Вице-премьер Эльвира Сурабалдиева Токмок шаарындагы капиталдык оңдоодон өтүп, ишке берилген ооруканага барган

COVID-19дун экинчи толкуну. Өлкө боюнча ооруканалардын даярдыгы текшерилет

136
(жаңыланган 16:30 03.11.2020)
Вице-премьер Сурабалдиева Токмок шаарындагы капиталдык оңдоодон өткөн ооруканага барып, дарыгерлер менен жолугуп, алардын ак эмгеги үчүн ыраазычылык билдирген.

БИШКЕК, 3-ноя. — Sputnik. Коронавирустун экинчи толкунуна карата өлкө боюнча ооруканалардын даярдыгы текшерилет. Бул тууралуу вице-премьер Эльвира Сурабалдиева билдиргенин өкмөттүн маалымат кызматы кабарлады.

  • Коронавирустун экинчи толкунуна карата өлкө боюнча ооруканалардын даярдыгы текшерилет
    Коронавирустун экинчи толкунуна карата өлкө боюнча ооруканалардын даярдыгы текшерилет
    © Пресс-служба правительства / Алишер Алиев
  • Ага ылайык, бүгүн вице-премьер Токмок шаарындагы капиталдык оңдоодон өтүп, ишке берилген ооруканага барган
    Ага ылайык, бүгүн вице-премьер Токмок шаарындагы капиталдык оңдоодон өтүп, ишке берилген ооруканага барган
    © Пресс-служба правительства / Алишер Алиев
  • Сурабалдиева дарыгерлер менен жолугуп, алардын ак эмгеги үчүн ыраазычылык билдирген
    Сурабалдиева дарыгерлер менен жолугуп, алардын ак эмгеги үчүн ыраазычылык билдирген
    © Пресс-служба правительства / Алишер Алиев
  • Вице-премьер дары-дармектин запасы 2-3 айга жетиштүү деген маалымат алганын белгилеген
    Вице-премьер дары-дармектин запасы 2-3 айга жетиштүү деген маалымат алганын белгилеген
    © Пресс-служба правительства / Алишер Алиев
1 / 4
© Пресс-служба правительства / Алишер Алиев
Коронавирустун экинчи толкунуна карата өлкө боюнча ооруканалардын даярдыгы текшерилет

Ага ылайык, бүгүн вице-премьер Токмок шаарындагы капиталдык оңдоодон өтүп, ишке берилген ооруканага барган. Сурабалдиева дарыгерлер менен жолугуп, алардын ак эмгеги үчүн ыраазычылык билдирген.

"Кыйын учурда, айрыкча кызыл зонадагы дарыгерлер жана ыктыярчылар бир муштумга биригип, чоң жардам бердиңиздер. Сиздерге мамлекетибиздин атынан чоң ыраазычылык билдирем. Учурда дүйнө жүзү боюнча пандемиянын экинчи толкуну болжолдонууда. Эпидемиологдор оорунун өнүгүү сценарийлерин талдап, дартты жеңүү жолдорун карап жатабыз. Дарыгерлер менен ыктыярчылар көзгө көрүнбөгөн душман менен алышууда", — деди Сурабалдиева.

Вице-премьер дары-дармектин запасы 2-3 айга жетиштүү деген маалымат алганын белгилеген.

"Оорукана жетекчилерине дагы бир ирет кайрылып кетем. Кызыл зонада иштеген медиктерге дары-дармек, жеке коргонуу каражаттары жана бет кап жетиштүү болушу керек. Дарыканаларда дары-дармек жетиштүү болгону менен оорукананын ичинде иштеген медиктерге жетпей жаткан учурлар болду. Келечекте республика боюнча толук маалыматты камтыган атайын сайт түзүү пландалууда. Анда ар бир дарыгердин муктаждыгы, дары-дармектер кандай иретте бөлүштүрүлүп жатканы толугу менен көзөмөлгө алынат", — деди ал.

Пульмонолог: дарыгер айтмайынча компьютердик томография, рентгенге барбагыла!

Вице-премьер Токмок шаардык ооруканасынын коронавирус менен күрөшүүдөгү өзгөчө ордун белгилеп, дарыгерлердин ишине ийгилик каалады. Ошондой эле маселе жаралса, тийиштүү органдар менен биргеликте көмөк көрсөтүүгө даяр экендигин билдирген.

