Төө буурчак. Архив

Финпол төө буурчактын баасын негизсиз арзандаткан алып сатарларды аныктады

2042
(жаңыланган 17:10 03.11.2020)
Комиссиянын ишинин натыйжасында төө буурчактын баасын 10 сомго чейин жогорулатууга шарт түзүлгөнү белгиленет.

БИШКЕК, 3-ноя. — Sputnik. Талас облусунда төө буурчактын баасын атайылап арзандатып жаткан фактылар аныкталды. Бул тууралуу Финполдун маалымат кызматы кабарлады.

Билдирмеге караганда, Экономикалык кылмыштарга каршы күрөшүү кызматынын төрагасы Сыймык Жапыкеев алгачкы кеңешмесинде төө буурчактын баасын жасалма түрдө арзандатып келген алып сатарлардын ишине бөгөт коюу тапшырмасын берген.

Анын алкагында Финпол Талас облусунун жергиликтүү бийлиги жана Салык инспекциясы менен биргеликте комиссия түзгөн.

"Рейддин алкагында ишмердүүлүгү салык органдарында катталбаган тараптар Талас облусундагы фермерлерден өтө арзан баада төө буурчак сатып алып жаткан бир нече фактылар аныкталды. Алар алган товарды кайра кымбат баада сатуу максатын көздөгөн. Мындан ары бааларга мониторинг жасалып, сатып алуучулар менен бааны негизсиз төмөндөтпөө боюнча түшүндүрүү иштери жүргүзүлөт", — деп айтылат маалыматта.

Аталган факты Кылмыш жана жоруктардын бирдиктүү реестрине катталып, сотко чейинки өндүрүш ачылды.

Таластын төө буурчагы 28 өлкөгө экспорттолуп, Македонияга чейин жетти

Бул иштердин натыйжасында төө буурчактын баасын жогорулатууга шарт түзүлгөнү белгиленет.

Ага ылайык, ушул жылдын октябрь айында дыйкандар "лопатка" сортундагы төө буурчакты 67-70 сомдон сатышса, ноябрда 86-88 сомго чыкты. Ал эми түстүү төө буурчак октябрда 80-85 сом болсо, азыркы баасы 96-100 сомго жетти.

2042
Белгилер:
баалар, төө буурчак, финансы полициясы
Тема боюнча
Чет өлкөдөн машина ташыгандар бюджетке 82 млн. сом төлөбөй койгону аныкталды
Кылмыштуу топ ишкердин мойнуна 100 миң доллар илип койгон. Шектүүлөр кармалды
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

9
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

9
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео
Парктагы кишилер

Ишембиге карата аба ырайы

40
(жаңыланган 22:26 27.11.2020)
28-ноябрда жана 29-ноябрда түнкүсүн көпчүлүк аймактарда мезгил-мезгили менен кар жаайт. Батыштан соккон шамалдын ылдамдыгы айрым жерлерде секундасына 15-20 метрге жетиши күтүлөт.

БИШКЕК, 27-ноя. — Sputnik. Ишемби күнү, өлкөнүн көпчүлүк аймактарында кар жаашы күтүлүүдө. Бул тууралуу Кыргызгидромет билдирди.

Абанын температурасы Чүйдө -3...+2, Талас өрөөнүндө -4...+1 градуска жетсе, Ош, Жалал-Абад жана Баткен облустарында -3...+2, Ысык-Көл ойдуңунда 1...6, Нарын жергесинде -4...+1 градусту көрсөтүп турат.

Ош жана Бишкек шаарларында абанын башы 0...+2 градуска жетет.

40
Белгилер:
Кыргызстан, аба ырайы
Тема боюнча
Жол тайгакта айдоочулар эсинен чыгарбай турчу 6 эреже
Шашылыш билдирүү! Дем алыш күндөрү кар жаайт