Дүкөндөгү таттуу азыктар. Архив

Адис ачууга же таттууга берилүүнүн себебин түшүндүрдү

372
Адис табитти жөнгө салуу үчүн адамдын эрки күчтүү болушу керектигин айткан. Маселен, бир чыны чайга эки-үч кашык шекер салып ичсеңиз, аны азайтуу керек, такыр баш тартып салган да болбойт.

БИШКЕК, 7-ноя. — Sputnik. Адамдын кайсы бир даамга берилүүсү курсакта жаткан кезинде калыптанат. Бул тууралуу Sputnik радиосуна Тамактануу, биотехнология жана азык-түлүк коопсуздугу илимий борборунун нутрициология лабораториясынын башчысы Екатерина Пырьева айтып берди.

Адис генетиканы "оңдосо" болорун айткан.

"Маселен, аял кош бойлуу кезинде туздалган жана ачуу тамактарды көп жесе кийин баласы дагы ошого жакын болот. Ал эми таттууну наристелер төрөлгөндөн баштап эле жакшы көрүшөт. Бирок ширин азыктарды кечке эле жей берсе берилип кетет. Анткен менен жаш курактын өтүшү менен адам таттуу жебей калат. Биздин максат даамдарга берилүүнү күчөтүп жибербөө", — деген адис.

Уйку канат. Дарыгер кумшекерден баш тартуунун пайдасын айтты

Ошол эле учурда кайсы бир тамак-ашка болгон муктаждыктын себеби бар жана ал организмдин физиологиялык өзгөчөлүгүнө байланыштуу.

"Бардыгы жекече каралат. Кээде тузду сүйгөндөр селёдка балыгын бүт жеп салышат. Адатта мындай адамдардын кан басымы төмөн болуп, ошону менен тамырларын нормалдаштырышат. Ал эми ачуу тамакка тарткандардын ашказанында секрециясы жетиштүү болбогондуктан, ушундай жол менен толукташат. Таттууну ашагандар глюкозалык метаболизми начар экенинен кабар берет. Алар шекердин жардамы менен глюкозанын деңгээлин жакшырткысы келет", — деген эксперт.

Пырьева табитти жөнгө салуу үчүн адамдын эрки күчтүү болушу керектигин айткан. Маселен, бир чыны чайга эки-үч кашык шекер салып ичсеңиз, аны акырындык менен азайтуу керек, такыр баш тартып салган да болбойт. Туздуу жана ачуу тамактарга да ушундай аракеттерди көрүү керек.

372
Белгилер:
Окумуштуулар, организм, туз, таттуу
Тема боюнча
Канды коюлантат. Коронавирус менен ооруганда жебей турчу азыктар аталды

Бишкектеги батирлер канча турат? Ноябрь айындагы баалар

9
Окурманга ыңгайлуу болушу үчүн биз бир, эки жана үч бөлмөлүү турак жайлардын ар кандай түрүнүн орточо наркын көрсөттүк.

Sputnik Кыргызстан маалымат агенттиги ай сайын Бишкек шаарындагы 104, 105, 106-сериялардагы, "хрущевка" жана жеке типтеги батирлердин сатылган бааларына байкоо жүргүзүп келет.

Бул материалды даярдоодо 3 891 жарыя иликтөөгө алынган. Ачык маалыматтардагы бааларга ылайык, бир бөлмөлүү батирдин орточо наркы ноябрь айында төмөнкүнү көрсөттү:

  • 104-серия — 30 200 доллар (23 000ден 35 500 долларга чейин);
  • 105-серия— 29 300 (21 500дөн 40 000ге чейин);
  • 106-серия —32 500 (23 500дөн 44 000ге чейин);
  • "хрущевкалар" — 26 600 (21 500дөн 36 500гө чейин);
  • жеке типтеги батирлер — 29 200 (14 000ден 56 500гө чейин).

Эки бөлмөлүү батирлердин орточо наркы:

  • 104-серия — 36 500 доллар (29 000ден 46 000 долларга чейин);
  • 105-серия— 42 000 (30 000ден 54 500гө чейин);
  • 106-серия — 44 000 (27 500дөн 65 500гө чейин);
  • "хрущевкалар" — 33 600 (26 500дөн 48 500гө чейин);
  • жеке типтеги батирлер — 41 300 (18 500дөн 90 000ге чейин).

