Бишкек шаарына көрүнүш. Архивдик сүрөт

Бишкекте ижарачылар мэрияга 380 млн. сом карыз

71
(жаңыланган 10:42 03.11.2020)
Бишкек муниципалитети келишимдеги шарттарды так аткарбаган ижарачылар менен иштешүүнү токтоткону жатат.

БИШКЕК, 3-ноя. — Sputnik. Бишкекте 223 ижарачы бюджетке 380 миллион сомдон ашык карыз болгонун муниципалитеттен билдиришти.

Мындан улам мэрия аларды келишимдин негизинде карыздарынан эртерээк кутулууга чакырат. Бүгүн шаар жетекчилиги ижарага алган жер тилкелерин туура эмес максатта пайдаланып, ошол эле учурда ижарасын төлөбөй келген жарандар менен келишимди бир тараптуу жокко чыгарууну пландап жатат.

Кыргызстандагы бизнес кризиске туруштук бере алабы? Ишкерлердин ачык пикири

Ошондой эле көп кабаттуу үйлөрдү курууда ишкерлер мэрияга бир нече батир бериши керектиги айтылат. Кийин муниципалитет аны муктаждарга бөлүштүрөт. Учурда турак жай алуу үчүн кезекте 3500 шаардык турат.

Инвентаризациянын жыйынтыгы боюнча, шаарда көп кабаттуу үй курууга 35 жер тилке бөлүнгөн. Бул жерлерге курулган турак жайдын 10 пайызы мэрияга тиешелүү болуусу шарт. Бирок 2-ноябрдагы маалыматка караганда, төрт гана келишим түзүлгөн.

71
Белгилер:
карыз, ижара, Бишкек мэриясы, Бишкек
Тема боюнча
Балбак Түлөбаев ишке киришери менен эки вице-мэр кызматтан кетти
Бишкек менен Оштогу батирлердин ижара акысы. Жаңыланган маалымат

Бишкектеги батирлер канча турат? Ноябрь айындагы баалар

6
Окурманга ыңгайлуу болушу үчүн биз бир, эки жана үч бөлмөлүү турак жайлардын ар кандай түрүнүн орточо наркын көрсөттүк.

Sputnik Кыргызстан маалымат агенттиги ай сайын Бишкек шаарындагы 104, 105, 106-сериялардагы, "хрущевка" жана жеке типтеги батирлердин сатылган бааларына байкоо жүргүзүп келет.

Бул материалды даярдоодо 3 891 жарыя иликтөөгө алынган. Ачык маалыматтардагы бааларга ылайык, бир бөлмөлүү батирдин орточо наркы ноябрь айында төмөнкүнү көрсөттү:

  • 104-серия — 30 200 доллар (23 000ден 35 500 долларга чейин);
  • 105-серия— 29 300 (21 500дөн 40 000ге чейин);
  • 106-серия —32 500 (23 500дөн 44 000ге чейин);
  • "хрущевкалар" — 26 600 (21 500дөн 36 500гө чейин);
  • жеке типтеги батирлер — 29 200 (14 000ден 56 500гө чейин).

Эки бөлмөлүү батирлердин орточо наркы:

  • 104-серия — 36 500 доллар (29 000ден 46 000 долларга чейин);
  • 105-серия— 42 000 (30 000ден 54 500гө чейин);
  • 106-серия — 44 000 (27 500дөн 65 500гө чейин);
  • "хрущевкалар" — 33 600 (26 500дөн 48 500гө чейин);
  • жеке типтеги батирлер — 41 300 (18 500дөн 90 000ге чейин).

Үч бөлмөлүү батирлердин орточо наркы:

  • 104-серия — 44 300 доллар (35 000ден 61 500 долларга чейин);
  • 105-серия— 53 100 (32 500дөн 86 500гө чейин);
  • 106-серия — 56 500 (39 500дөн 76 500гө чейин);
  • "хрущевкалар" — 41 200 (27 500дөн 51 500гө чейин);
  • жеке типтеги батирлер — 56 300 (27 500дөн 157 000ге чейин).
6
Белгилер:
нарк, сатуу-сатып алуу, сатуу, батир, турак-жай, Бишкек, Кыргызстан
Тема боюнча
Бишкек менен Ошто ижарага берилчү батирлердин ушул аптадагы баасы. Инфографика
Трансформатор. Архив

Кең-Сайдагы дагы бир коррупция. Эки трансформатор сегиз эсе кымбат алынган

9
(жаңыланган 17:33 04.12.2020)
Эки трансформатордун баасы дээрлик сегиз эсе жасалма кымбат көрсөтүлүп, анын кесепетинен мамлекет тарткан чыгымдын баасы 73,4 миллион сом болгон.

БИШКЕК, 4-дек. — Sputnik. Ош облусундагы Кең-Сай конушуна 10 миллион сомдук эки трансформатордун баасын жогорулатып, 82,6 миллион сомго алынган коррупциялык фактыны Финансы полициясы таап чыгып, иликтеп жатат. Бул туурасында аталган ведомстводон кабарлашты.

Эсептей келгенде алар өзүнүн баасынан сегиз эсеге кымбаттатылган.

Финансы полициясынын Ош шаардык башкармалыгы иштин көлөмүн көбөйтүп жана мамлекеттик бюджеттин акчасын өз чөнтөгүнө салып алуу фактысын сотко чейинки өндүрүш менен иликтеп жатканы маалымдалды.

Ош облусунун Капиталдык курулуш боюнча башкармалыгы менен "Э" деп аталган ачык типтеги акционердик коому (Финполиция ишкананын атын так айткан жок) Кең-Сай конушун электр менен камсыздай турган, баасы 200 миллион сомдук курулуш иштерин аткарууга келишим түзгөн.

Башкы подрядчы болгон ачык типтеги акционердик коом келишимдин негизинде субподрядчы катары "С.Т." аталышындагы ЖЧК менен макулдашат. Анда айтылган ЖЧК электр жабдууларды алып келүү жана жалпы курулуш иштерин жасоо милдетин алган. Андан айтылган ЖЧК 82,6 миллион сомго эки даана трансформатор алып келген. Маалыматта анын өзүнүн баасы 10 миллион сом тургандыгы айтылды.

"Ошентип, эки трансформатордун баасы дээрлик сегиз эсе кымбат көрсөтүлүп, анын кесепетинен мамлекет тарткан чыгымдын баасы 73,4 миллион сом болгон. Эске сала кетсек, ушуга окшогон дагы бир факты боюнча аталган ЖЧКнын жетекчиси П.Т. кармалып, убактылуу тергөө абагына киргизилген", — деп айтылат маалыматта.

Эске салсак, дал ушул Кең-Сай жаңы конушуна кетчү жолго бөлүнгөн 42,9 миллион сомго ишти аягына чейин бүтүрбөй койгон факты туурасында Финансы полициясы мындан эки күн мурда эле билдирген. Бүгүнкү күндө объект пайдаланууга берилбей, ал эми аткарылбай калган жумуштун чыгымы 13 миллион сом деп бааланган.

9
Белгилер:
трансформатор, коррупция, финансы полициясы, Ош шаары
Тема боюнча
23 млн. доллар... Финпол кылмыштуу кирешени адалдаган схеманы аныктады
Оштун жака белиндеги Кең-Сай конушу өзгөчө шаарчага айланат. Эскиз