Россияга "Спутник V" вакцинасын өлкө аймагында өндүрүүнү сунуштады

104
(жаңыланган 22:31 23.01.2021)
КРдин Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

БИШКЕК, 23-янв. — Sputnik. Кыргызстан Россияга коронавируска каршы "Спутник V" вакцинасын өлкө аймагында өндүрүүнү сунуш кылды. Бул тууралуу РФтеги элчилик кабарлады.

Кечээ Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

"Сүйлөшүүлөрдүн жүрүшүндө Сагынбаев коронавирустан коргогон "Спутник V" вакцинасын Кыргызстандын аймагында өндүрүүнү уюштуруу мүмкүнчүлүгүн караштырууну сунуштады", — деп айтылат маалыматта.

Мындан тышкары, жеңил өнөр жай ишканаларын өнүктүрүүдө жана өлкөдө өндүрүлгөн чийки заттарды экспорттоодо кызматташтыкты чыңдоо маселелери талкууланган. Тараптар жакынкы жылдары "өнөр жай картасын" иштеп чыгуу келишимине кол коюшкан.

Россия тарап өнөр жай тармагында инвестициялык долбоорлорду ишке ашыруу үчүн Россия-Кыргыз өнүктүрүү фондунун жеңилдетилген насыяларын пайдаланууну сунуштаган.

Мындан сырткары, Россиянын өнөр жай жана соода министри кыргыз тарапты апрель айында Өзбекстанда өтө турган "ИННОПРОМ" эл аралык көргөзмөсүнө катышууга чакырган.

104
Белгилер:
жолугушуу, сунуш, өндүрүүчү, вакцина, коронавирус, Спутник V, Россия, Кыргызстан
Тема:
"Спутник V" вакцинасы
Тема боюнча
"ЭпиВакКоронадан" эмне күтүүгө болот? COVID-19га каршы вакцина тууралуу кеп
Венгрия Россиядан 2 миллион доза "Спутник V" вакцинасын алып жатат. Видео