И.о. президента КР Садыр Жапаров и экс-президенты Сооронбай Жээнбеков и Роза Отунбаева во время поминальных мероприятий в мемориальном комплексе Ата-Бейит

Жапаров, Жээнбеков, Отунбаева биргеликте "Ата-Бейитке" барды. Сүрөт

663
(жаңыланган 13:27 07.11.2020)
Бүгүнкү Тарых жана ата-бабаларды эскерүү күнүнө байланыштуу "Ата-Бейит" комплексиндеги иш-чарага президенттин милдетин аткаруучу баш болгон саясатчылар барган.

БИШКЕК, 7-ноя. — Sputnik. Президенттин милдетин аткаруучу жана премьер-министр Садыр Жапаров бүгүн, 7-ноябрда, Тарых жана ата-бабаларды эскерүү күндөрүнө байланыштуу "Ата-Бейит" улуттук тарыхый-мемориалдык комплексине барды. Бул тууралуу өлкө башчынын маалымат кызматы кабарлады.

  • И.о. президента КР Садыр Жапаров и экс-президенты Сооронбай Жээнбеков и Роза Отунбаева во время поминальных мероприятий в мемориальном комплексе Ата-Бейит
    Президенттин милдетин аткаруучу жана премьер-министр Садыр Жапаров бүгүн, 7-ноябрда, Тарых жана ата-бабаларды эскерүү күндөрүнө байланыштуу "Ата-Бейит" улуттук тарыхый-мемориалдык комплексине барды
    © Пресс-служба президента КР / Султан Досалиев
  • И.о. президента КР Садыр Жапаров и экс-президенты Сооронбай Жээнбеков и Роза Отунбаева во время поминальных мероприятий в мемориальном комплексе Ата-Бейит
    Иш-чарага Жогорку Кеңештин төрагасы Талант Мамытов, Жогорку соттун төрайымы Гүлбара Калиева, экс-президенттер Сооронбай Жээнбеков менен Роза Отунбаева, президент аппаратынын жетекчиси Сүйүнбек Касмамбетов жана Куралдуу күчтөрдүн Генералдык штабынын башчысы Таалайбек Өмүралиев катышты
    © Пресс-служба президента КР / Султан Досалиев
  • И.о. президента КР Садыр Жапаров и экс-президенты Сооронбай Жээнбеков и Роза Отунбаева во время поминальных мероприятий в мемориальном комплексе Ата-Бейит
    Алар 1916-жылдагы коогалаңда курман болгондорду эскерүү мемориалына, Саясий репрессиянын курмандыктарынын эстелик мемориалына, жазуучу Чыңгыз Айтматовдун мүрзөсүнө жана 2010-жылдагы Апрель элдик революциясынын баатырларынын мемориалына гүл коюшту
    © Пресс-служба президента КР / Султан Досалиев
  • И.о. президента КР Садыр Жапаров и экс-президенты Сооронбай Жээнбеков и Роза Отунбаева во время поминальных мероприятий в мемориальном комплексе Ата-Бейит
    Каза тапкандарга багышталып куран окулду
    © Пресс-служба президента КР / Султан Досалиев
  • И.о. президента КР Садыр Жапаров и экс-президенты Сооронбай Жээнбеков и Роза Отунбаева во время поминальных мероприятий в мемориальном комплексе Ата-Бейит
    Эскерүү иш-чаралары "Таазим" тарыхый-мемориалдык музейинде жыйынтыкталды.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Президенттин милдетин аткаруучу жана премьер-министр Садыр Жапаров бүгүн, 7-ноябрда, Тарых жана ата-бабаларды эскерүү күндөрүнө байланыштуу "Ата-Бейит" улуттук тарыхый-мемориалдык комплексине барды

Иш-чарага Жогорку Кеңештин төрагасы Талант Мамытов, Жогорку соттун төрайымы Гүлбара Калиева, экс-президенттер Сооронбай Жээнбеков менен Роза Отунбаева, президент аппаратынын жетекчиси Сүйүнбек Касмамбетов жана Куралдуу күчтөрдүн Генералдык штабынын башчысы Таалайбек Өмүралиев катышты.