Үч бөлмөлүү батирлердин орточо наркы:

  • 104-серия — 44 300 доллар (35 000ден 61 500 долларга чейин);
  • 105-серия— 53 100 (32 500дөн 86 500гө чейин);
  • 106-серия — 56 500 (39 500дөн 76 500гө чейин);
  • "хрущевкалар" — 41 200 (27 500дөн 51 500гө чейин);
  • жеке типтеги батирлер — 56 300 (27 500дөн 157 000ге чейин).
9
Белгилер:
нарк, сатуу-сатып алуу, сатуу, батир, турак-жай, Бишкек, Кыргызстан
Тема боюнча
Бишкек менен Ошто ижарага берилчү батирлердин ушул аптадагы баасы. Инфографика
Трансформатор. Архив

Кең-Сайдагы дагы бир коррупция. Эки трансформатор сегиз эсе кымбат алынган

12
(жаңыланган 17:33 04.12.2020)
Эки трансформатордун баасы дээрлик сегиз эсе жасалма кымбат көрсөтүлүп, анын кесепетинен мамлекет тарткан чыгымдын баасы 73,4 миллион сом болгон.

БИШКЕК, 4-дек. — Sputnik. Ош облусундагы Кең-Сай конушуна 10 миллион сомдук эки трансформатордун баасын жогорулатып, 82,6 миллион сомго алынган коррупциялык фактыны Финансы полициясы таап чыгып, иликтеп жатат. Бул туурасында аталган ведомстводон кабарлашты.

Эсептей келгенде алар өзүнүн баасынан сегиз эсеге кымбаттатылган.

Финансы полициясынын Ош шаардык башкармалыгы иштин көлөмүн көбөйтүп жана мамлекеттик бюджеттин акчасын өз чөнтөгүнө салып алуу фактысын сотко чейинки өндүрүш менен иликтеп жатканы маалымдалды.

Ош облусунун Капиталдык курулуш боюнча башкармалыгы менен "Э" деп аталган ачык типтеги акционердик коому (Финполиция ишкананын атын так айткан жок) Кең-Сай конушун электр менен камсыздай турган, баасы 200 миллион сомдук курулуш иштерин аткарууга келишим түзгөн.

Башкы подрядчы болгон ачык типтеги акционердик коом келишимдин негизинде субподрядчы катары "С.Т." аталышындагы ЖЧК менен макулдашат. Анда айтылган ЖЧК электр жабдууларды алып келүү жана жалпы курулуш иштерин жасоо милдетин алган. Андан айтылган ЖЧК 82,6 миллион сомго эки даана трансформатор алып келген. Маалыматта анын өзүнүн баасы 10 миллион сом тургандыгы айтылды.

"Ошентип, эки трансформатордун баасы дээрлик сегиз эсе кымбат көрсөтүлүп, анын кесепетинен мамлекет тарткан чыгымдын баасы 73,4 миллион сом болгон. Эске сала кетсек, ушуга окшогон дагы бир факты боюнча аталган ЖЧКнын жетекчиси П.Т. кармалып, убактылуу тергөө абагына киргизилген", — деп айтылат маалыматта.

Эске салсак, дал ушул Кең-Сай жаңы конушуна кетчү жолго бөлүнгөн 42,9 миллион сомго ишти аягына чейин бүтүрбөй койгон факты туурасында Финансы полициясы мындан эки күн мурда эле билдирген. Бүгүнкү күндө объект пайдаланууга берилбей, ал эми аткарылбай калган жумуштун чыгымы 13 миллион сом деп бааланган.

12
Белгилер:
трансформатор, коррупция, финансы полициясы, Ош шаары
Тема боюнча
23 млн. доллар... Финпол кылмыштуу кирешени адалдаган схеманы аныктады
Оштун жака белиндеги Кең-Сай конушу өзгөчө шаарчага айланат. Эскиз
Премьер-министрдин милдетин аткаруучу, биринчи-вице-премьер Артем Новиков

Премьер-министрдин милдетин аткаруучу Новиков Нарынга барат

0
(жаңыланган 17:47 04.12.2020)
Өкмөт башчынын милдетин аткарып жаткан Артем Новиков Нарындагы бир катар инфраструктуралык жана социалдык объектилердин курулушу менен таанышат.

БИШКЕК, 4-дек. — Sputnik. Премьер-министрдин милдетин аткаруучу, биринчи-вице-премьер Артем Новиков эртең, 5-декабрда, Нарынга жумушчу сапары менен барат. Бул тууралуу өкмөттөн кабарлашты.

Жумушчу сапардын алкагында Новиков "Торугарт" көзөмөл өткөрүү бекетинин иши менен таанышат. Ошондой эле бир катар инфраструктуралык жана социалдык объектилердин курулушун көрөт.

0
Белгилер:
Нарын, премьер-министр, Артем Новиков
Тема боюнча
Новиковдон кагуу жеп буйдалган жетекчи. Салык кызматы түшүндүрмө берди