Ички иштер министринин мурдагы орун басары Курсан Асанов. Архивное фото

Курсан Асанов тергөө абагынан бошотулуп, үй камагына чыкты

241
(жаңыланган 20:37 04.11.2020)
Буга чейин райондук сот Асановду 10-декабрга чейин тергөө абагына киргизип, бул чечимди Бишкек шаардык соту күчүндө калтырган.

БИШКЕК, 4-ноя. — Sputnik. Ички иштер министринин мурдагы орун басары Курсан Асанов үй камагына чыгарылды. Бул маалыматты Sputnik Кыргызстан агенттигине анын адвокаты Таалайгүл Токтакунова билдирди.

Анын айтымында, Асановду үй камагына чыгаруу боюнча прокурор сотко өтүнүч келтирген. Мамлекеттик айыптоочунун суранычы канааттандырылып, Биринчи май райондук соту тарабынан тергөө абагынан бошотулду.

Курсан Асанов: жалгыз күнөөм — Атамбаевди тирүү кармаганым

Эске салсак, Асанов Бишкекте 6-октябрда болгон башаламандыкты иликтөөнүн алкагында козголгон кылмыш ишинин негизинде камакка алынган. УКМКдан ал массалык башаламандыкты активдүү уюштургандардын бири болгон деп эсептелип жаткандыгын айтышкан.

Биринчи май райондук соту аны 10-декабрга чейин камакта болсун деп чечим чыгарып, бул өкүмдү Бишкек шаардык соту күчүндө калтырган.

241
Белгилер:
Курсан Асанов, сот, өкүм
Тема боюнча
Сот Райым Матраимовдун баш коргоо чарасын карап чечим чыгарды
Жаш саясатчы Темирлан Султанбеков үй камагына чыгарылды
Бишкек шаардык мэриясынын алдындагы экологиялык кеңештин катчысы Адил Назаров

Бишкекти каптаган ыштын негизги себеби айтылды

12
Бишкек шаардык мэриясынын алдындагы экологиялык кеңештин катчысы Адил Назаров борбор калааны каптаган ыштын себептерин айтып берди.

Борбор калааны каптаган ыштын башкы себеби — Кара-Кеченин көмүрү. Мындай пикирин Адил Назаров Sputnik Кыргызстан радиосунда маек куруп жатып билдирди.

Бишкекти каптаган ыштын негизги себеби айтылды

Анын айтымында, Кара-Кеченин көмүрүндө нымдуулук ашыкча болуп, калдыгы көп, ошондой эле табы көп жок.

"Мэриянын алдындагы экологиялык кеңештин түзүлгөнүнө бир жыл болду. Ага көз карандысыз экологдор, эксперттер кирген. Буга чейин мамлекеттик органдар калааны каптаган ыштын так себебин айтпай келишти. Ошондуктан экологиялык кеңеш тарабынан шаардын аймагына атмосферанын тазалыгын аныктаган 50 аппарат орнотулду. Натыйжада абанын булганышынын негизги себеби — көмүрдүн түтүнү экени аныкталды. Буга чейин мындай көйгөй болгон эмес. Себеби Бишкек ЖЭБ Карагандадан алып келинген сапаттуу көмүрдү колдонгон. Кийин жергиликтүү көмүрдү колдонуу ниети менен ЖЭБ модернизациядан өткөрүлгөн. ТЭЦ жылына 1 миллион 600 миң тонна көмүр жагат. Мындан тышкары, 47 жаңы конуштун тургундары тарабынан 200 миң тонна көмүр колдонулат. Ошол түтүн шаарды каптоодо. Мындан улам ЖЭБди газга өткөрүү сунушу да айтылып келет. Бирок газ Россиядан дүйнөлүк баадан төмөн алып келинип жатканы менен көмүргө салыштырмалуу кымбат болуп калат. Ошондуктан борбор калаага сапаттуу көмүр алып келүүнү карап чыгуу зарыл. Мындан тышкары, Бишкек ЖЭБин мэриянын алдына өткөрүү сунуштары айтылууда. Ошондо көмүрдүн сапатын муниципалитет көзөмөл кылмак", — деди Назаров.

Ал автоунаалардан чыккан газ дагы шаарды каптаган түтүндүн себептеринин бири экенин кошумчалады.