Алар 1916-жылдагы коогалаңда курман болгондорду эскерүү мемориалына, Саясий репрессиянын курмандыктарынын эстелик мемориалына, жазуучу Чыңгыз Айтматовдун мүрзөсүнө жана 2010-жылдагы Апрель элдик революциясынын баатырларынын мемориалына гүл коюшту. Каза тапкандарга багышталып куран окулду.

Тарыхый эс тутум бизди маңкуртчулуктан сактайт. Садыр Жапаров элге кайрылды

Садыр Жапаров Кыргызстанда 1920-1950-жылдардагы саясий репрессиянын курмандыктары болгон 40 миңге жакын адамдын сөөгү ушул күнгө чейин белгисиз экенин эске салды. Ошондой эле Бүбүйра Кыдыралиеванын, улуттук коопсуздук органдарынын кызматкери Болот Абдрахмановдун жана археолог Михаил Москалевдун эрдигин белгилеген. Алардын аракети менен Чоң-Таш айылына жакын жерде репрессияланган 138 адамдын жашыруун жана массалык түрдө көмүлгөндүгү коомчулукка маалым болгонун айткан. Андан сырткары, бул адамдарды эң жогорку мамлекеттик сыйлыктарга татыктуу деген.

"Жапаров элдик толкундоолордун натыйжасында бийлик үч жолу алмашканын кошумчалады. 2020-жылдын 5-октябрындагы окуянын себептерин Садыр Жапаров адамдардын коррупцияга болгон каршылыгы деп атады. Эми ага каршы күрөш жарыяланып, коомчулукка таянуу менен жүргүзүлөрүн белгиледи. Электоратты сатып алуу жөнүндө үстөмдүк кылган шайлоо психологиясы жоюларын кошумчалады", — деп айтылат маалыматта.

Эскерүү иш-чаралары "Таазим" тарыхый-мемориалдык музейинде жыйынтыкталды.

663
Белгилер:
иш-чара, эскерүү, Роза Отунбаева, Сооронбай Жээнбеков, Садыр Жапаров
Тема боюнча
Бишкекке 40 кайың тигилди. Жетекчинин элесине арналган көчөттөрдүн сүрөтү
Мурдагы президент Алмазбек Атамбаев сот учурунда. Архивдик сүрөт

Атамбаевге экс-президент макамы кайтарылабы? Адистердин пикири

201
(жаңыланган 19:02 01.12.2020)
Депутат, юрист жана саясий серепчилер мурдагы президент Алмазбек Атамбаев эркиндикке чыгып, экс-мамлекет башчы макамын кайтара алабы деген суроонун тегерегинде ой толгошту.

Мурдагы президент Алмазбек Атамбаевдин жактоочусу Сергей Слесарев Жогорку сот кримтөбөл Азиз Батукаевдин иши боюнча өкүмдү жокко чыгарганын, мурдагы өлкө башчынын эркиндикке чыгышы мүмкүн экенин жар салды.

Мындан улам окуя ушундай нукта өнүксө, Атамбаевге экс-президент макамын кайтарып берүү маселеси көтөрүлүшү мүмкүнбү деген суроо жаралды. Бул тууралуу сеперчилердин оюн уктук.

Саясат таануучу Марс Сариевдин пикиринде, мурдагы президенттин кылмыш жоопкерчилигинен бошотулуп, эркиндикке чыгуусуна эки себеп бар. 

Политолог Марс Сариев во время видеомоста в мультимедийном пресс-центре Sputnik Кыргызстан
© Sputnik / Жоомарт Ураимов
Саясат таануучу Марс Сариев
"Биринчиден, учурдагы саясий кырдаалда Атамбаевдин бошотулушу керек болуп турат. Экинчиден, алдыда президенттик шайлоо келе жатат. Азыркы бийликке кырдаалдын курчуп кетиши, Атамбаевдин электораты тараптан оппозициялык маанайдагы аракеттердин кереги жок. Башкача айтканда, аны бошотуу — өлкөдө туруктуулукту орнотууга кадам катары саналат", — деди Сариев.