136
Белгилер:
жолугушуу, дарыгер, оорукана, Токмок, Эльвира Сурабалдиева
Тема:
Коронавируска байланыштуу Кыргызстандагы кырдаал (2434)
Тема боюнча
Пульмонолог: дарыгер айтмайынча компьютердик томография, рентгенге барбагыла!
COVID-19: вирусолог кырдаал качан жакшырарын боолголоду
COVID-19 вакцинасынын изилдөө иштери. Архивдик сүрөт

Кыргызстан ЕККУдан вакцина сатып алууга көмөктөшүүнү өтүндү

10
(жаңыланган 14:06 05.12.2020)
Вакцина баары үчүн жеткиликтүү болушу зарыл. Ошону менен бирге эле айрым мамлекеттердин да препаратты ыксыз көп сатып алуусуна жол бербөө керек.

БИШКЕК, 5-дек. — Sputnik. Тышкы иштер министри ЕККУну өнүгүп келе жаткан өлкөлөргө коронавируска каршы вакцина сатып алууга жардам берүүгө чакырды.

ТИМдин маалыматы боюнча, Казакбаев 3-4-декабрь күндөрү ЕККУга мүчө мамлекеттердин тышкы иштер министрлер кеңешинин 27-жыйынына катышкан.

"Министр өз сөзүндө COVID-19га каршы вакцинанын жалпыга жеткиликтүү болушун камсыздоо маселеси курч экенин белгиледи. Мындан тышкары, препаратты элинин саны аз өлкөлөрдүн ыксыз көп сатып алуусуна да жол берилбеши керектигине токтолгон. Мындан улам ЕККУдан өнүгүп келе жаткан мамлекеттерге вакцинаны сатып алууга жардам берүүнү өтүндү", — деп айтылат маалыматта.

Эскерте кетсек, ооруга каршы бир катар вакцина иштелип чыккан, анын үчөө Россияга таандык. Жакында эле РФ президенти Владимир Путин үч вакцинаны тең ЖККУ өлкөлөрүнө жеткирүү маселеси жана биргелешип өндүрүү мүмкүнчүлүгү каралып жатканын билдирген.

10
Белгилер:
коронавирус, Россия, ЕККУ, вакцина, Руслан Казакбаев
Тема:
Коронавируска байланыштуу Кыргызстандагы кырдаал (2434)
Тема боюнча
Кыргызстан референдум өткөрүүгө БУУдан техникалык жардам сурады
COVID-19 каршы вакцинация өткөрүү. Архивдик сүрөт

Москвада адамдарды коронавируска каршы эмдөө башталды

19
(жаңыланган 13:32 05.12.2020)
Азырынча эмдөөдөн саламаттык сактоо тармагында жана шаардык социалдык кызматтарда иштегендер өтө алат.

БИШКЕК, 5-дек. — Sputnik. Москвада чоңдордун бейтапканасында коронавируска каршы вакцинациялоо кабинети иштей баштады. Бул туурасында РИА Новости билдирди. 

Учурда 70 кабинет элди кабыл алып жатат, жыл соңуна чейин дагы 100 бөлмө ачылары айтылат. Медиктер жарандарды эртең мененки саат 8:00дөн 20:00гө чейин кабыл алат.

Азырынча эмдөөдөн тобокелчилик тобундагы адамдар — билим берүү, саламаттык сактоо тармагында жана шаардык социалдык кызматтарда иштегендер өтө алат.  Ал үчүн mos.ru сайты аркылуу алдын ала (эки жума мурун) кезекке жазылуу керек.

18ден 60 жашка чейинки курактагы, өнөкөт оорулары жок, мурда коронавирустун вакцинасын клиникалык изилдөөгө катышпаган, соңку 30 күндүн аралыгында эмделбеген, курч респиратордук оорулар менен оорубаган москвалыктар вакцина ала алат. Ал эми кош бойлуу жана бала эмизген аялдарга колдонууга болбойт.

Алар Гамалея борборунда иштелип чыккан "Спутник V" вакцинасы менен эмдөөдөн өтүшөт. Препараттын негизги артыкчылыгы коопсуз, майнаптуу жана узакка созулган терс кесепети жок ыкмаларсыз жасалгандыгында экендигин айтышкан.

Россияда азыркы тапта "Спутник V" препараты эки миллиондон ашуун дозада чыгарылган. Эмдөө кеңейтилип отуруп Москванын бардык тургундарына жасалат.

Вице-премьер Татьяна Голикова кийинки жуманын аягында Россиянын бардык региондорунда вакцинация башталарын билдирген.

19
Тема:
Дүйнөгө жайылган коронавирус
Тема боюнча
Коронавирус G20 саммитин бузду. Батыш башканын вакцинасын батырбайт
Сурабалдиева: Россиядан COVID-19га каршы вакцинаны алып келүү графиги даяр
Адис COVID-19га каршы вакцина организмди канчалык коргой аларын айтты