Кыргызстандыктар жакында жабыла учкан топ жылдызды көрө алышат

© Sputnik / Виталий Тимкив / Медиабанкка өтүүМетеорный поток Персеиды
Метеорный поток Персеиды - Sputnik Кыргызстан
Жазылуу
Жылдыздардын учканына байкоо салууга Ай тоскоол болбойт. Анткени Ай кичирейип, жаңылануу фазасына кирет.

БИШКЕК, 9-ноя. — Sputnik. 17-ноябрга караган түнү Леонид метеориттер агымынын жогорку чеги күтүлүп жатканын Москва планетарийи билдирди.

Агым 6-ноябрда активдешип баштаган, ал 30 күнгө чейин уланат. Эң жогорку интенсивдүүлүктө саатына 15-20 метеориттин учуусу күтүлөт. Бир метеориттин ылдамдыгы болжол менен секундасына 71 чакырымды түзөт.

Эгерде күн ачык болсо, анда кыргызстандыктар жабыла учкан топ жылдызды көрө алышат. Байкоо салууга Ай тоскоол болбойт. Анткени Ай кичирейип, жаңылануу фазасына кирет.

Бишкектиктер тутулган күндү сүрөт, видеого тартып алышкан

Леонид метеориттер агымы Арстан жылдызынын атынан аталган. Леониддер күндүн тегерегинде 33 жылда бир айланган 55P/Темпель — Таттла куйруктуу жылдызынын (комета) калдыктарынан жаралган.

Агымдын кыймылы улам өзгөрүлүп турат. Бирок ар бир 33 жыл сайын ал күчөп, жылдыздуу жамгыр, нөшөр, жадагалса бороон түрүндө жерге "төгүлүп" турат. Мисалы, 1966-жылы саатына 10 миңге чейин метеорит учканы байкалган, башкача айтканда, секундасына дээрлик 30 жылдыз учкан.

Жаңылыктар түрмөгү
0