Премьер-министр Садыр Жапаров. Архивдик сүрөт

Садыр Жапаровдун 1 млн. долларлык келишимге байланышы жок экени айтылды

581
(жаңыланган 18:27 05.11.2020)
Мындай иштер алдыдагы президенттик шайлоого байланыштуу кимдир бирөөнү каралоо максатында жасалган аракет болушу мүмкүн экени да айтылат.

БИШКЕК, 5-ноя. — Sputnik. Президенттин милдетин аткаруучунун маалымат катчысы Галина Байтерек ЖМКларда Садыр Жапаров чет элдик лобби компаниялар менен келишимге барган деп айтылган сөздөр тууралуу комментарий берди.

Өз сөзүндө ал мыйзам боюнча мамлекет менчик компаниялардын келишимдик мамилелерин жөнгө сала албай турганын айтат.

"Биздин мыйзамдарга ылайык, мамлекет менчик компаниялардын келишимдик мамилелерин жөнгө сала албайт. Ошондуктан мамлекет башчысы мындай келишимдерге кол коюуга барышы мүмкүн эмес. Кол койгондор Садыр Жапаровдун атына жамынган болушу мүмкүн. Президенттин милдетин аткаруучунун бул документке эч кандай тиешеси жок", — деген ал.

Маалымат катчы мындай иштер алдыдагы президенттик шайлоого байланыштуу кимдир бирөөнүн каралоо максатында жасалган аракети болушу мүмкүн деген пикирин айткан.

RT: АКШ Кыргызстандын бийлигине консультация берчү адис издеп жатат

Буга чейин Foreign Lobby Report сайты АКШнын Юстиция министрлигине таянып, Жапаров башында турган Кыргызстандын өкмөтү Dickens & Madson Canada компаниясы менен экономикалык каатчылыкка байланыштуу эл аралык жардам алуу максатында 1 миллион долларга келишим түздү деген маалымат жарыялаган.

581
Белгилер:
компания, Кыргызстан, Садыр Жапаров
Тема боюнча
Садыр Жапаров бюджетке 63 млн. доллар бере турган тармакты атады
Садыр Жапаров кымбат кийимдерди ага ким сатып бергенин айтты
Садыр Жапаров: 14-ноябрга чейин президенттик ыйгарым укуктарымды өткөрүп берем
Шам жана чырак. Архивдик сүрөт

Эртең Бишкектин бир катар аймактарында жарык өчөт. График

5
(жаңыланган 17:34 01.12.2020)
Бул күнү адистер трансформатор жана электр зымдарын текшерип, оңдой турганы айтылды.

БИШКЕК, 1-дек. — Sputnik. Шаршемби күнү, 2-декабрда, Бишкектин айрым жерлеринде жарык өчөт. Бул тууралуу "Түндүк электр" ишканасынан кабарлашты.

Жарык берүү үзгүлтүккө учурай турган аймактар:

  • 09:00дөн 14:00гө чейин — 7-кичи райондун бир бөлүгүндө (№44-46, 46а үйлөрү);
  • 09:00дөн 16:00гө чейин — 5-кичи райондун бир бөлүгүндө (№43-46 үйлөр);
  • 09:00дөн 17:00гө чейин — Юнусалиев, Кольцевой жана Карасаев көчөлөрүнүн кээ бир жерлеринде;
  • 09:30дан 12:00гө чейин — Арча-Бешик конушунун айрым жерлеринде (Орто-Тогузан, Абдрахманов жана Садыбакасов көчөлөрү);
  • 09:30дан 15:00гө чейин — Чыгыш-5 кичи районунун бир бөлүгүндө (№6/5, 7/5, 14 үйлөр, №66 мектеп);
  • 09:30дан 17:00гө чейин — Исанов менен Ташкен көчөлөрүнүн кесилишкен жеринде, Тоголок Молдо көчөсүндөгү №74 үйдө жана Ак-Босого конушунун кээ бир жерлеринде (Чүй 25, Чүй 29, Чүй 31, Чүй 34);
  • 09:30дан 18:00гө чейин — Арча-Бешик конушунун бир бөлүгүндө (Миң-Куш, Кара-Коо, Он-Арча, Садырбаев, Аксы, Ош-3000, Масыралиев, Жаңы-Турмуш, Нарын көчөлөрү);
  • 11:00дөн 15:00гө чейин — 12-кичи районунун айрым жерлеринде (№1, 7, 9, 23, 26, 27, 30);
  • 11:00дөн 17:00гө чейин — Тыныстанов жана Линейный көчөлөрүнүн кээ бир жерлеринде (темир жол вокзалынын жаны);
  • 13:00дөн 17:00гө чейин — Адыр көчөсү менен Берлик туюк көчөсүндө.
5
Белгилер:
"Түндүк Электр" ишканасы, жарык өчүрүү, Бишкек
Тема боюнча
Дагы кар жаайбы? Бир жумага карата аба ырайы
Фотофакт: өпкө илдетин чакырган Бишкектин кир абасы
Мал базар. Архив

Мал арзандады. Өлкөнүн ири базарларындагы баага саресеп

11
(жаңыланган 17:31 01.12.2020)
Sputnik Кыргызстан агенттиги өлкөдөгү ири базарларда малдын (жылкы, кой, уй, ирик, бука, торпок) баасы канчадан болуп жатканын билип көрдү.

