Компьютердик оюндарды ойноп жаткан бала. Архив

Агрессивдүү оюндарды көп ойногон бала кийин кылмышкер болобу

72
Адистин айтымында, бала оюн учурунда бир нерсени "талкалап" же бирөөнү "өлтүрүп" жатканда, тескерисинче, анда чечим кабыл алуу, жоопкерчилик сыяктуу сезимдер жакшы өрчүйт.

БИШКЕК, 4-ноя. — Sputnik. Агрессивдүү оюндарга жакын балдардан кийин кылмышкер чыгат деген түшүнүк туура эмес. Бул жөнүндө РИА Новости агенттигине балдар психологу жана оюндар боюнча адис Александр Покрышкин билдирди.

"Айрым ата-энелер атышуу, согуш, кимдир бирөөгө үстөмдүк көрсөтүү жөнүндөгү оюндарды жактыра бербейт. Атургай мындай оюндарга жакын балдардан кийин кылмышкер чыгышы мүмкүн деп жаңылыш ойлонушат. Бала үчүн кандай оюн болбосун ал жөн гана көңүл ачуу жана убакыт өткөрүү. Баланын негизги максаты оюндан ырахат алуу", — дейт Покрышкин.

Адистин айтымында, бала оюн учурунда бир нерсени "талкалап" же бирөөнү "өлтүрүп" жатканда, тескерисинче, анда чечим кабыл алуу, жоопкерчилик сыяктуу сезимдер жакшы өрчүйт.

Оюнчукту бат сындырат. Кандай балдардан акылдуу адам чыгат

Покрышкин адамда социалдык жоопкерчиликтин жоктугу жана кылмышка жөндөмдүүлүгү кичинекейинде ойногон оюндан эмес, психологиялык соккулардан улам пайда болорун кошумчалады.

Мындан тышкары, психолог ата-энелерге акыркы кездерде өтө популярдуу болуп калган өнүктүрүүчү оюндарды аша чаап кетпей, чеги менен ойнотууга үндөйт.

72
Белгилер:
психология, оюн, бала
Тема боюнча
Калем менен көбүрөөк жазган балдар акылдуу болот. Адис себебин айтты
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

29
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

29
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео
Парктагы кишилер

Ишембиге карата аба ырайы

50
(жаңыланган 22:26 27.11.2020)
28-ноябрда жана 29-ноябрда түнкүсүн көпчүлүк аймактарда мезгил-мезгили менен кар жаайт. Батыштан соккон шамалдын ылдамдыгы айрым жерлерде секундасына 15-20 метрге жетиши күтүлөт.

БИШКЕК, 27-ноя. — Sputnik. Ишемби күнү, өлкөнүн көпчүлүк аймактарында кар жаашы күтүлүүдө. Бул тууралуу Кыргызгидромет билдирди.

Абанын температурасы Чүйдө -3...+2, Талас өрөөнүндө -4...+1 градуска жетсе, Ош, Жалал-Абад жана Баткен облустарында -3...+2, Ысык-Көл ойдуңунда 1...6, Нарын жергесинде -4...+1 градусту көрсөтүп турат.

Ош жана Бишкек шаарларында абанын башы 0...+2 градуска жетет.

50
Белгилер:
Кыргызстан, аба ырайы
Тема боюнча
Жол тайгакта айдоочулар эсинен чыгарбай турчу 6 эреже
Шашылыш билдирүү! Дем алыш күндөрү кар жаайт