Саясий серепчи Эмил Жураев дагы Атамбаевге байланыштуу бул жагдайдын саясий мааниси бар экенин айтат. 

"Учурда саясий боёктору бар деп айтылган айрым чуулгандуу кылмыш иштери кайрадан артка кайтарылып жатат. Алмазбек Атамбаевдин иши дагы алардын катарында, анын саясий мааниси бар экенин жокко чыгара албайбыз", — деди Жураев.

Анын пикиринде, эгер Атамбаевдин буга чейинки кылмыш иштери, соттук чечимдер токтотула турган болсо, экс-президент макамын кайтарып берүү маселеси турушу мүмкүн.

Ал эми депутат жана юрист Дастан Бекешев азырынча Атамбаевге экс-президент макамын кайтаруу тууралуу маселени көтөрүүгө эрте деген пикирде. 

Депутат Жогорку Кенеша Дастан Бекешев на радиостудии Sputnik Кыргызстан
© Sputnik / Асель Сыдыкова
Депутат жана юрист Дастан Бекешев
"Алмазбек Атамбаевге экс-президент макамын кайтарып берүү боюнча сөз кылууга эртерээк. Себеби соттук иштер дагы алдыда. Анын үстүнө Жогорку соттун коллегиясынын акыркы, расмий чечимин көрүшүбүз керек", — деди депутат.

Борбордук шайлоо комиссиясынын мүчөсү, юридика илимдеринин доктору Кайрат Осмоналиев Атамбаев азырынча актала электигине токтолду. 

Заслуженный юрист КР, член ЦИК и советник министра образования Кайрат Осмоналиев
© Sputnik / Табылды Кадырбеков
Борбордук шайлоо комиссиясынын мүчөсү, юридика илимдеринин доктору Кайрат Осмоналиев
"Азыр көпчүлүк резонанстуу иштерди кайрадан соттун кароосуна жиберип коюп жатышат. Ал жакта иш башынан каралып, тиешелүү процедуралар өтүшү керек. Эгер алар Атамбаевди толугу менен актай турган болсо, ошондо гана макамын кайтаруу тууралуу айтса болот", — деди Осмоналиев.

Ошондой эле ал Атамбаевди макамынан ажыратуу башынан эле мыйзамсыз чечим болгонун кошумчалады.

"Мен Атамбаевди коргобойм, тарапташы эмесмин. Бирок мыйзамдын так аткарылышына кызыкдармын. Кол тийбестигинен, экс-макамынан ажыратуу мыйзам жагынан туура эмес болчу. Ошол кезде бул тууралуу көп айткан элем. Бирок бул кылганы үчүн Жогорку Кеңеш дагы, Башкы прокуратура дагы жоопко тартылган жок. Эгер Атамбаев акталып калса, Жогорку Кеңеш катасын мойнуна алып, экс-президент макамын кайтарып берүүсү керек. Бул укуктук өлкөдө кадыресе көрүнүш", — деди юрист.

Эске салсак, Башкы прокуратура Алмазбек Атамбаевди беш кылмышка тиешеси болушу мүмкүн деген бүтүм чыгарып, анын негизинде Жогорку Кеңеш экс-президент макамынан ажыраткан.

Ал эми бүгүн Жогорку соттун маалымат кызматы мурдагы президент Алмазбек Атамбаев Бишкектин Биринчи май райондук сотунун чечими менен эркиндикке чыгышы мүмкүн экенин билдирди. Фемида өкүлдөрү Атамбаевге карата чыккан өкүм жокко чыгарылып, райондук сотко кайра башынан кароого жөнөтүлгөнүн эскертти.

201
Белгилер:
макам, чечим, Жогорку сот, Алмазбек Атамбаев
Тема:
Алмазбек Атамбаевдин кармалышы
Тема боюнча
Жогорку сот Атамбаевге Батукаевдин иши боюнча чыккан өкүмдү жокко чыгарды. Видео
Сот Атамбаевдин үч иши эмне себептен бириктирилгенин түшүндүрүп берди
Терезени караган аял. Архивдик сүрөт

Кызы менен коштошкон боюнча жок. Жалал-Абадда 42 жаштагы аял изделүүдө

64
(жаңыланган 18:38 01.12.2020)
Бахтигүл Базарматова 25-ноябрь күнү Жалал-Абад шаарынын Ленин жана Нагима Айтматова көчөлөрүнүн кесилишинде кызы менен коштошуп кеткен боюнча үйүнө барган эмес.