20-ноябрда өкмөт Айыл чарба министрлигинин сунушу менен мал жана айыл чарба товарларынын айрым түрлөрүн өлкөдөн чыгарууга тыюу салган. Ага чейин асмандын башына чыгып жаткан малдын баасы дароо түшкөнү айтылды.

Буга байланыштуу Sputnik Кыргызстан агенттиги өлкөдөгү ири делген мал базарларда ушул дем алышта жылкы, кой, уй канчадан сатылганын билди.

Бишкекте койдун баасы

Бишкек шаарында бодо мал көп сатылбайт. Уй, жылкы алам дегендер адатта Сокулук же Токмок шаарларындагы мал базарларга барышат. Ордо калаада кой сатып иштеген Бактыбек Аралбековдун айтымында, шаарда мал кымбат эле.

"Азыр козулардын эң арзаны, арыгы 6500-7000 сом болуп жатат. Чоң койдун эң жакшысы 16-17 миң сомго чейин барат. Токту, боруктар болсо 8500-9000 сом, сойгонго ылайыктуу койду 10 000-10 500 сомго тапса болот", — деди Аралбеков.

Ишкердин айтымында, алармандардын саны бул жумада азая түшкөн.

Аймактардагы малдын баасы

Койдун баасы Ысык-Көл менен Нарында арзандады дейт жергиликтүү тургундар. Ат-Башы районунун тургуну Каныбек Кожониязов өткөн базар күнү сойгонго ылайыктуу койлор аталган аймакта 8000 сомдун айланасында сатылганын айтты.

"Бул эмес өткөн базардан баштап малдын баасы төмөндөй түшкөнүн байкадык. Ага чейин сойгонго ылайыктуу койлор 10 миңден түшпөй жаткан, эми 8000 сомдон тапса болот. Бодо мал болжол менен 5-10 миң сомго чейин арзан сатылды окшойт. 95 миң сомго берилип жаткан жылкылар 80-85 миңге түшүп калды. Букалар 50 миңден өйдө болсо, саан уйларды 65 миң сомго тапса болот", — деди Кожониязов.

Жети-Өгүз районунун тургундары Караколдогу мал базарда деле ушундай көрүнүш дейт. Тургунбек Мамбетовдун айтымында, малдын наркы 10-15 миң сомго дароо төмөндөгөн.

"Мисалы, Ысык-Көлдө 200-250 кишиге ылайыктуу жылкылар 75-80 миң сомго чейин арзандап кетти. 80 миңдиктер 65-70 миң сомго түштү. Койлор 9000 сомго түшсө, уйлар 55 миң сомдон жогору бааланып жатат. Өкмөт малды сыртка чыгарууга тыюу салары менен мал арзандады. Ортодо алып сатарлар чыгымга учураса керек. Малдын кымбат сатылып жатканы бизге жакшы эле болуп жаткан", — деди Мамбетов.

Талас менен Чүйдө мал анча арзандаган жок дейт жергиликтүү тургундар. Чоң-Кемин районуна караштуу Калмак-Ашуу айылынын жашоочусу Максат Жаналиев өткөн дем алышта Токмоктун мал базарында жылкылар 80 миңден өйдө бааланганын айтты.

"Чарба уйлары 50-60 миң сом болуп жатат. Негизи эле көбүнчө бизде уй жакшы өтөт. Ириктер 11-12 миң сом, ал эми сойгонго ылайыктуу койду 12 миң сомго алса болот. Андан арзандары деле бар, бирок алар арыгыраак же кичирээк болуп калат. Жалпы жонунан мал 2000-3000 сомго арзандады", — деди Жаналиев.

Ош менен Жалал-Абадда жылкылардын баасы окшош эле экен. Аларды 80-85 миң сомдун айланасында алса болот. Бирок койдун баасында айырма бар. Жалал-Абадда семиз койлор 13 миң сомго чейин чыккан. Ал эми Ошто 10 миң сомго тапса болот. Баткенде жылкы 80 миң, чарба уйлары 70 миңдин тегерегинде сатылып жатканын жергиликтүү кабарчылар билдиришти.

Жылкынын баасы башка аймактарга салыштырмалуу Таласта кымбат экен. Кара-Буура районунун жашоочусу Токтобек Жапаркулов Таласта 250 кишиге ылайыктуу жылкылар 90 миң сомдон түшпөй жатканын белгиледи. Уйлар 70 миң сомго чейин болсо, койлорду 10 миң сомдон өйдө сатып алса болот.

Мал арзандаганы менен Бишкек шаарында эттин баасы түшө элек. Көбүнчө уй эти көп өтөт. Акыркы маалымат боюнча, уй этинин бир килограммы калаада 450 сомдун тегерегинде сатылып жатат. Ал эми аймактарда 360-380 сомдон бааланып жатканы белгилүү болду.

11
Белгилер:
базар, баа, эт, мал, Кыргызстан
Тема боюнча
Бука сатып берем деген. Ошто элди 1,5 млн. сомго алдап кеткен адам кармалды
Быйыл Кыргызстанда эт көбүрөөк өндүрүлдү. Тогуз айдын жыйынтыгы