Экс-премьер-министр Мухаммедкалый Абылгазиев. Архивдик сүрөт

Экс-премьер Абылгазиевге кылмыш иши козголобу? Башкы прокурордун жообу

427
(жаңыланган 16:55 04.11.2020)
Буга чейин финансы полициясы Мухаммедкалый Абылгазиевди өлкөдөн сыртка чыгуусуна тыюу салган. Кийинчерээк ал суракка чакырылган, бирок кайсы иш боюнча экени ачыкталган эмес.

БИШКЕК, 4-ноя. — Sputnik. Экс-премьер-министр Мухаммедкалый Абылгазиевдин коррупцияга тиешеси бар экенин тастыктаган факты аныкталса, анда ал мыйзам чегинде жазасын алышы керек. Бул тууралуу башкы прокурор Курманкул Зулушев маалымат жыйында билдирди.

Анын айтымында, пандемия убагында мыйзамсыз аракеттер боюнча Саламаттык сактоо министрлигинин өкүлдөрүнө карата бир нече кылмыш иши ачылган. Ал эми Абылгазиевге карата радиожыштыктар боюнча иш сотко чейинки өндүрүшкө алынып, бирок айыбы угузулган эмес.

Сурак берип чыккан Абылгазиев өлкөдөн сыртка чыкпай турганын айтты

"Менин иштегениме 10 эле күн болду, азырынча анын кылмышка тиешеси тууралуу маалыматтарды ала элекмин. Иш жүрүп жатат. Абылгазиевдин пандемия убагындагы мыйзамсыз иштерге тийиштиги бар болуп чыкса, жоопкерчиликке тартылышы керек. Экс-премьер азыр каякта экенин билбейм, анын иши менен азырынча тааныша элекмин", — деди Зулушев.

Буга чейин финансы полициясы Мухаммедкалый Абылгазиевдин өлкөдөн сыртка чыгуусуна тыюу салган. Эгер ал чет өлкөгө кетүүгө аракет жасаса кармалары айтылган. Кийинчерээк экс-премьер суракка чакырылган, бирок кайсы иш боюнча экени ачыкталган эмес.

Радиожыштык чыры

Эскерте кетсек, жыштык сатуу боюнча ишти Аскер прокуратурасы менен УКМК иликтөөдө.

Үстүбүздөгү жылдын 14-майында Мамлекеттик байланыш агенттигинин экс-жетекчиси Наталья Черногубова уюлдук операторлордун бири жана Байланыш комитетинин кызматкерлери менен жең ичинен сүйлөшүү жүргүзгөн деген шек менен кармалган. Андан кийин агенттиктеги коррупция иши боюнча беш адам колго түшүрүлгөн, арасында УКМКнын да кызматкерлери бар экени айтылган болчу.

Мухаммедкалый Абылгазиевге Кыргызстандан чыгууга тыюу салынды

20-май күнү депутат Жанар Акаев Жогорку Кеңеште өкмөт эки радиожыштыкты төмөн баада сатканын билдирген. Эл өкүлүнүн айтымында, мындай аракет премьер-министр Мухаммедкалый Абылгазиевдин кийлигишүүсү жок ишке ашмак эмес. Акаев келтирилген зыянды 5 миллиард сом деп баалаган. Эртеси Абылгазиев айыптоолорго жооп берип, тергөөгө басым жасады деген кинеден оолак болуу үчүн кыска мөөнөттүү эмгек өргүүгө чыккан.

12-июнда аталган иштин алкагында "Ала-ТВ" компаниясынын негиздөөчүсү кармалган (ушул компаниянын жыштыгы уюлдук операторго сатылганы айтылган).

15-июнда Мухаммедкалый Абылгазиев бул ишке тиешеси жок экенин айтып, отставкага кеткен.

427
Белгилер:
Башкы прокурор, кылмыш иши, Мухаммедкалый Абылгазиев
Тема боюнча
Сурак берип чыккан Абылгазиев өлкөдөн сыртка чыкпай турганын айтты
Финпол экс-премьер Абылгазиевди суракка чакырды
Финпол: мурдагы өкмөт башчы Абылгазиев суракка келди
Парктагы кишилер

Ишембиге карата аба ырайы

32
(жаңыланган 22:26 27.11.2020)
28-ноябрда жана 29-ноябрда түнкүсүн көпчүлүк аймактарда мезгил-мезгили менен кар жаайт. Батыштан соккон шамалдын ылдамдыгы айрым жерлерде секундасына 15-20 метрге жетиши күтүлөт.

БИШКЕК, 27-ноя. — Sputnik. Ишемби күнү, өлкөнүн көпчүлүк аймактарында кар жаашы күтүлүүдө. Бул тууралуу Кыргызгидромет билдирди.

