Медкызматкер тез жардам унаасынын жанында. Архивдик сүрөт

Өткөн суткада COVID 596 кишиден табылды. 90 бейтаптын абалы өтө оор

152
(жаңыланган 11:34 30.10.2020)
Кечээтен бери жети медиктин коронавирус жуктуруп алганы аныкталса, ошол эле учурда жети медик ооруну жеңип, үйлөрүнө чыгарылган.

БИШКЕК, 30-окт. — Sputnik. Бир суткада Кыргызстанда коронавирус 596 адамдан табылып, 425 бейтап айыкты. Бул тууралуу Республикалык штабдан кабарлашты.

Жуктургандар:

  • Бишкек – 136;
  • Ош – 23;
  • Чүй облусу – 89;
  • Ош облусу – 64;
  • Талас облусу – 39;
  • Нарын облусу – 7;
  • Ысык-Көл облусу – 35;
  • Жалал-Абад облусу – 91;
  • Баткен облусу – 112.

COVID-19 жугузуп алган киши кайсы учурда өтө кооптуу

Айыккандар:

  • Бишкек – 90;
  • Ош шаары – 27;
  • Чүй облусу – 39;
  • Ош облусу – 59;
  • Талас облусу – 14;
  • Нарын облусу – 4;
  • Ысык-Көл облусу – 21;
  • Жалал-Абад облусу – 85;
  • Баткен облусу – 86.

Коронавирус: борбор калаанын ооруканаларында 149 орун бар

Учурда стационарларда 3 359 бейтап дарыланып жатат. Анын ичинен:

  • 78 – канааттандырарлык абалда;
  • 2 314 – орто оор абалда;
  • 877 – оор абалда;
  • 90 – өтө оор абалда.

3 814 бейтап медициналык жардамды амбулатордук шартта алышууда.

Бир сутка ичинде өлкө боюнча жети медицина кызматкеринин коронавирус жуктуруп алганы аныкталган. Ошол эле учурда жети медик ооруну жеңип, үйлөрүнө чыгарылды.

152
Белгилер:
медик, штаб, оору, коронавирус, статистика
Тема:
Кыргызстандагы коронавирус жуктуруп алгандар (1445)
Тема боюнча
Коронавирустан үч киши каза болду
COVID-19 жугузуп алган киши кайсы учурда өтө кооптуу
Бишкек шаары. Архив

Бейшембиге карата аба ырайы

29
26-ноябрга караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 25-ноя. — Sputnik. Бейшембиде күндүз республика боюнча күн ачык болот. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас облустарында +1...+6, Ош, Жалал-Абад, Баткен аймактарында +3…+8, Нарында -3…+2, Ысык-Көлдө -1…+4 градус болот.

Ош шаарында +4...+6 градус жылуу болсо, борбор калаада абанын температурасы +3...+5 градуска чейин жетет.

29
Белгилер:
Кыргызстан, ноябрь, аба ырайы
Тема боюнча
Күн качан жылыйт? Бир жумага карата аба ырайы
Киши баттирден ключ кармап турат. Иллюстративдик сүрөт

Мэрия аянтта көз жумган Үмүтбек Алтынбек уулунун атасына үй берүүнү пландап жатат

48
(жаңыланган 21:00 25.11.2020)
Белек кылынчу батир Бишкектин Анкара көчөсүндө жайгашкан. Үй Үмүтбектин атасы Алтынбек Жуматаевге акысыз негизде менчиктештирүү жолу менен өткөрүп берилмекчи.

БИШКЕК, 25-ноя. — Sputnik. Мэрия 5-6-октябрь күнү борбордук аянттагы кагылышууда көз жумган Үмүтбек Алтынбек уулунун атасына батир белек кылууну пландап жатат. Бишкек шаардык кеңешинин тийиштүү токтому коомдук талкууга коюлган.

Анда жазылгандай, белек кылынчу батир Бишкектин Анкара көчөсүндө жайгашкан. Үй Үмүтбектин атасы Алтынбек Жуматаевге акысыз негизде менчиктештирүү жолу менен өткөрүп берилмекчи.

Аталган токтом долбоору Турак жай кодексинин 5-13-58-беренелерине, "Мүлккө муниципалдык менчик жөнүндө" мыйзамдын 12-беренесине жана "Жергиликтүү өз алдынча башкаруу жөнүндө" мыйзамдын 18-беренесине ылайык ыйгарылмакчы.

Токтомдо 2020-жылдын 11-ноябрында ошол кездеги президенттин милдетин аткаруучу жана премьер-министр Садыр Жапаров бул боюнча тапшырма берип кеткендиги да белгиленген.

"6-ноябрда Садыр Жапаровдун атына Үмүтбек Алтынбек уулунун үй-бүлөсүнөн турак жай берүүнү суранган кайрылуусу келип түшкөн. Каза болгон бала төрт бир тууган болчу. Эң кичүүсү 7 айлык. Атасы механик болсо, апасы үй кожойкеси", — деп жазылган токтомдо.

Мэрия "Муниципалдык менчик жөнүндө" мыйзамдын 12-беренесинде "өзгөчө учурларда жергиликтүү кеңештин чечими менен муниципалдык менчиктеги турак жай фондунун объектилерин жеке адамдардын менчигине акысыз негизде өткөрүп берүү мүмкүн" деп көрсөтүлгөнүн белгилеп кеткен.

"Ала-Тоо" аянтындагы митингден жабыркагандар

Эске салсак, 5-октябрда "Ала-Тоо" аянтында парламенттик шайлоонун жыйынтыгына нааразы болгондор митинг өткөргөн. Кийинчерээк чогулгандар Ак үйдү басып алууга аракет кылып, жыйынтыгында милиция менен митингчилер кагылышып, бир топ адам жабыркап, 19 жаштагы Үмүтбек Алтынбек уулу көз жумган.

48
Белгилер:
үй-бүлө, батир, кагылыш, митинг, Үмүтбек Алтынбек улуу, Бишкек
Тема боюнча
Митингде бир көзүнөн айрылган Уларбектин таежеси: экинчи көзү да коркунучта
Легендарлуу футболчу Диего Марадона. Архив

Легендарлуу футболчу Диего Марадона көз жумду

0
(жаңыланган 22:50 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.

БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.

Аргентиналык спортчу 60 жашта болчу.

30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылган. Футбол адисинин акыркы жылдары басканы оорлошуп, өзүн начар сезип калган.

0
Тема боюнча
Роналду, Зидан, Марадона... Дүйнөлүк футболчулардын атын алган кыргызстандыктар