12
Белгилер:
ыш, көмүр, экология, Адил Назаров
Тема боюнча
Азыр Бишкектин абасы кандай жана булгануунун деңгээлин кайдан билсе болот
COVID-19га каршы вакцина менен иштеген лаборант. Архив

Вирусолог: "омикрон" COVID-19га каршы тирүүлөй вакцина болуп берет

53
(жаңыланган 10:30 07.12.2021)
Адис "омикрон" башка штаммдарды сүрүп чыгара алар-албасы азырынча белгисиз экенин айтып, ошол эле учурда адам баласы локдаундар тууралуу унутса болорун кошумчалады.

БИШКЕК, 7-дек. — Sputnik. "Омикрон" штаммы коронавируска каршы тирүүлөй вакцина болуп бериши мүмкүн. Мындай пикирин Россиянын илимдер академиясынын мүчө-корреспонденти, вирусолог, профессор Петр Чумаков маегинде айтканын URA.RU жазды.

"Жаратылыш коронавируска каршы тирүүлөй вакцина берди деген оптимисттик прогноздор болуп жатат. Тагыраак айтканда, бул штаммды жуктуруп, сакайган кишилер COVID-19дун башка штаммдарына туруштук берет", — деди адис.

Ошондой эле Чумаков "омикрон" башка штаммдарды сүрүп чыгара алар-албасы азырынча белгисиз экенин айтып, ошол эле учурда адам баласы локдаундар тууралуу унутса болорун кошумчалады.

Буга чейин ДССУ Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталганын, анда патоген клеткаларды жугузуучу S-белоктун 32 мутациясы бар экенин билдирген. Окумуштуулардын айтымында, SARS-CoV-2 геномундагы жаңы өзгөрүүлөрдүн көбү бул варианттын башкаларга жугуу жөндөмдүүлүгүн жана оорулуулардын, эмдөөдөн өткөндөрдүн коргоочу антителолоруна туруктуулугун көрсөтүп турат. Ошол эле учурда россиялык окумуштуулар бул штамм башкаларынан алсыз экенин айтып, пандемияны жыйынтыктоочу варианты болуп каларын дагы божомолдоп жатат.

53
Белгилер:
'омикрон' штаммы, коронавирус, жаңы штамм, вакцина
Тема:
Дүйнөгө жайылган коронавирус
Тема боюнча
"Омикрон" штаммы өлүмгө кептебейби? ДССУ маалымат берди
Коронавирус 63 кишиден табылып, эки бейтап каза тапты. Жаңы статистика
Футбол боюнча Кыргызстандын улуттук командасынын коргоочусу Айзар Акматов. Архивдик сүрөт

Футболчу Айзар Акматов карьерасын Бангладеште улантмай болду

0
(жаңыланган 11:36 07.12.2021)
Футболчу улуттук команданын сабында ойноп, 2022-жылы өтүүчү дүйнө чемпионатына тандоо этабындагы оюнда дарбазачы болгон.

БИШКЕК, 7-дек. — Sputnik. Футбол боюнча Кыргызстандын улуттук командасынын коргоочусу Айзар Акматов карьерасын Бангладеште улантмай болду. Бул тууралуу оюнчунун мурдагы командасы, Бишкектин "Дордой" клубунун маалымат кызматы билдирди.

23 жаштагы коргоочу Бангладештин "Шейх Руссел" клубуна өтөт.

Акматов "Дордой" клубунун тарбиялануучусу болуп саналат. Ал команда менен 64 расмий беттеште ойноп, эки гол киргизген.

Футболчу Кыргызстандын улуттук командасынын курамында 2022-жылдагы Дүйнө чемпионатына тандоо турунда Монголия менен беттеште дарбазачы болгону менен да белгилүү. Оюн борборлоштурулган форматта Японияда өткөн. Анда команданын үч дарбазачысы тең COVID илдетине шектелип, беттешке чыгуусуна тыюу салынган. Ал матчта Кыргызстан 1:0 эсебинде утулган. Токиодогу үч беттештин жыйынтыгы менен улуттук команда кийинки этапка чыга албай калган. Эми 2023-жылы өтүүчү Азия кубогу мелдешине жолдомо алуу үчүн таймашын улантат.

Айзар Акматов "Шейх Русселде" 34-номерде ойнойт.

Эске салсак, аталган клубда өткөн сезондо улуттук команданын дагы бир футболчусу, жарым коргоочу Бахтияр Дүйшөбеков ойногон.

0
Белгилер:
Кыргызстан, Бангладеш, футбол, трансфер, Айзар Акматов
Тема боюнча
Кыргызстандык футболчу Шукуров "Неманда" ноябрдагы мыкты оюнчу болду
Футболчу Гүлжигит Алыкуловдун "баасы" бир миллион еврого чыкты