Өкмөт үйүнүн алдында экинчи митинг өтүп жатат

Энергетиктер митинги: Өкмөт үйүнүн алдына жаңы жетекчисин колдогондор да чыгышты

(жаңыланган 13:48 02.11.2020)
Чогулгандар "Түндүк электр" ишканасына жаңы дайындалган жетекчи Улан Астаркуловду колдоп келгенин айтышты. Учурда эки тарапта эки митинг өтүүдө.

БИШКЕК, 2-ноя. — Sputnik. Өкмөт үйүнүн алдында экинчи митинг өтүп жатат, алар дагы "Түндүк электр" ишканасынын кызматкерлери.

Чогулгандар жаңы дайындалган башкы директор Улан Астаркуловдун тарапташтары экенин айтышты. Ошол эле маалда өкмөт үйүнүн чыгыш тарабында "Түндүк электр" ишканасынын атайын формаларын кийген кызматкерлер жаңы жетекчинин келишине нааразычылыгын билдирип митинг өткөрүүдө. Алар мурдагы директор мыйзамсыз түрдө иштен алынды деп эсептешет.

  • Митинг работников ОАО Северэлектро у дома правительства в Бишкеке. 02 ноября 2020 года
    Өкмөт үйүнүн алдында экинчи митинг өтүп жатат, алар дагы "Түндүк электр" ишканасынын кызматкерлери
    © Sputnik / Эркин Садыков
  • Митинг работников ОАО Северэлектро у дома правительства в Бишкеке. 02 ноября 2020 года
    Чогулгандар жаңы дайындалган башкы директор Улан Астаркуловдун тарапташтары экенин айтышты.
    © Sputnik / Эркин Садыков
1 / 2
© Sputnik / Эркин Садыков
Өкмөт үйүнүн алдында экинчи митинг өтүп жатат, алар дагы "Түндүк электр" ишканасынын кызматкерлери

Астаркуловдун тарапташтары кызматтык формасын кийген эмес, бирок "Түндүк электрде" иштегенин далилдеген кызматтык күбөлүгүн көрсөтүштү.

Аламүдүн району боюнча өткөрүү инженери Алмаз Сарбагышов кызматкерлер акцияга атайын кызматтык формасын кийип чыкпаганын белгилеп, аны менен митингге чыгуу туура эмес экенин айтты.

"Түндүк электр" ишканасынын айланасындагы чуу

30-октябрь күнү эртең менен Улуттук энергетикалык холдингдин жанына 40ка жакын адам чогулган. Алар "Түндүк электр" ишканасынын директорлор кеңеши компаниясынын жетекчилигине Улан Астаркуловдун дайындалганына нааразы болуп чыгышкан.

Митингчилердин айтымында, Астаркулов кылмыш иштин фигуранты болуп саналат.

Ошол эле күнү алар өкмөт үйүнүн алдына барып, Садыр Жапаровдун чыгышын талап кылышкан. Чогулгандар менен Мамлекеттик мүлктү башкаруу фондунун статс-катчысы Илияз Ташбаев жолуккан.

Энергетиктер ага "Түндүк электр" ишканасынын мурдагы башчысы Доскул Бекмурзаев кызматтан мыйзамсыз кеткенин билдиришкен. Алардын айтымында, мурдагы жетекчи арызды 28-октябрь күнү жазса, жаңы жетекчи жамаатка бир күн мурда тааныштырылган.

Ташбаев мурдагы жетекчи Бекмурзаевди 28-октябрдан тарта кызматтан бошотуу боюнча чечим бар экенин кабарлаган.

Бирок акциянын катышуучулары мурдагы башчы кызматтан өз каалоосу менен кетүү боюнча арыз жазбаганын айтышып, ишкана башчысы мыйзамсыз дайындалганын билдиришкен.

Ташбаев жумуштан кеткен аткаминер чечим менен макул болбосо, сотко өзү кайрыла алат деп түшүндүргөн.

Белгилер:
нааразычылык акциясы, дайындоо, жетекчи, митинг, "Түндүк Электр" ишканасы
Тема боюнча
Бишкекте митингге чыккан энергетиктер эмнеге нааразы? Видео
Бишкекте энергетиктер кайрадан митингге чыгышты. Сүрөт
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты