COVID-19 каршы вакцинасын өндүрүү. Архив

Өкмөт Россиядан COVID-19га каршы вакцинаны алып келүү шартын караштырууда

168
(жаңыланган 15:00 26.10.2020)
Казакбаевге "коронавируска каршы Россия иштеп чыккан вакцинаны Кыргызстанга жеткирүү боюнча сүйлөшүү уланып жатабы" деген суроо узатылган.

БИШКЕК, 26-окт. — Sputnik. Кыргызстандын Саламаттык сактоо министрлиги коронавируска каршы Россияда чыккан вакцинанын көлөмүн жана кандай шартта ала турганын карап жатат. Бул тууралуу КР ТИМ башчысы Руслан Казакбаев РИА Новостиге билдирген.

Министрге "коронавируска каршы Россия иштеп чыккан вакцинаны Кыргызстанга жеткирүү боюнча сүйлөшүү уланып жатабы" деген суроо узатылган.

"Азыркы мезгилде Россиянын коронавируска каршы чыгарган вакцинасынын көлөмү, аны жеткирүү боюнча маселени биздин өлкөнүн Саламаттык сактоо министрлиги карап жатат. Бир чечимге келгенден кийин бул маселени Россия менен талкуулайбыз", — деди Казакбаев.

Тышкы иштер министри коронавируска каршы дүйнөдөгү алгачкы препарат азыркы учурда абдан зарыл экенин айткан.

"Эпидемия күч алып турган оор мезгилде вакцина иштеп чыгуу адамзат үчүн өтө зарыл жана керек болуп саналат", — деди министр.

Ал Кыргызстандын калкын эмдөө үчүн Россиянын препаратын алуу маселеси буга чейин Бишкекте өткөн Кыргызстан менен Россиянын өкмөттөр аралык комиссиясынын соода-экономикалык, илимий-техникалык жана гуманитардык кызматташуу боюнча 22-жыйынында козголгонун эскертти.

Жыйында Россиянын өкмөт башчысынын орун басары Алексей Оверчук коронавирус инфекциясынын жаңы тибине каршы россиялык вакцинаны Кыргызстанга жеткирүү маселеси текшерүү стадияларынан өткөндөн кийин артыкчылыктуу тартипте карала турганын айткан

Вирусолог COVID-19га каршы вакцина жардам бере албай турган адамдардын тобун атады

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

168
Белгилер:
Руслан Казакбаев, вакцина, коронавирус, Кыргызстан, Россия
Тема:
Коронавируска байланыштуу Кыргызстандагы кырдаал (2415)
Тема боюнча
Борисов: Тез жардамдын медиктери айлыктан улам жумуштан ыйлап кетип жатышат
Өткөн суткада 420 киши коронавирус жуктурса, 227 бейтап айыкты
COVID: Кызыл Ай коомунун Бишкектеги ыктыярчылар бригадасы ишке киришти
Абак. Архив

Велосипедчен адамдын өлүмү. Таластын экс-башчысынын кеңешчиси үч жылга кесилди

9
(жаңыланган 12:24 27.11.2020)
Быйыл июлдун этегинде Талас облусунун башчысынын кеңешчиси делген Марслатбек Шералиев автоунаасы менен велосипедчен адамды коюп кетип, ал каза болуп калган.

БИШКЕК, 27-ноя. — Sputnik. Талас облусунун мурдагы жетекчиси Марат Мураталиевдин кеңешчиси делген Марслатбек Шералиев велосипедчен баланы сүзүп өлтүрүп алганы үчүн үч жылга кесилди. Бул тууралуу Жогорку соттун маалымат кызматы кабарлады.

Талас райондук сотунун өкүмү 23-ноябрда чыккан. Анда Шералиев Жазык кодексинин 297-беренесинде жана 135-беренесинин 1-бөлүгүндө көрсөтүлгөн кылмыштарды жасоодо күнөөлүү деп табылган. Натыйжада эки жылдык мөөнөткө айдоочулук укугунан ажыратуу менен 2 жыл 6 айга эркиндигинен ажыратылган.