БИШКЕК, 1-дек. — Sputnik. Жалал-Абад шаарында 42 жаштагы аял дайынсыз болууда. Бул тууралуу аталган облустун ички иштер башкармалыгынын маалымат кызматы кабарлады.

Билдирмеге караганда, Бахтигүл Базарматова аттуу аял 25-ноябрь күнү саат 15:30дар чамасында Жалал-Абад шаарынын Ленин жана Нагима Айтматова көчөлөрүнүн кесилишинде кызы менен коштошуп кеткен боюнча үйүнө барган эмес. 

Пропавшая в Джалал-Абадской области Бахтигуль Базарматова
© Фото / пресс-служба УВД Джалал-Абадской области
Жоголуп кеткет Бахтигүл Базарматова
"Учурда анын жүргөн жерин аныктоого мүмкүн болбой жаткандыктан, туугандары жана милиция аны табууга коомчулуктан жардам сурайт", — деп айтылат маалыматта.

Бахтигүл Базарматованын өзгөчө белгилери: бою 155-160 см, чачы, кашы, көзү кара, орто дене түзүлүштө.

Ал башына сары, кара түс аралашкан жоолук салынып, тизеге жеткен боз түстөгү күрмө жана кара түстөгү шым кийип жүргөн. Бутунда такалуу кара түстөгү ботинка бар экени айтылды.

Дайынсыз жоголуп жаткан аял тууралуу кандайдыр бир маалымат болсо, милиция (03722) 5-28-31, 7-03-44, 0777 79-23-63, 0773 00-08-02 телефондоруна чалып коюуну өтүндү.

64
Белгилер:
белги, издөө, аял, милиция, Жалал-Абад
Тема боюнча
30 жыл полициядан качып жүргөн кишини эч ким издеген эмес. Кытайдагы окуя
Бишкекте 9 жаштагы Аяна Эмилбекова изделип жатат. Сүрөт
ЖККУнун  жыйыны. Архив

ЖККУнун коргоо министрлеринин отуруму өттү. Талкууланган маселелер

0
(жаңыланган 19:43 01.12.2020)
Кыргызстандын атынан Генералдык штабдын жетекчиси Таалайбек Өмүралиев катышты. Отурумдун аягында бир топ документтер кабыл алынды.

БИШКЕК, 1-дек. — Sputnik. Бүгүн Жамааттык коопсуздук келишими уюмуна кирген өлкөлөрдүн коргоо министрлеринин кеңешинин жыйыны өттү. Бул тууралуу Генералдык штабдын маалымат кызматынан кабарлашты.

Кыргызстандын атынан Генералдык штабдын жетекчиси Таалайбек Өмүралиев катышты. Иш-чара Россиянын коргоо министри Сергей Шойгунун төрагалыгы алдында өттү.

Жыйын видеоконференция форматында уюштурулду.

"Иш-чаранын жүрүшүндө ЖККУнун БУУ менен өз ара кызматташуусу, аталган уюмдун алдында тынчтык орнотуучу иштерге катышуу боюнча маселелер талкууланып, пикир алмашуу болду", — деп айтылат маалыматта.

Андан сырткары, жыйындын соңунда ЖККУнун Жамааттык күчтөрүн материалдык-техникалык жана медициналык жактан биргелешип камсыздоо боюнча бир нече документтер макулдашылган. Буга авиациялык тармактын өнүгүшү жана аны изилдөө маселелери, аскердик кызматташууну өнүктүрүүнүн планын кароо кошулган.

Келерки жылы төрагалык кылуу Тажикстанга өтмөкчү.

0
Белгилер:
кызматташуу, ЖККУ, Кыргызстан
Тема боюнча
Кооптуулуктун таасири талкууланды. Мусаев ЖККУ жыйынына катышты