Абанын температурасы Чүйдө -3...+2, Талас өрөөнүндө -4...+1 градуска жетсе, Ош, Жалал-Абад жана Баткен облустарында -3...+2, Ысык-Көл ойдуңунда 1...6, Нарын жергесинде -4...+1 градусту көрсөтүп турат.

Ош жана Бишкек шаарларында абанын башы 0...+2 градуска жетет.

32
Белгилер:
Кыргызстан, аба ырайы
Тема боюнча
Жол тайгакта айдоочулар эсинен чыгарбай турчу 6 эреже
Шашылыш билдирүү! Дем алыш күндөрү кар жаайт
Медициналык кызматкер ВИЧке кан анализин жүргүзүп жатат

Жалал-Абадда ВИЧ илдетин жуктургандарды аныктоо боюнча акция башталды

61
(жаңыланган 18:19 27.11.2020)
Өнөктүк маалында жашоочулар анонимдүү түрдө акысыз текшерүүдөн өтө алат. Иш-чара 27-ноябрдан баштап 1-декабрга чейин уланмакчы.

БИШКЕК, 27-ноя. — Sputnik. Жалал-Абад облусунда "ВИЧ-СПИД илдети боюнча өз макамыңды бил" аттуу акция башталды. Бул тууралуу аталган аймактагы СПИДге каршы күрөшүү жана алдын алуу борборунан билдиришти.

Борбордун башкы дарыгери Элмира Сатарованын айтымында, облус аймагында илдетти жыныстык жол менен жуктуруп алган эркектердин саны өскөн. Мындан улам өзүнүн ВИЧ-инфекциясын жуктуруп алганын билбей жүргөндөрдү эртерээк аныктап, дарылоо максатында атайын иш-чара уюштурулган.

"Акция учурунда жашоочулар анонимдүү түрдө акысыз текшерүүдөн өтө алат. Иш-чара 27-ноябрдан баштап 1-декабрга чейин уланат", — деди Сатарова.

Маалым болгондой, облуста илдетти жугузгандардын 62 пайызы ооруну жыныстык жол менен илештирсе, 27 пайызы кан аркылуу, беш пайызы энеден балага жуккан.

Учурда Жалал-Абад облусунда 1 087 адамдын ВИЧ-инфекциясына чалдыккандыгы аныкталган. Жыл башынан бери 36 адам аталган дартты жуктуруп, алардын 56 пайызы эркектер экени кошумчаланды.

61
Белгилер:
акция, аныктоо, оору, ВИЧ, СПИД, Жалал-Абад
Тема боюнча
Кыргызстанда ооруканада ВИЧ/СПИД жуктургандарга компенсация төлөнөт
Портфель менен киши. Архив

Беш өлкө Кыргызстандын карызын төлөө мөөнөтүн жылдырып берди. Тизме

0
(жаңыланган 22:03 27.11.2020)
Өлкө бийлиги тышкы карызды тейлөө боюнча бир катар мамлекеттер менен мөөнөттү жылдыруу боюнча сүйлөшүүлөрдү жүргүзүп жатат.

БИШКЕК, 27-ноя. — Sputnik. Кыргызстандын тышкы карызын тейлөө мөөнөтүн жылдыруу боюнча беш мамлекет менен макулдашуулар болду. Бул тууралуу Sputnik Кыргызстан агенттигине Финансы министрлигинен билдиришти.

"Бүгүнкү күндө нөл пайыздык чен менен карыздарды төлөп берүү мөөнөтүн жылдыруу боюнча беш кредитор менен макулдаштык. Алар: БАЭ, Сауд Аравиясы, Германия (KfW, Euler Hermes) жана Түркия”, — деп айтылат билдирүүдө.

Пролонгация кылынган каражаттын көлөмү 51 миллион долларга жетти. Аны мамлекет төрт жылдын ичинде кутулушу керек.

Дагы алты кредитор, анын ичинен Париж клубунун мүчөлөрү (Франция, Дания, Түштүк Корея, Япония) менен дагы сүйлөшүүлөр уланып жатат.

Эске салсак, Кыргызстандын мамлекеттик карызы 4,8 миллиард доллардан жогору. Анын ичинен дээрлик 4,2 миллиарды тышкы карызга туура келет.

0
Белгилер:
Тышкы карыз, Финансы министрлиги, Кыргызстан
Тема боюнча
КР экономикасын 2021-жылы эмне күтүп турат? ЕАБРдин сценарийи
Кытай карыз төлөө мөөнөтүн узартууга макул болуп, кошумча 3 млрд. сом сурады
Министрлик тышкы карызды төлөөнүн жолун айтып, ачылган эсепти жарыялады