"Жазык кодексинин 78-беренесине ылайык, белгиленген жазаларды жарым-жартылай кошуу жолу аркылуу биротоло эки жылдык мөөнөткө айдоочулук укугунан ажыратуу менен 3 жылдык мөөнөткө эркиндигинен ажыратуу түрүндөгү жаза дайындалды", — деп айтылат маалыматта.

Эске сала кетсек, быйыл 30-июлда Талас облусунун башчысынын кеңешчиси делген Марслатбек Шералиев автоунаасы менен велосипедчен адамды коюп кетип, ал каза болуп калган.

Милициянын билдиришинче, Toyota 4Runner айдаган 53 жаштагы Шералиев жолдун четинде велосипед менен келе жаткан 23 жаштагы А.А. аттуу жигитти коюп кетип, андан ары токтоп турган Mercedes үлгүсүндөгү жүк ташуучу автоунааны сүзгөн. Экспертизанын жыйынтыгы унаанын айдоочусу мас экенин аныктаган.

Өкмөттүн Талас облусундагы ошол кездеги өкүлү Марат Мураталиев ал айдоочу расмий түрдө өкүлчүлүктүн штаттык кызматында иштебегенин айтып, бирок кээде кеп-кеңешин берип турганын билдирген. Ошондой эле ал "афганчы" жана Улуттук коопсуздук кызматынын (азыркы УКМК) запастагы полковниги экенин кошумчалаган.

9
Белгилер:
өкүм, сот, кырсык, кеңешчи, Талас облусу
Тема боюнча
Талас башчысынын "кеңешчиси" сүзгөн велосипедчи көз жумду. Мураталиев үн катты
Ооруканадагы дарыгер. Архив

COVID болгон бейтаптарды кабыл алган Бишкектеги ооруканалар. Канча орун бош?

3
(жаңыланган 12:22 27.11.2020)
27-ноябрь саат 10:00гө карата 13 оорукананын ичинен учурда 12синде 260 орун бар. Ал эми Улуттук хирургия борборунда бош орун калбай калган.

БИШКЕК, 27-ноя. — Sputnik. Саламаттык сактоо министрлиги коронавирус жуктуруп алгандарды жаткыруу үчүн Бишкектеги бош оруну бар ооруканалардын тизмесин жарыялады.

Ага ылайык, 27-ноябрь саат 10:00гө карата 13 оорукананын ичинен учурда 12синде 260 орун бар. Ал эми Улуттук хирургия борборунда бош орун калбай калган.

  • Кыргыз-түрк "Достук" ооруканасы — 5;
  • Улуттук хирургия борбору — 0;
  • Улуттук госпиталь — 14;
  • Улуттук госпиталдын урология борбору — 16;
  • Улуттук фтизиатрия борбору — 2;
  • Улуттук кардиология жана терапия борбору — 13;
  • №1 шаардык клиникалык ооруканасы — 73;
  • Республикалык жугуштуу илдеттер ооруканасы — 28;
  • Темир жол ооруканасы — 10;
  • Эне жана баланы коргоо улуттук борбору — 14;
  • Улуттук онкология жана гематология ооруканасы — 8;
  • №2 клиникалык төрөт үйү — 8;
  • Улуттук госпиталдын урология борбору — 14;
  • Республикалык наркология борбору — 63.

Ушуну менен өлкөдө коронавирус жуктургандардын жалпы саны 71 548 болду. Анын ичинен 62 946 бейтап айыккан. Кечээ дагы беш адам каза таап, оорудан көз жумгандардын саны 1 256га жетти. 

3
Белгилер:
орун, дарылоо, оорукана, коронавирус, Бишкек
Тема:
Коронавируска байланыштуу Кыргызстандагы кырдаал (2415)
Тема боюнча
Соңку бир суткада коронавирус беш адамдын өмүрүн алып кетти
Жуктургандардын көбү Бишкекте жашайт. COVID боюнча жаңы статистика