Телефон менен сүйлөшүп жаткан медициналык маска кийген кыз. Архив

Коронавирустун белгилери байкалса кайда кайрылуу керек? Телефондор

112
Дарыгерлер белгилегендей, коронавирус жуктуруп алган учурда адам чыйрыгып, кургак жөтөл башталып, бат чарчайт.

БИШКЕК, 24-окт. — Sputnik. Республикалык штаб коронавируска кабылган бейтаптар үчүн ишенимдүү номерлерди жарыялады.

Телефон номерлер:

  • 118 — 08:00дөн кечки 20:00гө чейин иштейт;
  • 112 — күнү-түнү;
  • 103 — тез медициналык жардам борбору;
  • 1833 — маалымдама кызматы.

Мындан сырткары, COVID-19дун кеңири жайылган белгилерин дагы бир ирет жарыялаган.

Ага ылайык, коронавирус жуктуруп алган учурда адам чыйрыгып, кургак жөтөл башталып, бат чарчайт.

Кез-кезде пайда болгон белгилер:

  • жыт же даам сезбөө;
  • мурундун бүтүшү;
  • конъюктивит (же көздөрдүн кызарышы);
  • тамак оору;
  • баш оору;
  • булчуңдардын жана муундардын оорушу;
  • териде ар кандай бүдүрлөрдүн пайда болушу;
  • көңүл айлануу же кусуу;
  • ич өтүү;
  • чыйрыгуу же баш айлануу.

COVID-19дун оор формасынын белгилери:

  • дем алуунун жетишсиздиги;
  • табиттин жоголушу;
  • көкүрөктүн катуу оорушу же кысылуусу;
  • дене табынын көтөрүлүшү (38 градустан жогору).

Кыргызстанда COVID-19га каршы дары 1,5 айга жетет. Бир шарт бар...

Дарыгерлер жогорудагы белгилердин бири байкалган учурда адам сөзсүз өзүн изоляцияга алып, өз алдынча дарыланбоого чакырат. Ошондой эле Үй-бүлөлүк дарыгерлер борбору менен байланышып же штаб жарыялаган телефондорго чалуу кажет.

112
Белгилер:
кеңеш, белги, ишеним телефону, коронавирус
Тема:
Коронавируска байланыштуу Кыргызстандагы кырдаал (2408)
Тема боюнча
Кыргызстандагы коронавирус: 582 киши ооруп калды, 324 бейтап сакайды
Кыргызстанда COVID-19га каршы дары 1,5 айга жетет. Бир шарт бар...
Адис: COVID-19ду алдын алууга антибиотиктер пайдасыз
Бишкек шаары. Архив

Бейшембиге карата аба ырайы

33
26-ноябрга караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 25-ноя. — Sputnik. Бейшембиде күндүз республика боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас облустарында +1...+6, Ош, Жалал-Абад, Баткен аймактарында +3…+8, Нарында -3…+2, Ысык-Көлдө -1…+4 градус болот.

Ош шаарында +4...+6 градус жылуу болсо, борбор калаада абанын температурасы +3...+5 градуска чейин жетет.

33
Белгилер:
Кыргызстан, ноябрь, аба ырайы
Тема боюнча
Күн качан жылыйт? Бир жумага карата аба ырайы
Киши баттирден ключ кармап турат. Иллюстративдик сүрөт

Мэрия аянтта көз жумган Үмүтбек Алтынбек уулунун атасына үй берүүнү пландап жатат

52
(жаңыланган 21:00 25.11.2020)
Белек кылынчу батир Бишкектин Анкара көчөсүндө жайгашкан. Үй Үмүтбектин атасы Алтынбек Жуматаевге акысыз негизде менчиктештирүү жолу менен өткөрүп берилмекчи.

БИШКЕК, 25-ноя. — Sputnik. Мэрия 5-6-октябрь күнү борбордук аянттагы кагылышууда көз жумган Үмүтбек Алтынбек уулунун атасына батир белек кылууну пландап жатат. Бишкек шаардык кеңешинин тийиштүү токтому коомдук талкууга коюлган.

Анда жазылгандай, белек кылынчу батир Бишкектин Анкара көчөсүндө жайгашкан. Үй Үмүтбектин атасы Алтынбек Жуматаевге акысыз негизде менчиктештирүү жолу менен өткөрүп берилмекчи.

Аталган токтом долбоору Турак жай кодексинин 5-13-58-беренелерине, "Мүлккө муниципалдык менчик жөнүндө" мыйзамдын 12-беренесине жана "Жергиликтүү өз алдынча башкаруу жөнүндө" мыйзамдын 18-беренесине ылайык ыйгарылмакчы.

Токтомдо 2020-жылдын 11-ноябрында ошол кездеги президенттин милдетин аткаруучу жана премьер-министр Садыр Жапаров бул боюнча тапшырма берип кеткендиги да белгиленген.

"6-ноябрда Садыр Жапаровдун атына Үмүтбек Алтынбек уулунун үй-бүлөсүнөн турак жай берүүнү суранган кайрылуусу келип түшкөн. Каза болгон бала төрт бир тууган болчу. Эң кичүүсү 7 айлык. Атасы механик болсо, апасы үй кожойкеси", — деп жазылган токтомдо.

Мэрия "Муниципалдык менчик жөнүндө" мыйзамдын 12-беренесинде "өзгөчө учурларда жергиликтүү кеңештин чечими менен муниципалдык менчиктеги турак жай фондунун объектилерин жеке адамдардын менчигине акысыз негизде өткөрүп берүү мүмкүн" деп көрсөтүлгөнүн белгилеп кеткен.

"Ала-Тоо" аянтындагы митингден жабыркагандар

Эске салсак, 5-октябрда "Ала-Тоо" аянтында парламенттик шайлоонун жыйынтыгына нааразы болгондор митинг өткөргөн. Кийинчерээк чогулгандар Ак үйдү басып алууга аракет кылып, жыйынтыгында милиция менен митингчилер кагылышып, бир топ адам жабыркап, 19 жаштагы Үмүтбек Алтынбек уулу көз жумган.

52
Белгилер:
үй-бүлө, батир, кагылыш, митинг, Үмүтбек Алтынбек улуу, Бишкек
Тема боюнча
Митингде бир көзүнөн айрылган Уларбектин таежеси: экинчи көзү да коркунучта
Легендарлуу футболчу Диего Марадона. Архив

Легендарлуу футболчу Диего Марадона көз жумду

0
(жаңыланган 22:50 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.

БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.

Аргентиналык спортчу 60 жашта болчу.

30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылган. Футбол адисинин акыркы жылдары басканы оорлошуп, өзүн начар сезип калган.

0
Тема боюнча
Роналду, Зидан, Марадона... Дүйнөлүк футболчулардын атын алган кыргызстандыктар